|
اقتباس:
احساس تواجدك اجمل واحلى يا اخى تتشرف بكل الاماكن كلهـا وشرف لى تواجدك يا انيق كل التحيه والتقدير |
في مشهد من مسلسل "الشهد والدموع" حافظ كان بيضرب إبنه لما إتهمه ظلما بأنه سرق خزنته .. في الشوت دة حافظ كان عينيه ونظراته بيملاهم الجبروت والطغيان والشر .. ولكن لما إبنه بيفكره باللي عمله في أخوه وعيلته زمان وسرقته لفلوسهم .. لثانية حافظ بيقف عن الضرب وشريط الحكاية القديمة بيعدي علي ذاكرته زي القطر .. نظرات الشعور بالصدمة بتظهر علي عينيه وملامح وشه، وبعدها بتتحول نظرات القوة والجبروت إلي نظرات ضعف وحزن وتأنيب .. / يوسف شعبان هو المعني الحقيقي للجبروت التمثيلي |
_ سيادة العميد مجدي ، عايزك تنقل للسادة الأعضاء الصورة كاملة = السادة الأعضاء إحنا في مكان ميصحش الواحد يكدب فيه .. وانا معنديش غير الحقيقة الحالة موجودة وإنكارها مأساة جديدة الهدف منها إبقاء الحال علي ما هو عليه المجلس الموقر بيناقش كل قضايا الدولة ، بتناقشوا الميزانية التجارة الصناعة السياحة الصرف الصحي ، لكن مابتناقشوش أحوال المواطن علشان نقاء السلالة وسلامة النوع ، بلاش نكدب علي نفسينا علشان خاطر الأجيال الجديدة ، إحنا عايزين جيل بيحس ، يغضب ، يكره ، يحب ، يبكي ، مش عايزين نبقي مسخ زي الحالة اللي عيشناها من ساعة الحالة ما أصابتنا .. لو كانت الحالة مرضية نشوفلها علاج .. نعترف بيها ، لو كانت حالة نفسية نشوف ايه السبب ، لو كان الناس فقدوا الأمل نوجدلهم أمل علشان يعيشوا بيه ، لو كانت الناس نسيوا الغنا .. نعزفلهم علشان يغنوا من جديد بتهيألي الحاجات دي ممكن ترجعنا للحالة الطبيعية اللي ربنا خلقنا عليها .. بدل ما تحكمنا الخرافات والخزعبلات / \ النوم في العسل _ 1996 تأليف : وحيد حامد إخراج : شريف عرفة |
من اعظم مشاهد فيلم " جرى الوحوش " { وَإِنْ تَعُدُّوا نِعْمَةَ اللَّهِ } https://www.youtube.com/watch?v=wClTzi47WUY |
الوحيد اللي كان في مصر عنده طبق دش كبير لا وكان بيقول أنها ببلف العالم عشان يجيب اللقطات دي الاستاذ/جلال علام و برنامج مواقف وطرائف اللي كان قبل اي حاجة اسمها YouTube ..وكان من اكتر البرامج مشاهدة عندنا كشعب مصر قبل ما يكون فيه إعلانات تزهقنا واحنا بنتفرج على الحاجة اللي بنحبها .. البرنامج ده كان بيتذاع على القناة الثانية المصرية من سنة 1988 وحتى 2008 ووصلت عدد حلقاته لاكتر من 950 حلقة خلال عشرين سنه متواصلة |
|
فيلم " Devil " البطل قال جملة عبقرية جدا .. قال ( عندما تصل إلى الانهيار الكامل فتشعر أن العالم بأكمله يلقي اللوم عليك ،بحيث تتوالى على رأسك أفكار لعينة ،ولكن هذا ليس صحيحاً..جميعنا مُذنبون ،كل واحد منّا ،أدركت أن السبيل الوحيد للخروج من الجحيم ،هو بأن أتحمّل مسئولية كل ما جرى لي ) .... المقصود : الشخص المنهار بيلقي اللوم دايما على الاشخاص حواليه بأنهم هم المتسببين نصا وموضوعا لانهياره ولضياعه النفسي ، وإنهم ضلع أولي وأساسي في شتات أمره والحقيقة بتكون عكسية تماما ، في أغلب الأحيان انت اللي بتكون شيطان نفسك انت الهالك لأمرك ، والمتهم في قضيتك غالبا ، وعشان تخرج من جحيمك وهلاكك لازم تتحمل المسئولية كاملة .... مسئولية اختياراتك ، أفعالك وتصرفاتك ، تنبؤاتك ... مش دايما بتكون المجني عليه في حكايتك ،ساعات بتكون الجاني وبتحاول تتغافل عن ده وعاجبك دور الملام والمظلوم والمقهور ... لكن في الواقع انت أكبر ظالم لنفسك |
- عم متولي ، بمناسبة السنة الجديدة تحب تقول إيه ؟!
