منتديات انفاس الحب - أنآ [ بنيـه ] والزمن علمني أشيل فستآن الدلع وآلبس شمآغي ..

https://k.top4top.io/p_3022s2ksn1.gif
طبعا انا انسانه بسيطة وعندي هواياتي الخاصة

أولا : القراية ومو أي قراية بس الاشياء اللي تشدني منها :

1- التاريخ الاسلامي والسيرة النبوية وخلق الكون واحلا كتاب عندي ( من البداية الى النهاية للامام الحافظ ابن كثير ) + ( انتيخريستوس )
2- تطوير الذات
3- كتب ملحدين دخلو الاسلام مثل الكاتب ( جيفري لانغ )
4- وطبعا كتب تفسير القران

هذي بعض الكتب اللي حبيتها

https://l.top4top.io/p_30190386b1.png https://d.top4top.io/p_3019m41jh5.png https://c.top4top.io/p_30192brzo4.png

( أرض السافلين + أنتيخريستوس الجزء الأول والثاني ) للكاتب د. أحمد خالد مصطفى

أرض السافلين يتكلم عن الدارك ويب
انتيخريستوس كتاب قصص اسلامية مثل الملك نمرود والملكين هاروت وماروت وسيدنا سليمان عليه السلام وبداية السحر بالأرض ويقول الكاتب ان الاسماء الموجودة
بالكتاب من انس وجن حقيقية وبأدلة حبيت سرده للروايات وشلون تجزأ فيها
لكن ما اخذت بكلامه وصدقته لان شفت له مقابله باليوتيوب انه انسان ما يؤمن بان الانسان يمس من الجن فحسيت ان ايمانه ناقص عشان جذي قريتها من باب الفضول بس عجبتني
ولأن الرسول صلى الله عليه وسلم قال : "بلغوا عني ولو آية، وحدثوا عن بني إسرائيل ولا حرج، ومن كذب علي متعمدا، فليتبوأ مقعده من النار "
فاذا كانت روايته فيها ادلة باحاديث اسرائيلية يجوز ان الواحد يقراها ويتناقلها لكن ما يجذبها ولا يصدقها للعبرة بس .

هذي كتب دكتور الرياضيات جيفري لانغ أول كتاب ألفه
بعد اسلامة الصراع من اجل الايمان واعتقد بعدها ألف حتى الملائكة تسأل
وبالصدفة ألف كتاب ضياع ديني صرخة المسلمين في الغرب
ألفه لان بنته المراهقة كانت بعمر تقريبا 15 سنه
يت تسأله ( أبي هل ستغضب مني لو اني اعتنقت المسيحية ) فيتله الصدمة وألف
هذا الكتاب

https://a.top4top.io/p_3019fs7r32.png https://e.top4top.io/p_3019gxd826.png https://f.top4top.io/p_30197tvfb7.png

وهذا كتاب قصص زوجات النبي والصحابيات رضوان الله عليهم
تشوفون شخصية كل امرأه بعهد الرسول صلى الله عليه وسلم
وشنو سوت من انجازات سواء بالغزوات او بحياتهم الزوجية أو مع الناس بشكل عام

https://g.top4top.io/p_3019q17uj8.png

( نساء ومواقف في حياة الرسول صلى الله عليه وسلم )
للكاتب محمود بن ناصر الصقري

وطبعاً ما ننسى الكتاب الشامل للتاريخ الاسلامي كله من بداية الخلق الى قيام الساعة الله
يجعلنا واياكم من اهل جنة الفردوس الاعلى يا رب
( كتاب البداية والنهاية ) للإمام الحافظ ابن كثير
رحمة الله عليه واغلب كتب التاريخ ترجع لهذا الكتاب
فيه جميع القصص من الاحاديث الضعيفة والاحاديث الصحيح في مسلم وبخاري
واللي يبي الزبدة والمختصر المفيد ويقرا بس الاحاديث الصحيحة يقدر ياخذ
كتاب اسمه ( تهذيب البداية والنهاية يي 5 مجلدات بس )
أما البداية والنهاية له أكثر من طبعه من 8 مجلدات وفي 10 وفي 21 وغيرة
كلهم نفس الشي الفرق بتقسيم الأوراق بالمجلدات

https://b.top4top.io/p_3019ttmss3.png

وهذا كتاب ( تهذيب البداية والنهاية )

https://l.top4top.io/p_3019lguen1.png

https://h.top4top.io/p_30196whm42.jpeg

***************************

ثانيا : أحب اسمع البودكاستات المفيده منها الاسلامية ومنها استشارات نفسية أو اسرية مع اني مو متزوجه لكن يفيدني هالشي مستقبلا ان شاء الله ..
ومن أجمل البودكاستات اللي سمعتها بهذا الشهر الفضيل الله يعوده علينا وعليكم بالصحة والعافية بودكاست ( دين وطين ) سيرة الرسول ﷺ
والله ان الدكتور عبدالرحمن الحرمي واهوه يشرح حسيت روحي داخل القصه مع الرسول ﷺ واهوه يشرح حياته من اول ما انولد لي وفاتة ﷺ انصحكم فيه حيييل
بس تنزل كل حلقاته باذن الله بسوي موضوع كامل بكل حلقاته راح تستمتعووون
ودكم تنامون وتحلمون بالرسول ﷺ انا كلما اسمع سيرته احبه اكثر واشتاق اشوفه أكثر الله يجمعنا واياكم بالفردوس الأعلى مع نبينا وحبيبنا محمد ﷺ

***************************

ثالثا : من هواياتي أحب التصميم صح اني مو محترفة لكن احب أخربط واطلع بنتيجة ترضيني نوعاً ما ...

***************************

رابعا : أخيرا من احد هواياتي بعد اني احب ديزاينات الأظافر وعندي سكشن قريب اصورة لكم فيه كل مستلزمات الاظافر تقريبا اركب ( بولي جل ) ( هارد جل ) ( اكريلك )
وغيرهم وهم تركيب الاظافر المؤقته مع لزقات دبل فيس

هذي تقريباً كل هواياتي

:ff1 (49)::ff1 (49)::ff1 (49):