ليلـة حـب كبـرى كادت تاكلنـي فيها الكلاب
جانب من قصة الحب الي ذكرتها سابقا
نعم كادت ان تاكلني كلاب متوحشة بسبب موعد غرام وليلة حب كادت تكون اسطورية ولايهم ان اكلتني الكلاب لاني دائما اقول هوة الحب فاسلم بالحشا ماالهوى سهل وعش خاليا فالحب راحته عناء واوله سقم واخره قتل فان شئت ان تحيا سعيدا فمت به شهيدا والا فالغرام له اهل ههههههههه القصة: ارسلت لي الحبيبه ولد جارهم ولد مرجوج جاء ذات ليلة وقال تقول لك فلانه عمها مسافر الطايف وامها تنام وانت وحشتها لازم تجي الليلة الساعه الواحده والا والله معاد تعتبرك رجال يالله انا خفت من شي واحد فقط عندنا عادة اي واحد يبغى يغيب عن بيته يبلغ جيرانه انتبهو للبيت انا مسافر وهنا الجيران يراقبون البيت خوفا على الامانه الموكله لهم كيف لو كشفني جار اكيد راح يعلم عمها وراح ياخذوها اهلها من ابيها ومن سابع المستحيلات باقي اشوفها ترددت ولكن قالت ماراح تعتبرني رجال لو ماجيت يومها عندي سيارة ونيت بس مستحيل اخذها لازم اتخفى حتى لااحد يشوفني اروح مشي المسافة بين قريتنا وقريتهم تقريبا واحد كيلو وعزمت وسريت وانا ادعي انه مااحد يشوفني اجباري امر من بيت جار لهم شيبه وزوجته وعنده 4 بنات الشيبه جزار وبناته شبه متوحشات شرسات ودبب قسم لو تمسكني واحده من بناته انها تستطيع تحذفني من فوق الجدار هههه يضاربون حتى الرجال وكنت اخاف منهم يومها كنت نحيف وصغير طبعا نايمين برى قدام البيت اكثر الناس كان تنام قدام بيوتها في مكان يسموه الطراحه مشغلين مروحه ومطفين اللمبة ونايمين بيتهم بدون حوش وانا مررت جنب كراسيهم اشوف كراعين البنات وهم يتحكحكون من النامس ههههه امشي جالس تقريبا مثل مشية البطة حتى وصلت جدار الحبيبه مو مرتفع الجدار ارتفاعه تقريبا متر وفجئة رئيت قمري واقف تحت اللمبة يتبسم لي وطار عقلي كنت ناوي اجلس عندها حتى اذان الفجر حتى اخرج مع المصلين ومااحد ياخذ باله ولكن داهمتني كلاب متوحشة تقريبا 10 كلاب من يوم ينبح كلب تنظم له باقي كلاب الجيران الكلاب كان متوحشة وتاكل يدربوها على كذا يقطعون حتى اذانيها ويخلوها تاكلها على شان تتوحش اكثر كي تحمي الاغنام لما ينام اهلها البنت تقول اقفز من فوق الجدار جيت باقفز صحي احد جيرانهم على صوت الكلاب مو الجزار جار ثاني خفت يكون عرفني وقال (من انت ياهذا )هههه لازلت اتذكر كلمته اخذ عصاته وجاء نحوي يبغى يحذفني بالعصى بس يبغى يتاكد وانا يومها اسابق الريح مستحيل احد يستطيع يجاريني وكنت من ابطال سباق 5000م جري حتى يوم كنت اعمل في مكه حققت مراكز متقدمه وبسم الله اجري هارب من جنب كراسي الجزار وبناته والكلاب وراي بعضها ففز من فوق كراسي البنات والي دخلت من تحت الكراسي صحي الجزار وبناته بس متنحين مو شايفين غير غبار وكلاب ههههه وانا اجري ولما تقرب الكلاب مني اوقف ارميها بالتراب والحجار اول ماتوقف الكلاب اجري اكون قطعت مسافة وهربت في اتجاه غير قريتنا في الصحراء حتى لاياتو بقصاص الاثر في الصباح ويعرفني واجري واجري حتى اختفت الكلاب واجلس اخذ انفاسي واواصل السير بشكل دائري حتى اموه قصاص الاثر لو جابوه روحت البيت تعبان وحزين وخايف انه انكشف امري وايضا انحرمت من اجمل ليلة الحمدلله ماجابو قصاص الاثر لان البنت علمت امها انه انا هههههههههه كاني على جمر ابغى اعرف انفضحت ولالا شائت الضروف الليله الثانيه اني اروح عندهم قالت جارتي وديني عند ام حبيبتك ولدي عنده مغص وابغاها تدلكه امها سبحان الله في يديها بركة تدلك بطن الطفل يهدئ المغص وانا فرحت مو اني بشوف الحبيبه باعرف الاخبار اول مادخلنا قالت