= أقول حسبي الله ونعم الوكيل .. فيلم جاءنا البيان التالي (2001) |
كل عام وأنتم بخير :-ff1 (28): زي النهاردة من خمسة وتلاتين سنة... عبده القماش و عدلات ورمانة ومطاوع كانوا بيقضوا ليلة رأس السنة في أسوان عشان يهـ ـربوا المخـ ـدرات :ff1 (196)::ff1 (39): |
المسلسل ده عبارة عن مبارة تمثيلية من خلال نص محترف ومخرج شاطر لم يجد الا ميزانية انتاج متواضعة .. مفيش اماكن تصوير مبهرة فقرر الاعتماد فقط علي اخراج الطاقات التمثيلية لابطال العمل وايجاد ايقاع سريع قوي يخليك متحسش بالملل من كتر الاحداث اللي فالمسلسل ...الاعتماد فقط علي النص والشخصيات المكتوبة بدقة والقريبة من الاسرة المصرية وهو ده الفرق بين دراما زمان و دراما دلوقتي ... تمثيل طبيعي غير متكلف و اداء مبهر من جميع ابطال المسلسل من اول تيسير فهمي اللي قدمت دور الشـ ـر البيور الاصلي والشخصية المركبة المريـ ـضة نفسيا واللي يعتبر دور عمرها و الفنان القدير محمد السبع في دور الاب واللي كان اختياره موفق جدا لانه أبدع فالدور و أدائه كان متنوع حسب الموقف ما بين القوة والضعف والخبـ ـث وقمة اتقانه اللي تخليك تسأل نفسك ازاي المخرجين كانو تايهين عنه قبل كدا فاختياره لنوعية الأدوار دي .. بالمناسبة الدور ده كان مترشح له حسن حسني قبل محمد السبع ده غير باقي ابطال العمل اللي ابدعو في ادوارهم الفنان هادي الجيار ومحمد رياض وهالة فاخر والمنتصر بالله وعبده الوزير.. ده غير دور عبلة كامل المميز بيها كالعادة كل ده بالاضافة للموسيقى التصويرية الرائعة للموسيقار العظيم ميشيل المصري مخرج العمل رضا النجار من المخرجين اللي بتحب النصوص المختلفة اللي فيها غموض و شخصيات نفسية مركبة ومعروف عنه انه بيقدم افضل دراما بأقل تكلفة انتاجية ممكنة من أشهر اعماله مسلسل الامتحان ومسلسل المحاكمة و مسلسل سور مجري العيون مخرج مختلف ماخدتش حقه من الشهرة بيعرف ازاي يحرك الممثل و ازاي يصوره و ازاي يقرب بالكاميرا من الوشوش كويس.. المسلسل ممتع ومسلي ومشوق وأسري و عبارة عن عالم جميل من الدراما اللي بتتكلم عن النفس الانسانية .. مسلسل ابناء ولكن ظ،ظ©ظ©ظ£â¤ تأليف جابر عبد السلام معالجة درامية مهدي يوسف موسيقي تصويرية ميشيل المصري إخراج رضا النجار |
خمس انفعالات مختلفه مش طبيعي انك تعرف تنقل بينهم بكل سهوله وهما: 'سكوت مخيـ ـف -ابتسامه صفرة - مكـ ـر - عصـ ـبيه - تهـ ـديد' اتقدموا في تلاتين ثانية من المُبدع 'خالد صالح' تحت قيادة 'يوسف شاهين' اللي ملوش خير في خالد صالح ملوش خير في التمثيل / رحم الله خالد صالح خالد صالح - فيلم هي فوضي | 2007 |
ياااه ياراجل..
