|
تأخر الوقت ,, قصة قصيرة من جزئين ,, خاصة باعضاء الانفااس ,, بقلمي ,, الجزء الاول
في احدى الجامعات العربية كانت هناك مجموعة من الاصدقاء متكونة من 8 شخصيات وهم سيما الوسام عيون بيروت رتيل غلا الشوق علاوي ترانيم الشوق المهاجرة , , كانو كثير مقربين لبعض ويحبون بعض وف ليلة غريبة جدا نزل فيها مطر وطبعا مدير الجامعة طلب توقيف العمل ف ذيك الليلة لانه المطر كان غزير ولازم يرجعون الطلبة لبيوتهم , , المهم بعض اولياء الامور جو وخذو اولادهم وبناتهم والباقي مستنين الباصات تجي تاخذهم , , طبعا البنات المقربات لبعض كلهم ف باااص واحد بطلب من المدير خصيصا وخاص بعد لهم مدري ليه لحد يسألني ليه ؟؟ هههه , , المهم اتصلو ف راعي الباص وكان راعي الباص متواجد عند البوابة رقم 3 مستني المجموعة المتميزة , , الوسام : يلا سيما انتي دوم متاخرة سيما بكل برود : بخلص اخر جملة ياخي اشفيكم مستعجلين , رتيل : بالله وش نقول لها هذي مطر غزير والناس ف حالة خوف وراجعين البيوت ترانيم : هدو ي بنات الجامعة صارت فاضية محد فيها يلا نمشي وبلاش هرج علاوي : ي بناات ترى عيون وغلا سبقونا للباااص للعلم , , , , الجامعة اصبحت شبه فاضية فعلا وهذولا البنات طالعين اخر شي , , المهاجرة وهي تنادي لصحابتها من بعيد : الحقوني ي بنات تكفوون انا زلقت ومقدر امشي بروحي وهني البنات بسسرعة شافو المهاجرة وساعدوها , , , , سلامات المهاجرة ماتشوفين شر , , , , , , , وبعد مرور نص ساعة , , الوسام : اخيرا وصلنا للبوابة اووف مرة بعيدة هذي بوابتنا رتيل : اقول خلي عنك الهرجة ترى البنات شكلهم ف الباص مافي وقت لا يروحو ويخلونا المهاجرة : والله ماخليهم والله لاشتكي عليهم شو الدنيا فووضة اهي ترانيم : يعني شلون نجعد نلطم هنا ولا نركب الباص الماي سيما : انا ماشووف شي ي بنات المطر مره جاعد يزيد يا ربي رحمتك , , عيون وغلا ركبو الباص من زمان وناطرين البنات وتوهم بس الباقي يركبون بسرعة وهم يركضون المطر الغزير , , , , وهنا اتصل المدير وكان اسمه الوافي : يا حبيبي وينك وصلت ولا بعد السواق وهو ياخذ انفااسه : اي دقيقة ي استاذ شوي وبتحرك الوافي : وشفيك تنافخ وتاخذ اكسجين كثير تعمل رياضة السواق : لالا وش ريااضته الوافي : اهاا اجل توكل ع الله , , صار حكي كثير بين المدير والسواق وشكله هالسواق الخاص جديد من طرف الوافي ويعرفه زين ما زين , , , , وبعد مادخلو كل البنات للباااص كان الباص مايتحرك , , عيون : وش شفيه ذا مايتحرك ليل ي عمي ليل غلا : يا اخ ي عم ي محمد تحرك الله يهديك ترى تاخرنا , , الوسااام : اووووهووو احنا ناقصين بعد نتاخر ويطووفني مسلسلي الي اتابعه سيما : اي مسلسل تشوفين ي وخيتي ؟ المهاجرة : رأفت الهجان وش بعد مره كلاسيك صديقتنا ههههه ,, ,, وهني قامت الوساام ومسكت رجول المهاجرة المهاجرة : لا يرحم والدينك امزح معك وسااامووو تكفين وسام : اي خلك كذا تعجبيني , , المهم كل البنات بصووت واحد كانوو يصااارخون : تحرررررررك ي الطيب تأااااااااااااااااااااخر الوقت , , موسيقى https://soundcloud.com/kaser-almoog/creepy-tricky-1 , , وفجأة تحرك البااص والمفاجاة الاكبر محد كان جو الباااص البنات ركزو ع هالنقطة وشافو السكان يتحرك بروحه ومحد موجود وزاد الرعب فيهم لانهم عارفين ف نزلة تحت الباص ينزل منها ويخافون ينحرفون عن الطريق , , , , , , يا ترى وش بيصير فيهم الله يستر عليهم انا اقوول , , كونو متابعين للتكملة والجزء الاخير , , تحيتي ماريو |