عمتي ام الحبيبه رحمها الله واسكنها في الفردوس قالت لجارتي يافلانه البارح واحد (بيتنا) وهوى معروف بيتنا اي هجم علينا ليلا اتمنى انه معاد يعيدها ويستحي واذا يبغى يسولف عندنا يجينا مع الباب لايفجعنا ويفضحنا جارتي عارفه انه انا طالعت في وجهي وسكتت وكانها تقول ليس سويتها وانا استحيت ودي والارض كان تبلعني ولا هذا الموقف بس ايش اسوي بنتها فرضت عليه هذا انتهت القصة. ردودكم السابقه والرائعه شجعتني احكي بعض من فضايحي عفوا اقصد من الماضي هههه بس كان ايام مراهقه ومعظم المراهقين راح يفعلون مثلي لو سمحت لهم الضروف بقلمي المتواضع انا نادر تحياتي للجميع |
ههههههههههههههههههههههههههههههههه:ff1 (149):
انت كارثة بصغرك من اين لك قلب المغامر هذا:-ff1 (4): اكثر شئ اضحكني لما هاجمتك الكلاب كنت ستكون ضحية الكلاب وشهيد الغرام هههههه يعجبني بسردك بسساطته ويدخل بالقلب اسلوبك دوما مختلف بالتفاصيل الممتعة سلم يراعك وسلمت اعجابي وتقييمي وختمي والنجوم تنبيهات |
يعطيك العافية
لاخلا ولاعدم |
|
هههههههههههه
ي حلوك ي النادر والله أسلوبك حلو وجميل ربي يسعد قلبك ,, مختلف بطريقة سردك للتفاصيل مميز الله لايحرمنا منك ي اخوي .. لك تقييمي والزين كله و500 م و ت .. تمت الاضافه ي غالي والتثبيت لمدة 3 أيام :241: |
- ههههههههههههههههههههههههههههههه اي الحمدلله انها سلمت اذنكَ من الكلاب ولا كان الحين انت بدون اذن :-ff1 (28)::-ff1 (50): ياحلو المغامرات من أجل الحب ، حب المراهقة :ff1 (49)::ff1 (49)::ff1 (80): ماشاء الله عليك واثبت للحب انك رجال كفوو والله :ff1 (112): الحمدلله عدت سليمة وانت سلمت من الجزار وبناته ومن الكلاب :ff1 (38): وزين بس انكَ سريع في الجري ولا كنت الحين في خبر كان :-ff1 (17)::ff1 (175): واحيانا يكون الماضي جمَيل وذكرياته ما تفارقنَا :ff1 (133)::ff1 (49): شكراً لمشاركتكَ لنا مغامرتكَ :241: |
هههههههههههه لالا يانادر
وش ذا الجنان اللي فيك زمان قطعك الحب مرررررررره ماشاءالله صامل ههههههه تروح يعني تروح لو رحت وطي ههههههه الجزار وبناته زين ماطحت بيدهم كان فرموك المشكله مو بس انت معاك لحسه بمخك حتى هي ههههههههههه دمركم الحب والله يانادر ذكريات حلوه من جد وماتنسى لكن معوض خير ههههههههه عيش وتذكر وحكينا ههههه الله يسعدكك تونس وربي تحياتي لككككك |
اقتباس:
يامرحبا مليون بالاخت الكريمة همسات القمر اسعدني هذا الرد الجميل واضاف قيمة لموضوعي الله يسعدك يارب ههههههههههههه اه والله كنت شقي في فتره من الزمن حتى اختي الكبيره تقول لبناتي تقول لهم ياساتر لو تعرفون ابوكم زمان يفقع القلب والمراره وماينصبر عليه من كثر اذاه الكلاب والله قطعت بطني وكنت قريب جدا من كارثه مجرد كلب يمسك في ملابس راح ترس فوقي باقي الكلاب وتنهش لحمي بس ماعليك وزي مايقول الشعراء ودم العاشق مباح وقتيل الهوى شهيد هههههههههههه شكرا لهذا المرورك الجميل وعلى اطرائك وشكر على التقييم والاعجاب ربي يسعدك ان شاء الله |
اقتباس:
اهلين ريماس اسعدني مرورك الكريم تحياتي وتقديري لكي |
اقتباس:
اهلا وسهلا بالاخ الكريم الطائر المهاجر ياراجل كيف مالنا ومال الحب وانت جبت فنانه تحذر وتقول الحب في خطر تبغانا نجلس نتفرج وعم الحب بيضيع لابد اسارع وانقذه ههههههههه تحياتي لمرورك العطر |
الساعة الآن 09:23 PM |
تصحيح تعريب
Powered by vBulletin® Copyright ©2016 - 2024
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
تنويه : المشاركات المطروحة تعبر عن وجهة نظر أصحابها وليس بالضرورة تمثل رأي أدارة آنفاس الحب