اتمنى ماتوقف ذكريات شاشتك الممتعه النبذة البسيطة والرائعه اللي بتكتبها جعلتني اشاهد الموقف بكل مافيه مميز يامتميز :ff1 (6): |
اقتباس:
يسلموا ترف سعيد ان ما اقدمه نال على استحسانكِ ورضائكِ هذا تشجيع كبير يجبرنى على تقديم المزيد دمتِ سيدتى بكل الخير كونى دوماً ف الجوار :ff1 (209)::ff1 (209): |
- أنت ليه مش عايز تقولي كنت متجوز مين ؟ = يهمك أوي ؟ - فضول = سوزي عمار - أنت؟!.. أنت كنت متجوز سوزي عمار ؟!! = غريبة .. مش كده ؟ - ده أنت بالنسبالها مفيش = الله يحفظك - مش قصدي .. بس يعني هي أتجوزتك ليه ؟! = عشان حبتني - وبعدين كـ..ـرهتك ؟! = كـ..ـرهت حياتي .. كانت عايزاني أكون غني في يوم وليلة وأنا معنديش أستعداد إني أكون غني - أومال عندك أستعداد تكون فقير ؟! = ولا فقير - أومال عندك أستعداد تكون إيه ؟! = أكون مستور وقانع بحياتي في النهاية أكون سعيد / الغول -1983 عادل امام - نيللى |
- هى الست بتتعلق بمين اكتر ياعم بكرى ،أبوها ولا جوزها ؟ = باللى يكون سند وظهر ليها يا ولدى باللى يحس بوجعها و يبقى فى حضنه أمانها باللى يطبطب من غير طلبها باللى لو اتعرت تجرى ورا ظهره تستخبى الست بتتعلق باللى يكون راجل يا ولدى فى حياتها . / فيلم الانسان يعيش مرة واحدة عادل امام - يسرا 1981 |
- قدرت تقنعك انها بتعاني من مشاكل نفسية و ادت الدور بجدارة في ( ونوس ) - قدرت تقنعك انها صديقة وفية و صاحبة صاحبتها في وقت الشدة في ( حلاوة الدنيا ) - قدرت تقنعك انها بنت بسيطة و طيبة عندها استعداد تضحي بأي حاجة عشان اخواتها و اهلها في ( امل حياتي ) - قدرت تقنعك انها قوية و شديدة قادرة تقف قصاد اي حد و تاخد حقها في ( بنت القبائل ) - حتي لما عملت دورها في ( هذا المساء ) قدرت تخلينا نحبها و نتعاطف معاها بالرغم من انها كانت عاملة دور زوجة تانية - حنان مطاوع فنانة من العيار التقيل عمرها ما ركزت في موضوع البطولة و لا في مكان و ترتيب اسمها في العمل اذا كان في الاول ولا في الاخر ... - حنان مطاوع عمرها ما اعتمدت علي الواسطة و لا استغلت تاريخ والدها و والدتها في شغلها زي ما فنانات كتير معندهومش ربع موهبتها و طلعوا بالواسطة و اخدو ادوار بطولة من اول عمل .. - حنان مطاوع عمرها ما تاجرت بجسمها ولا شكلها ولا استايل لبسها عشان تلفت النظر و تبقي ترند فاشون - حنان مطاوع فنانة موهوبة جدا ماشية بمبدأ الكيف مش الكم لدرجة انها كفيلة بمشهد واحد بس في العمل تسرق بيه الكاميرا من اي ممثل واقف قدامها .. لأنها ببساطة ممكن تعمل مشهد واحد تتقنه ويسيب علامة مع الناس و يفضلو فاكرينه لسنين طويلة احسن من مليون مشهد لبطلة تانية في مسلسل تاني بمجرد ما تشوفوه مرة واحدة و يعدي بعدها تنساه للابد و متفكرش تشوفوه تاني - حنان مطاوع عارفة انه العبرة مش بالبطولات و لا