منتديات انفاس الحب - !! ام الـعـيـون النـاعـسـه !!

بسم الله الرحمن الرحيم
السلام عليكم ورحمة الله وبركاته
اسعد الله جميع اوقاتكم بالمسرات

يـا هـوه لا تغنــــي عـلا كــل طــاروق
وانـا عــلا بــدع الطـواريــــق مشـتـاق

اصخّـر المعنـا واجيـبـــــه عــلا الــذّوق
واسوقـه بكيفـي ولاسقـت ينسـاق

واثمّـنـه وانـــزل بغـالـيــــه لـلـسـووق
ما اجيـب سلعـه ماتثمـن بـالاسـواق

من شان له عندي مطاليب وحقوق
اكـمّـــــل حقـوقـه واراضـيــه لا ضـــاق

لان الهـــوا غـلّاب يستاقـنـي ســوق
اذا عـرضــــت ريمـيّـةٍ عظمـهـا دقــاق

جريـت ونّـــــه خـلّــــت القـلـب مـحـروق
مـره يفـوق وفـيـه مــرّات مــا فــااق

وتـلّـت معاليـقـه ولا فـيـه مـعـلـووق
ماهـو بمحـرق يـاولـد منَّـهـا احــراق

وجـدي عليهــــا كــــل مـالاحـت بــروق
وجـد اليتـيـم الّـلـــي للابـويـن تــوّااق

ووجدي عليها كل مايطـري الشـوق
وجـــــد بــدويٍّ شــاف بالـمــــزن بــرّاق

وجدي على اللي كنّها بالسما فوق
وجد الصغيـر الـي شكـا هـم وفـراق

ام الـعـيـون النـاعـسـه كـلّـهـا ذووق
الصـبـر بـعـد افراقـهـا كـيـف ينـطـاق

مخلـوق مامثلـه بهـا الكـون مخلـوق
حبّـــه سكـن قلبـــــي وثابـت بالاعمـاق

يهـدا ضميـري كـــــل مـا جـات ويـروق
وفراقهـا يـجـرح كـمـــــا مــوس حــلّاق

مشاهده ممتعه اتمناها لكم
بقلمي // فارس الحرف