ماشاءالله تبارك الله
مره رووووعه مايو والاحداث مشوقه واسلوبك للسرد رائع ومثير ومتشوقين نعرف وش راح يحصل مع البنات والباص واذا كان المدير والسواق مرتبين شيء (مصيبه) للبنات:) الله يعطيك العافيه سلمت يدينك وصح الله لسانك ربي يسعدك ماننحرم منك ومن ابداعك الختم و500م و500ت وكل الزين لعيونك خيي وفي انتظار الجزء الثاني بشوق :rose: |
:rose:
تمت الاضافه :rose: |
_
: هههههههههههه الله يسعد صبَاحات الحكآواتي الرمضاني بتاعنـا لا بـ صراحَة قصّة مشوّقة , و أختيارك للأبطال من غير مدح بالنفس كان هايل ههههههههه أنا و أنا بقرأ كنت متحمسَة الين وصلت للنقطة ذي .. " وخاص بعد لهم مدري ليه لحد يسألني ليه ؟؟ هههه " إسمح لي ماراح اعدّيها لِك , انا كقارئ مُتحمّس ليه ألقى حتّه مُبهمه , نُطالب بأعادة تركيب الفِكرة و حالًا هههههههه السواق وهو ياخذ انفااسه : اي دقيقة ي استاذ شوي وبتحرك اييييوه انا هنا عَرفت أن السايق هذا ورآه بـلا , ربنا يستر لا يودينـا عند الخاطفة < ع أساس احنا اطفال وكذا .. : يسعدَك ماريو على حكآويك الحلوة, وبإنتظار الجزء الثاني < لن أرحم لو تجيب فِكرة مُبهمة ثانيه وقد أعذر من أنذر :ff1 (199): جُل شكري و أعذب التحايا لـ شخصَك |
يا دلي انا ما حدن عم يسوق الباص
شكلو جرفنا السيل الله يستر شو بسير مارييو رجعتنا للحماس فكره حلوي شكلها متابعين |
ياسلام ماريووو
وش الاحداث الحماسية هذي اهم شي لا يصير فينا شي كلنا بريئات وش حللينا ونخاف منتظرين التكمله بشوووووق سرد جميل الله يسعدك وحماسي واسلوب جدا روعه ورحلتنا وش بيصير فيها بانتظارك وتسلم يديك اعجابي وتقيمي ونجومي تحياتي لك |
قصة ججميلة شكرا
|
- أعــوذُ بربي الفلق من شــر ما خلق :ff1 (40):. البــاص يمشي ومافيــه حد يســوق :-ff1 (40)::ff1 (181):. الوافــي هو اختــار السواق كيف يعني كذا :ff1 (71):. اما متفق معــاه أو السواق طلع مو قــد الثقـــة :ff1 (168)::ff1 (181):. أو انــه يتحكم بالباص عن بُعـد :ff1 (9)::ff1 (181):. كيف ألحيــن نهرب والباص جالس يمشــي :ff1 (137)::ff1 (181):. بنــات الله يخلف عليكم ، الملتقــى الجنــة :ff1 (40):. ماريو :-ff1 (4)::ff1 (149): متحمســة أعرف النهــاية التعيســه أقصد السعيدة للصبابــا :ff1 (201):. قصــة جَميلة جدا ومشوقــة ربي يسعدكَ :-ff1 (3)::ff1 (212)::ff1 (212):. لروحكَ وردة :ff1 (34):. |
ههههه
يسعدكم ربي منورين ,, شويات وبنزل الجزء الثاني :ff1 (199)::ff1 (34): |
يعافيك ربى ويسلمك
طرح راقى ومميز ماننحرم يارب |
| الساعة الآن 12:34 PM |
تصحيح تعريب
Powered by vBulletin® Copyright ©2016 - 2024
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
تنويه : المشاركات المطروحة تعبر عن وجهة نظر أصحابها وليس بالضرورة تمثل رأي أدارة آنفاس الحب