بمكان الاسامي و ترتيبها .. العبرة بالاداء و الموهبة و العمل اللي يسيب علامة - حنان مطاوع قادرة انها تمثل بعينيها في مشهد صامت من غير ما تتكلم وتتلون في اي دور بمنتهي السلاسة و تقنعك بيه جدا و تحبها فيه و ده لانها معجونة تمثيل بالجينات الوراثية ( الاب كرم مطاوع و الام سهير المرشدي ) الخلاصة : حنان مطاوع مش محتاجة تكون بطلة العمل عشان تظهر و تنور فيه لانها لو طلعت في لقطة واحدة او حتي ضيفة شرف هتبقي كفاية اوي عشان تعلم معانا .. |
في مرة فنانة قديرة و مشهورة جدا قالت : " بخاف من التمثيل مع رشدي أباظة لأنه بيسـ ـرق الكاميرا من أي ممثل تاني حتى لو طلع في المشهد بظهره " * انا بقا شايف إنه الحقيقة مش بس كان بيسـ ـرق الكاميرا دا كان بيسـ ـرق قلوبنا إحنا شخصياً |
" - من فضلك يا أستاذ، محجوز للرحلة كام غرفة ؟ = أوضتين كبار يا أستاذي الفاضل، أوضة للأولاد وأوضة للبنات - 24 تلميذ وتلميذة، وثلاثة مشرفين، في غرفتين .. ليه وإزاي ؟ = كل أوضة فيها 4 سراير - شوفتها .. 4 سراير يعني 4 تلاميذ = السرير أربعة - نعم! ده سرير عرض 120 سنتي، يعني حتى لو ناموا عليه بالعرض مايكفيش، ولا عايزهم يناموا واقفين، لأ .. لأ .. دول كتاكيت خُضر، دول أمل مصر، لازم نربيهم من صغرهم على كل حاجة كويسة، لو سرقنا منهم آدميتهم وهما لسة صغيرين، لما يكبروا شوية هيبقى حالهم إيه؟ " / \ نور الشريف - فيلم أخر الرجال المحترمين 1984 تأليف وحيد حامد |
من الحاجات المميزة في فيلم "طيور الظلام" إن رياض الخولي مكانش هو المرشح الأول ل دور "علي الزناتي" في الفيلم .. وحيد حامد راح بالسيناريو الأول عند أحمد زكي وطلب منه يقرا السيناريو ويختار أي شخصية يقدمها من البطلين سواء "فتحي نوفل" أو "علي الزناتي" .. وقع إختيار أحمد زكي علي شخصية "علي الزناتي" المحامي الملتحي .. بعد كدة وحيد حامد راح ل عادل إمام وعرض عليه السيناريو وشخصية فتحي نوفل وعادل كان فرحان جدا إنه هيشتغل مع أحمد زكي ، لكن بشكل غريب تراجع أحمد زكي بعد يومين عن إختياره وطلب من وحيد حامد إنه يقدم شخصية فتحي نوفل .. وحيد حامد رفض وقاله أنا إتفقت مع عادل علي الشخصية دي خلاص ، فإنسحب أحمد زكي وقدم في نفس السنة فيلم "الرجل التالت" .. بعد كدة وقع الإختيار علي فاروق الفيشاوي ومصطفي فهمي لكنهم إعتذروا بسبب خوفهم من تقديم الدور كونه شخص متطرف .. وقبل التصوير ب تلات أيام وحيد حامد إتصل ب رياض الخولي وطلب منه فيما بعد يقوم بالدور ف وافق رياض الخولي وقدم هو وعادل إمام فيلم أيقوني وعلامة مهمة في تاريخ السينما المصرية |
_ هو فين أبويا دة ؟! .. أبويا سابنا للجوع ومشي = مفيش إبن يحاسب أبوه علي فقره ، أبوك لو كان في إيده حاجة كان عملها ، أبوك لو كان يقدر يبيع نفسه كان باع نفسه علشانك ، مفيش إبن يحاسب أبوه علي فقره ، انت مش عارف قيمة الأب يعني ايه / \ حضرة المتهم أبي _ 2006 نور الشريف - معالى زايد |
