منتديات انفاس الحب - لو أن الغدر شيمه ما أشتهر جساس

تغانم ما بقي فـي القلب والإحساس
ترى بعض القصايد منْك حسّاسه
ينوش الصبْر بعضٍ من نبض وانفآس
ولك من شاعرك ما يجمع انفآسه
علامي بسّ اشوفك في وجيه النآس
وانا اللي لاجل حبّك تآركٍ نآسه
فرآقك ليل وابيات الووجع عسّاس
ومات الصبح قبْل يموت حرّاسه
ترى الأحلآم ناس وعرقها دسّاس
واشوف الحلم ينكر فـي الحشا ساسه
لو انّ الغدْر شيمه ما اشتهر جسّاس
لـذلك وقتي اشهر من قوى باسه
علآمي لا زرعت الحْلم ينبت فاس
وانا حلمي كريم ويطلبه فاسه
على جرف الزمن كلّ الأماني كاس
ولا منّه تعدّل ينكسركاسه
على الحالين نبكي والدموع اجرآس
وكان الحلم عين ودقّت اجرآسه
وانا وش حاجتي لو قيل لي حسّاس
ترى الشاعر يهيم بـكذبة احسآسه
تخآفين الجفى والقرب والمجلاس
اجل وش حيلة اللي بعدك اتعاسه
ليا منّه نوى يبعد يجي محتاس
ولا منّه قرب يتعبْه مجلاسه
حلمنا ثم حلمنا بسّ دون قياس
يا ليت الحلم بيّن وش هو قيآسه
خذلنا الوقت يا بنت الشرف لا باس
بيبقى حلمنا مرسم وكرّاسه
وانا اْعرفك المطر يوم الضلوع يبآس
قبْل كم يوم عاد الضلع ليباسه
كسرك العُرف ليله وانحنا لك رآس
على صدرك تعآلي واحضني رآسه
تعآلي من سوآلف ظلمنا هوجاس
ابسرح فيك عقدٍ يلمع الماسه
وهاتي حرف فرحه ينعش القرطآس
الا يا حبْر شاعرها وقرطاسه
ترى شاعرْك يسهر ما لفاه نعاس
يبي يحلم بـقربك ردّي نعآسه
وهو لا شاف وجهك في وجيه النآس

بيضحك ضحكةٍ للنآس حسّاسه
:100: