|
ادخل واحكي لنا موقف حصل لك -الموضوع باقتراح من الاخت ..
............................
اهلا بكم اذكر لنا موقف محرج مر عليك هذا الموضوع باقتراح من الاخت اميرة اميري في ردها عليه في موضوعي السابق هذا ردها اقتباس:
اي شخص يدخل هنا ومايذكر موقف حصل له راح نطلب من الاداره تخصم عليه 1000 مشاركه وايضا حبسه لمدة يومين في القسم الي مايحبه هههههههه مانحتاج اشاده في هذا الموضوع رد علينا باي موقف حصل لك مهما يكون الموقف صغير او كبير راح يضيف قيمه لهذا الموضوع سوف ابدا بنفسي هذا الموقف لايمكن يصدقه عاقل لكن قسم هذا الي حصل وسبق وحكيته في منتدى تملكه الي اهدتني التوقيع كنت في مكه زمان ايام الثنوي رحت في العطله عند زميلين متعزبين وذهبنا الحرم نصلي جمعه وجارنا المصري في عزبه مجاوره جاه رحيمه من مصر وقال الغداء عندي بعد مانصلي جمعه تعالو نتغدى سواء لانه عندي ضيف رحنا الحرم نصلي وكانو العمال كل ساعه يرمون الاحذية ويكومها في في مكان منعزل يعني تطلع ماتلاقي الحذاء حقك وكنت مشتري حذاء جديد على شكل جلد ثعبان حذاء غالي ومميز طلعت انا والزميلين مالقينا احذيتنا رغم اني وضعته في مكان صعب عصبت وقلت والله الا اخذ اجمل حذاء بدل الحذاء حقي شفت حذاء لونه بني غامق وجميل لبسته وخرجت رحنا نتغدى عند المصري وسلمنا على ضيفه وسالناه عن احواله وعندما قمنا نغسل على شان نتغدى ههههههههههه تخيلو ايش الي حصل طلع هذا الحذاء للضيف المصري من بين عشرات الالوف الي يصلون جمعه في الحرم كمان هوى راح يصلي في الحرم ومالقيه اول ماشاف الحذاء عند المغسله قال هذا حذائي من جابه قلت انا خاصمني وعصب عليه قال كيف تشيل الحذاء حقي وتخليني اروح بدون حذاء ماتخاف الله قلت له حذائي اجمل من الحذاء حقك شالوه واي حذاء في الحرم راح يرموه العمال المهم شاله علي وروحت والله حافي وزملائي ميتين ضحك وحتى اليوم كل مالقوني يضحكون في وجهي يذكرون لي قصة الحذاء حق المصري تحياتي للجميع وننتظر مواقفكم |
اقتباس:
مالقيت غير. حذاء المصري الله يهديك بس المهم كيف شعورك وانت تمشي حافي بدون حذاء اكيد شعور ممتع ههههه تصدق جالسه اتخيلك وانت تمشي حافي مع الكشختك وبالآخر تمشي حافي يا الله على الموقف عن جد محرج ومضحك. في نفس الوقت |
بعد خروجي من المشفى
كانت نفسيتي تعبانه. ومالي خلق اتكلم او احكي بسبب المرض وكله نايمه ومنعزله المهم بعد اسبوع. سافرت مع الاهل الى العراق صحيح تعبت بالسفر لكن كانت السفر جميله ولي اضاف الى السفر نكهه خاصه وجود مرت خالي معنا وصلنا العراق بسلامه ورحنا الفندق. ويرحنا وبعدين رحنا الحرم الى الصلاة والزياره ومرت خالي هلكتني. في االاستماع الى المحاضرات وصلاة الجماعه سالته ليش كل مره اجي معاج لازم اتصلي صلاة الجماعه واستمع الى الخطبه اشعر بالزهق وأتعب. اخر تعطيني نصائح تعور راسي واني اسمع. ارد عليه ان شاء الله ماراح ازهق ولا راح احكي. وأظل ساكته وكل يوم على هذا الحاله. في يوم جلسنا الصباح نستعد. الى الذهاب الى الحرم الى الصلاة قبل الازدحام المهم وصلنا الحرم وأعطينا الكاشوان الأحذية واخدت الرقم مرت خالي. ومشينا كنت امشي وراها مره واحد اختفت وين راحت ما اعرف التفت يمين يسار ما شفته وجنتي الغبنه غرغرة عيوني لاني ما اعرف احد. وكنت خايفه. حتى الكاشوان مااعرف وينه واسودت الدنيا في وجهي قلت في نفسي المهم اعرف طريق الفندق وطلعت من الحرم بدون حذاء وكنت امشي واني دمعتي على خدي. امشي بشارع حافيه بدون حذاء. ويصادفني شخص يطلب فلوس مني. عصبت عليه وقلت اليه ماعندي انت تشوف حالتي وبعدين اتكلم. رد عليي هدي اختي وأعطاني كتب فيه دعاء التاج ورفع يده وقال ربي يوقفج وينور طريج شعرت بالإحراج. هو يدعولي المهم وصلت الفندوق وجهي مثل الطماطيه والكادر يطالع فيني ويبتسم اخدت الرد منه وامشي انتظر المصعد. الكادر يسألني ليش راجعه حافيه هم سرقو حذائك والله ايش طالعت فيه وقلت اليه لا اخدت كرت الغرفه. وهو يسألني واني اطالع فيه واصقع باب المصعد على بالي. مفتوح وهو بعد ما يوصل وكانت الصقعه قويه وقبل ما اصقع يقول للي انتبهي بعد ما فات الأوان وصقت باب المصعد واغمى عليي ومارديت شنهو للي صار كل للي ادري اول ما فتحت بعيوني اهل بجانبي سالتهم شنهو للي صار وليش اني هنا وكيف وصلت. هنا وليش ثياب كلهم دمي قمت بدلت. وصليت على محمد والَ محمد. سالت اختي بعد ما راحت شنهو صال. كيف جى الدم على ثيابي قالت للي وهي تضحك من الهباله للي فيج صقعتي باب وتحطي ورغبتي عن الوعي فقط وللي استغربنا ان اني حاميه ما عليج حذاء. وجنتي الضحكه الكن كتمت ضحكتي لان ما ندري شنهي السالفه وشنهو للي صار معاج المهم اهم شي ضحكتي. بصراحه الموقف مضحك ههههه المهم بعد ساعتين رجعت مر ت خالي من الحرم وهي حامله حذائي. وريت بالسافه واخدت تضحك علييي. صرت مسخره اليهم كل ما بين فتره يذكروني كيف رجعت حافيه ومشيت بشارع بدون حذاء ههه من الفشل اضحك معهم وفقط |
اقتباس:
اهلين اميره سعيد انك اول من يرد لان الفكره فكرتك ههههههههههههه تخيلي في مكه وفي عز الصيف وروحت من عزبه الى عزبه حافي امشي وكاني على نار بس العزبه قريبه واعطيتها جري حتى وصلت هههههههههه شلت شماغي وعقالي في يدي واعطيتها جري باقصى سرعه بصراحه الي يسمعه يقول هذا كذاب مستحيل تحصل من بين عشرات الالاف يمكن تحصل واحد في المليون بس والله حصلت وزملائي باقي احياء وهم شاهدين على هذه الواقعه ويذكروني بها دائما |
اقتباس:
ياالاهي غير معقوله موقفين من اقوى المواقف وفي وقت واحد هذا التطام مزدوج وتتشابهي معي في الحذاء وصقعة الراس والاغماء احس انك تطلعي اختي من الرضاعة هههههههههههههه والله كلها قوية ضياع بنت وماعندها فلوس ولاتعرف احد في مكان غربه حتى الحذاء مو معاها مصيبه كبرى كان سويتي مثلي واخذتي اي حذاء اما حكاية الي يطلب فلوس هههههههه ذكرتي بواحد شايب رحت انا وزميل وهوى نتعشى وطول الوقت وهوى يتكلم ماعندي ضروفي قاسيه بزورتي بدون مصاريف وقفنا قريب من المطعم وجاء واحد شكله اهبل صقع الشيبه على صدره وقال اديني يعني اعطني فلوس رد عليه الشيبه قال طيب تعال لي بكره زي هذا الوقت واعطيك هههههههههه واحنا متنا ضحك عليه وكمان حكاية الصقعه والاغماء وخاصه وانتي بنت والله صعبه وموقف لاتحسدي عليه وسبحان الله مهما تكون المواقف صعبه ومؤلمه تصبح ذكرى ونضحك عليه ياسلام عليك يااميره دوبه موضوعي فتح بهذا الرد الي يحمل اصعب موقف تحياتي وتقديري لكي |
يوم بطني عورتني ورحت المستشفي وعمري 22 سنه وقتها والدكتور قال ضروري تتنوم نعمل عمليه
وانا وحيد امي ماعندي اخوان قلت ضروري قال يابني رح تنفجر :ff1 (40): المراره >> اتخيل المصرين تطلع والكرش تنفجر كانها هورشيما :ff1 (121): قال الان نعملها وبالليل تخرج . وامي تخاف علي كثير الله يرحمها فاتصلت عليها وقلت بطلع رحله واجي بالليل واتصلت علي صديق لي قلت تعال ضروري ابيك والمهم الممرضه جات ودخلتني غرفه تنويم لوحدي :ff1 (121):لانها خاصه المستشفي وقالت البس هذي الملابس وفسخ كل شي:ff1 (121)::ff1 (121): والمهم لبست ملابس المستفشي ووشوي اذن الضهر :ff1 (40): جاني احساس بموت بالعمليه واول مره واهلي مايدرون عني :ff1 (40)::ff1 (40): المهم كان هناك مسجد جنب المسشفي والعمليه الساعه 2 الضهر زي ماقال الطبيب :ff1 (40): المهم خرجت ورحت من المممرات وانا حزين وفي خوف :ff1 (40): واسمع الناس بالممرات تدعي ليه وكانهم يعرفوني وانا حزين :ff1 (40)::ff1 (40): واسمع من ضمن الادعيه استر نفسك بقلبي يمكن قصده وقت الكفن ودخلت المسجد وكان المصلين ساجدين وسجدت وشوي دقني واحد بضهري قال استر نفسسسك:ff1 (40)::ff1 (40): قلت وش فيه قال ملابسك من ورا مفتوحه الله يهديك وجاتني صدمه الي الان اكل اضافري لمن اتذكرها ورحت مسكت قميص المستشفي من ورا بيدي وجررررررررررري للغرفه وقابلت صديقي بالغرقه وحضنته كانه امي وبكيت من حالي :ff1 (40): الحكمه اوقات لانعرف الخالق الا وقت الحاجه :ff1 (40)::ff1 (40): بعدها ماتركت الصلاه والحمد لله :ff1 (40)::ff1 (40): |
يوم زواجي كنت هامل يعني درباوي احب التفحيط وامي الله يرحمها قالت لازم تتزوج وتزوجت واسمع ان الحياه الزوجيه بخيالي اطلب شاهي يجي اطلب كبسه تجي فرحت
وتزوجت وقبل الزواج جاني مؤذن المسجد ويحبني بصراحه وقال ياسعد انت طيب واعرف انك وحيد وابي اوجهك لطريقه الزواج وعلمني كيف تكون اول ليله تاخذ زوجتك وتصلون ركعتين :ff1 (147): المهم دخلنا انا وهي الشقه وانا لبس البشت وهي بفستان الفرح :ff1 (190)::ff1 (190): ومانعرف بعض ولا عمري كلمتها لان عادات قبيلتنا كذا ماتشوفها ولا تتكلم الا بالشقه المهم :ff1 (40): اول مادخلنا قلت يله نصلي ركعتين >> حافظ درس المؤذن :ff1 (126): دخلتها الصاله جبت السجادتين ونصلي انا وهي انا بالبشت وهي بفستان الفرخ وشوي جلست يمكن 5 دقائق ساكت >>> اتذكر المؤذن قال سراً ولا جهرناً نسسسسسسسست :ff1 (40)::ff1 (40): المهم وشو ي قلبتها جهراً وقمصت العروس >> اكيد قالت وش ورطني بهذا المجنون :ff1 (147): وشوي خلصنا صلاه جاء الدرس الثاني امسك جبهتها وادعي وامسك جبهتها ونسيت الدعاء :ff1 (40)::ff1 (40): وقلت اللهم رفعت صوتي بها واتمتم بصوت واطي كانه دعاء وهو بقلي يارب وش هو الدعاء :ff1 (40): والي الان انا بالبشت وهي بفستان الفرح:ff1 (40): وساعه ولا كلمه احوووص بالصاله ماعرف وش اقول تذكرت المؤذن قال قول كلام حلو لها قمت قلت لها تصدقي انك جميله وساعه ولا رد المهم جالسين وربي لضهر بالصاله ولا كلمه هي بالشرعه وانا بالبشت تقال سوبر مان رايح جاي >> امي الله يرحمها كلمتها قالت هذي فجعه تجي لبعض البشر :ff1 (40)::ff1 (40): رحم الله امي رحمه واسعه وجميع موتي المسليمن العبره منها قد تمر علينا امور لانعلم نهاتيها ونخاف منها وتكون ذكري جميله |
اقتباس:
اهلا وسهلا بالاخ الكريم رهين الشوق شرفت موضوعي بهذا الموقف الرائع والطريف شرف الله مقدارك ههههههههههههههه ميت ضحك اضحك الله سنك اتخيلك وانت تمشي في الشارع وايضا وانت راكع وساجد بلبس المستشفى المفتوح من الخلف ياترى ايش قال الي كان خلفك مباشره في المسجد ههههههههه موقف في قمة الاحراج وقوي جدا اشكرك من كل قلبي على انك اسعتنا واضحكتنا بهذا الموقف الله يسعدك يارب |
اقتباس:
ههههههههههههههههههه وربي ميت ضحك اضحك الله سنك وقلبك اولا اهنك على انك تزوجت فتاه صبوره جدا وتحملت بهذلتك لها في اجمل ليلة بدل ماتعيشها رومانسية من يوم دخولكم في الغرفه مسكتها صلاة وعبادة ودعاء كويس انك ماشغلت لها شريط عذاب القبر ههههههههههههه والله احمد ربك مااتصلت على اهلها وقالت الحقوني زوجتوني لواحد مجنون والله يسامح هذا المؤذن الي اثر عليك لو كان زوجتك من بنات هذا الجيل الحالي ماكان تحملت لان جيل اليوم صبرهم محدود وسمعنا عن حالات طلاق الي حصلت في القصر والي بعد الوصول الى البيت بساعات والي اليوم الثاني وانت كمان على طول صدقت مؤذن ياليته شيخ كبير ههههههههههههه الله يسعدك يارب من جد ضحكتني كثير على هذا الموقف الصعب والغريب |
ماشاء الله عليك أخي
موضوع مميز ك تميزك يختم ويثبت ولي رجعة للمشاركة |
| الساعة الآن 10:40 AM |
تصحيح تعريب
Powered by vBulletin® Copyright ©2016 - 2024
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
تنويه : المشاركات المطروحة تعبر عن وجهة نظر أصحابها وليس بالضرورة تمثل رأي أدارة آنفاس الحب