فتاة من الغد (بالإنجليزية: The Girl from Tomorrow)
مسلسل تلفزيوني أسترالي تم إنتاجه عام 1991م. ... تدور أحداثه في 12 حلقة لمدة 24 دقيقة للحلقة... https://www.youtube.com/watch?v=yqfw9g0NajY جميل جداََ وكان يبث في شهر رمضان المبارك كنت أنتظرهـ بشغف .. يالله أيام زمان مازال الحنين إليها :-ff1 (32): |
ذكريات العولمة: هذا يجيب كل شي، حتى أنه يجيب أغنية كداب مغرور موب راضي تحبنا - YouTube العولمة، مسلسل تلفزيوني سعودي، عرض في الأول من رمضان لعام 1420 هـ الموافق 8 ديسمبر 1999، من تأليف ليلى الهلالي وإخراج زوجها عامر الحمود. وهو أول أعمال الفنانة الكويتية حياة الفهد في السعودية، وشاركها البطولة مواطنها محمد المنصور وبكر الشدي. |
مَن مِن جيل التسعينيات لا يعرف “زينة وهركيلز” أبطال المسلسل الأجنبي الشهير “Xena: Warrior Princess” الذي بدأ عرضه على القنوات المصرية في عام 1995م، وحقق نجاحًا غير مسبوق، |
ماكجيفر (بالإنجليزية: MacGyver) هو مسلسل تلفزيوني أمريكي .,’أكشن ومغامرة أنشأه لي ديفيد زلوتوف وبطولة ريتشارد دين أندرسون و المنتجين التنفيذيين هما هنري وينكلر وجون ريتش. تتبع السلسلة مغامرات انجوس ماكجيفر، وهو عميل سري مسلح ببراعة علمية ملحوظة لحل أي مشكلة تقريبًا في هذا المجال باستخدام مواد عادية في متناول اليد. https://www.youtube.com/watch?v=YyVaugbYySU |
هو أحمد عز دخل التمثيل بوسامته ولا هو ممثل موهوب فعلا ؟ بدايات أحمد عز في السينما في أفلام زي ( مذكرات مراهقة ، شباب تيك اواي ، سنة أولي نصب ) فعلا المرحلة دي بشكل قطعي تقدر تقول إن أحمد عز كان بيمثل بوسامته مش بموهبته .. ولكن من بعد المرحلة دي أحمد عز حاول إنه يجتهد ويختار مواضيع كويسة يقدمها ويطور من أدائه التمثيلي .. فقدم أعمال زي ( ملاكي إسكندرية ، الرهينة ، الشبح ، مسجون ترانزيت ، بدل فاقد ، المصلحة ، الحفلة ) .. أعمال تخليك تقول دة ممثل كويس مش بس بيمثل بشكله .. بداية مع فيلم "ولاد رزق" بدأ أحمد عز يدخل في مرحلة نمطية من التمثيل مستفزة بشكل لا يطاق .. طول الوقت بيستظرف ويرمي إيفيهات لدرجة تكاد تكون مزعجة .. مفيش أي تطور في الأداء التمثيلي بل إنحدر كتير وتضائل .. من حيث النجومية .. أحمد عز سواء بتحبه أو مبتحبوش متقدرش تنكر إنه مكسر الدنيا نجاحات ونجم شباك درجة أولي وبيحقق أعلي الإيرادات ، أكيد الأعداد المهولة اللي بتدخله أفلامه وتخليه رقم واحد في شباك التذاكر مش بتدخل علشان تشوف وسامته ويتأملوا في شكله الجميل .. لكن لأنه ثبت نفسه ك ممثل نجم ومن زمان . |
