المشاركة الأصلية كتبت بواسطة هدوء رجل (المشاركة 134708)

أولاً : همس الروح تتحدث مع أختها ضبيانيه



همس الروح : يوووه فاتك نص عمرك.. توني جايه من العزيمة



ضبيانيه : وش حطوا؟



همس الروح : يو يو يو ، حطهم يجنن، ما فيه شي ماحطوه ، أول شي الشاهي، فناجيلهم تجنن مزخرفه ومسكاتها ذهبيه ، بعدين القاتوه مدري من فين جايبينها طعمها يجنن وحاطينها في صواني خربزيه وفيها نقط صغيييره لونها أخضر ، والمكسرات تموووووت ، حاطين كل كسرة في كيس! والا العشاء ياربيييييه يهبببببل

(ويستمر وصف الاكل ساعة ونصف)



ضبيانيه : جت نوف؟



همس الروح : ايوه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل



ضبيانيه : لايكون نفس اللي لبسته قبل 5 سنوات؟



همس الروح : لا لا هذيك المره لابسه فستان أحمر مو وردي ولا كان فيه كرستالات





ضبيانيه : أجل شكلها لابسه فستان بنت عمها أريج لاني شايفه اللبس هذا عليها في عرس بنت خالتي

.

همس الروح : ايو والله، يووووه يخزياه، والله انه ماتستحي ؟ لا وأريج تدرين ايش لابسه ؟ اليوم لابسه لبس يقررررف



شكلها اشترته من محل أبو ريالين



ضبيانيه : وجزمتها؟



همس الروح : ما أدري ماشفتها، تصدقين طول العزيمه وانا احاول اشوف جزمتها لكن ماقدرت، حتى اني يوم طفشت في الاخير رميت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت، لبسها كان طويل مرة ومغطي رجولها



ضبيانيه : اكيد جزمتها زي لبسها معفن .. هي دايم كذا ذوقها خايس ...طيب ومكياجها كيف كان؟



همس الروح : وععععع ، مكياجها مخليها اكبر من امها، تخيلي حاطة روج بني، شكله كأنه ديرما مو روج، والله المسكرة بعد يووووووووه مالها داعي، ما ادري مين النذلة اللي حاطه لها االمكياج ، شكلها زوجة ابوها



ضبيانيه : طيب وتسريحة الشعر



همس الروح :حقت مين؟ نوف والا اريج؟



ضبيانيه : كلهم

.

همس الروح : تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحي لكنه يهببببل،



ضبيانيه : كحكحي؟ يعني ايش؟



همس الروح : ماتعرفين الكحكحي يالبدويه؟ هذا لون جديد للصبغات ، اذا شفتيه تجيك الكحه من زينه حتى سألتها وين مصلحه شعرها فيه ورفضت تعلمني النجسة، اما اريج تسريحة شعرها باييييخة، شفتي تسريحة خدامتنا جيناتا وهي تغسل المواعين؟ نفسها بالضبط



ضبيانيه : على طاري الخدامة؟ خدامة اريج وش لابسه

..

همس الروح : الخدامة لبسها عادي، لكن جزمتها خقااااااااااااق ، تهبل ماكأنها جزمة خدامة، لونها اسود وعليها خيوط فسفورية



ضبيانيه : صدق والله؟ هذي مو جزمة اريج؟



همس الروح : اي والله؟ وانا اقول وين شفت هذي الجزمة .. هذي جزمتها قبل عشرطعش سنة، اتذكرها شكلها عطتها الخدامة بدل ماتكبها في القمامة.



ويستمر الحش إلى صلاة الفجر


ثانياً: الرجل يتحدث مع أخيه



الرجل: السلام عليكم، توني جاي من العزيمة وترا كلهم يسلمون عليك كثيرالسلام



اخوه: الله يسلمك ويسلمهم



انتهت المحادثة

المشاركة الأصلية كتبت بواسطة رتيــــــل (المشاركة 134723)

ههههههه
لا ياهدوء مو كذا..
مو للدرجه ذي صح البنات يحبون الكلام
بس انتم بعد فيكم اللي يحب السوالف
والحش.


انا اهنيكم بشيء
لو تلبس الثوب عشر مرات
ماحد لاحظ.
واحنا يعرفون اللي كانت لابسته من خمس
سنوات

يمه منا يالبنات :-ff1 (50):