_ دي كل متعلقاتك .. ودي مستحقاتك المالية .. راجعها وامضي هنا بالإستلام ، أتمني انك تبدأ حياة جديدة وتبعد عن المتاعب ، فكرت هتعمل ايه لما تخرج ؟ .. مبتردش ليه يا جابر ؟! = سنين الظلم نستني الكلام يا سعادة البيه _ استني يا جابر ، انت النهاردة خارج للدنيا من جديد .. لازم تنسي كل اللي فات وتبتدي حياتك بأمل وتسامح = إحييلي اللي مات .. وهاتلي اللي ضاع .. ورجعلي 25 سنة من عمري .. وانا أنسي وأسامح /\ الظالم والمظلوم _ 1989 نور الشريف |
مسلسل الآنسة مع انه انتاج 1979يعني من تلاتة وأربعين سنة لكنه يعتبر أول مسلسل فالتوقيت ده يناقش بمنتهي الصراحه والوضوح نظرة المجتمع للمرأة الغير المتزوجة او ( العانس) بالمعنى الدارج في مجتمعنا المسلسل بيحكي عن سناء جميل مدرسة الفرنساوي اللى متجوزتش وعاشت عمرها كله تربي اخواتها لحد ما كبرو واتعلمو وبقو دكاترة ومهندسين وسافرو يشتغلوا برا وسابوها لوحدها تواجه نظرات شك واتهام وترصد لتصرفاتها من المجتمع اللي حواليها لمجرد انها لم تتزوج وعايشة لوحدها بلا زوج تستند عليه و ازاي بتواجه ده كله سواء من الستات اللي شايفنها خطر علي أزواجهم او الرجالة اللي طماعنين فيها وشايفينها فريسة سهلة حتي زمايلها فالشغل ستات و رجالة مسبوهاش في حالها ده غير الاشاعات اللي الكل طلعها عليها كل ده رغم أنهم عارفينها كويس وعارفين سيرتها الطيبة وطبعا كالعاده أداء سناء جميل الرائع المميز بانفعالتها وتقمصها للشخصيه كفيل انه يخلي المسلسل يستحق المشاهده باختصار المسلسل ده نجح فى طرح القضية دي بشكل واضح جدا وانتقاد ممارسات مجتمعية مكروهة ومؤذية جدا .. حقيقي مسلسل سابق زمنه / بالمناسبة المسلسل عبارة عن 13حلقة بس يعني مش كتير سناء جميل | مسلسل الآنسة 1979 https://scontent.fcai19-3.fna.fbcdn....Vg&oe=63D03000 |
= متنساش .. ولاد الجيران جايين لك النهاردة عشان تديهم دروس التقوية زى العادة. - خلاص...بطلنا الدروس المجاني.. بعد كدا اللى عايز درس يدفع...الحصة بجنية وتسعة وتسعين قرش = كلام ايه دا يامرسي..!!! عايز تتاجر فى العلم يا بني...؟ - هوا كدا... وفي المواسم والأعياد الرسمية الحصة الضعف على طول = يا بني دول أولاد جيرانك ... والنبي وصى على سابع جار - وقتها مكانش فيه سباك بياخد خمسة جنيه كشف على الحنفية... ولا كان فيه مكوجي بيكوي القميص بشلن.. ولا واحد قهوجي يبيع لك شوية مية حمرا بـسبعة ساغ وبيقول لك عليهم دا شاي.....زمان غير النهاردة يابا. / عادل إمام- معالي زايد-ايمان - فيلم ولا من شاف ولا من دري 1983 قصة وسيناريو وحوار فاروق صبري - اخراج نادر جلال الفيلم ده رغم بساطة فكرته لكن فيه حوارات قوية وطريقة عرضه للفكرة جميلة أوي |
= بتكـرهني ؟! - انا لو بكـرهك مكنتش أتكلمت معاكي كلمة واحدة... دلوقتي إحنا كل واحد فينا له طريق مختلف.... = في يوم من الإيام كان طريقنا واحد - كان = تفتكر الحب بيمــوت ؟ - الحب كائن حي... بيمرض.. ويصاب بالعجـز والشيخــوخة... ممكن يتجــنن كمان.... = تفتكر حبنا مــات ؟ - الحب ده مش بيتعلب جوا علب... أصله مش سردين ولا زتون اخضر تحطيه جوا برطمان وتقفلي عليه... وبعدين انتي بتسالي عن الحب ليه ؟ = عشان حاسة انك لسه بتحبني لغاية دلوقتي... - حتي لو..... مبقاش ينفع خلاص / يحيي الفخراني - نيللي - فيلم انا وانت وساعات السفر 1988 قصة وسيناريو وحوار وحيد حامد - أخراج محمد نبيه |
تدور قصة المسلسل عن فتاة هندية من الطبقة الثرية تدعى سالي كروي يصطحبها والدها الى لندن لتعلم اللغة الفرنسية في معهد الآنسة منشن، وتتعرف سالي على الطالبات في المعهد فيحببنها إلا لافينيا لأنها تشعر...اقرأ المزيد
|
https://www.arabsharing.com/do.php?img=305777
|
بنظرة يرعبك ، ونظرة يخليك تبكي محمود المليجي أسطورة السينما المصرية |
https://www.youtube.com/watch?v=D5-bD372v5s
المسلسل الأجنبي "شيبس" عرض لأول مرة عام (ظ،ظ¤ظ*ظ¥) الموافق (ظ،ظ©ظ¨ظ¥) |
- مساء الخير = مساء الشر .. انت جاي ليه ؟ - الإتفاق اللي ما بينا = الإتفاق اللي ما بينا إتلغى خلاص .. إتمزع مع شرايين عينيا - مش مهم .. أنا مُستعد أغنيك أكتر من الأول وانت أعمى = اللي بيغني ربنا - بس !! = بس إزاي ؟! - مش عايز أسمع السيرة دي منك أبدًا بس .. شوف أما أقولك... = أنا مبقتش بشوف خلاااص .. انت جاي لييه ؟ - جاي أقولك الباقية في حياتك = في مين ؟! - في إبنك عادل ، الساعة كام دلوقتي ؟ الساعة تسعة .. العملية كانت لازم تنتهي الساعة تمانية .. تستنتج من ده إيه ؟ *التليفون بيرن* = متشيلش السماعة .. هتسمع أخبار سيئة - دي الأخبار السيئة اللي بتقولي عليها ؟! العملية نجحت .. إبني حي مماتش = مش ممكن !! - بقولك مماتش .. انت كداب .. مخادع .. دجال = أنا أمرت إنه لازم يمـ ـوت .. أنا اللي أخضعتك لإرادتي - في إرادة أقوى من إرادتك .. إرادة ربنا ، لا إله إلا هو الحي القيوم .. يااارب .. يااارب "موعد مع إبلـ ـيس - ١٩٥٥" |
بالنسبالي مُعجزة مسرحية «العيال كبرت».. الحقيقية مش بس إنها مسرحية عمرها لا هتـ ـموت ولا بس إن إفيهاتها لا بتقدَم ولا بتشيّخ ، المُعجزة الأكبر إننا كل مرة بنتفرج عليها بنقتنع عادي إن «يونس شلبي».. طفل في خمسة إبتدائي !! |
https://i.ytimg.com/vi/V6aROFqDPoE/maxresdefault.jpg
:ff1 (94)::ff1 (35): |
طرح مميز ورائع الله يعطيك العافية بانتظار جديدك الشيق تقديري واحترامي لك يالرائع |
,’
يُلغى التثبيت لعدم التفاعل يعطيك العافيه,, |
| الساعة الآن 09:58 PM |
تصحيح تعريب
Powered by vBulletin® Copyright ©2016 - 2025
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.
تنويه : المشاركات المطروحة تعبر عن وجهة نظر أصحابها وليس بالضرورة تمثل رأي أدارة آنفاس الحب