تغريدات تويتر
تغريدات تويتر كوكتيل من كل بحر قطره سريت والهاجوس لدار الشيا طين وبقعاء تلا عبني على مبتغاها البنت تطرب بالدلع تسحر العين ترقص على جرحي وتطلب غواها اهل العيون المستطيله مزايين وابليس ابوها قام يرقص حذاها والانس فيهم كامل الزين والشين تعبت والهاجوس نتبع خطاها السكب 12 الصدر لك مفتوح والقلب مشروح والعين تسهر لجل صاف الثماني ياالله طلبتك تستر الحال والروح تجمع حبيب الروح بالروح لفاني أسير في عشق المحبين مجروح لاتشتكي قبلك ترى الحب غزاني ______________________ ياشيخ قوقل بدور فيك مايشفي البال وإلا تويتر وفيس البوك بعدي بدور احسبني من ضمن زوارك زاير ادور مرات ابنسخ بجوالي ومرات بصور ___________________ الهنوف اللي سرى لجلك خيال طار عقلي يرتجي موالها ياعساها من نصيبي فال حال في غضون ايام اقرب جالها ___________________ دارت الايام والوقت على العاشق يطال ولهفة الخافق بصدره تحمله الثقيل الصبر ان كان خلك نسي عنك السوال أعذره واعطه من الوقت يرجع للجميل تاج راس العشق مايحسبونه بالجمال حسن بالاخلاق والكيل يسحب بألف ميل _________________________ لاتجعل الغيره من الغير لك شان تجاهل الانذال في كل الاحوال وان ضاق صدرك لك الرب منان أسمح وسامح وادمح القول فالحال والكايده لاجت على الراس مليان يفرج لك الضيقه في الصدر والبال كلن يجر الصوت ويرقص لفنان بالمعرفه والقول في كل الاحوال والمرجله ماهي لعاذل وخلبان البعض يعد المرجله جمع الاموال وإلا البعوضه صوتها صوت طنان الراس شامخ والثقل يوزن اجبال ____________________ اركد أركد رعاك الله ياذا الغليم مسوي السيسي وأمين الجميل ودي ترعى الضان واتحوف بهيم وإلا مع اربع نوق بواد السليل ___________________ ليلي سرى واشواق قلبي دليله والصدر والخاطر على الله فاله على الذي لصدر تشفي غليله مرت على لكزس جديد الوكاله باهي الجمال واسيوف عينه دليله قفت والقلب لجله قام يرقص لحاله قلت العفو ياقلب تلك الجليله تسلب هوى العشاق بكامل جماله ____________________ ليتني شاعر احوف القوافي والقصيد وانثر ابيات الشعر واشرح الخاطر وقول ياوجودي وجد بيت القصيده والنشيد يوم بيت الشعر فالراس يصهل واجتول يقرض ابيات القوافي على راس العنيد والذي شاعر يشوف القوافي منحول حامي الميدان والمشرفه ام العبيد كيف لك تقرب ميادينها وإلا تجول _____________________ البارحه مرت على ناظري نوف قامت تعطف كأنها الخيزرانه سريت والهاجوس والقلب منجوف حتى طلوع .......الفجر والليل دانه ____________________ الشمس غابت في دجاء الليل ظلمات ويكشف ظلام الليل نور القمر بان وان غاب ضوء البدر بداله نجيمات احسب نجوم الليل تلقي الفجر بان سيرت بالصمان وافكر بجولات من روضة التنهات لشويه وبنبان _____________________ ماني على جميع المطاليق زايد وبي طناخه مالها حد باقياس اخذت من الماضي جميل العوايد واجاري الحاضر بوقتة مع الناس لي باع في حسن المبادي فرايد اسمو بها عالي وغيري لها داس اثبت وجودي لابدا الامر كايد رابي بنفسي فوق غيمه ونسناس __________________ على الله ياديره لها فالخفوق امجاد لها مجدها والمجد مبني على حله سنين العمر تجري ويكبر بها الاحفاد لها فالحضار عرف ماتعرف الدله حضاره غزتنا والحضاره لها اسناد تدير العقول الفاسده تعرف الخله _________________ من لايعز النفس ماعزه الغير وانا عزيز النفس عزيت نفسي الحر الاشقر لاكفخ طير الطير داراً تعز البوم والحر منسي ________________ لله در الورد الى جامن الغير في ليلة الجمعه فراشي ولبسي الشعر يعطر صفحه الشعر تعطير وانا نويت ارحل واغادر بتكسي الصدر ضايق والقدم تنوي السير دارت براسي خلع سني وضرسي ____________________ مريت سوق العنقري عصر الاثنين مريت متسوق وبالنفس اغازل ياشيب عيني من هوى داعج العين لفت تحوف السوق والردف نازل يا بنت أنا ما تحمل الظيم أنا حر الله خلقني رافع الراس شامخ يابنت أنا مثل الصقر طائر الحر يحوم في عال السماء قام يكافخ السكب 12 يالابسة ناب الذهب موضة قديم حدث برستيجك ترى سنك صغير يارايقه يا فايقه جمع الحريم يا شامخه يا آنسه كالضي المنير مرت مثل برق تلأ لأ فالسديم ياكا يده شرفتي الحفل الكبير سبحان من صوروكمل ياكريم تبختري وأتمايلي مثل الحرير السكب 12 |
-
بُورك المداد ومن قاد خطاه لروحك وَ طرحك أجمل التحايا تقديري. #تمّ الأضافة مع منح الختم وَ التثبيت لمدة 3 أيَام. |
لاتجعل الغيره من الغير لك شان
تجاهل الانذال في كل الاحوال وان ضاق صدرك لك الرب منان أسمح وسامح وادمح القول فالحال السكب فقتطفات تويترية ... إنسكبت على صفحات الأنفاس لجمالها تتراقص الحروف ... ولقيمتها ... تصغي الأذن صح لسانك أخوي السكب يعطيك العافية تقبل مروري ... وكل التقدير :: |
جميل ورائع ومميز ماقدمته لنا
دام لنا قلمك وعطائك الجميل والرائع والمتميز دمت بحفظ الله |
، بوح جميل واحساس مميز وراقي دام الحرف والشعور العطر مودتي، :239: |
موضوع مميز :257:
الله يعطيك العافية :257: سلمت يداك ودام عطائك :257: ننتظر المزيد من الإبداع الراقي :257: https://www2.0zz0.com/2022/09/11/19/363788080.gif |
مشاركه جيده ومفيده
وتفاعل طيب ...وتواجد جميل بارك الله فيك |
سلمت أناملك على الطرح المميّز ما ننحرم من فيض عطائك وإبداعك لك تحياتي وفائق شكري ولك كل الود :rose: |
الله يعطيك العافية :rose:
سلمت يداك ودام عطائك :rose: |
طرح رائع
يعطيك الف عافيه اتمنى لك مزيد من التميز والابداع مودتي. |
الساعة الآن 02:54 PM |
تصحيح تعريب
Powered by vBulletin® Copyright ©2016 - 2024
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
تنويه : المشاركات المطروحة تعبر عن وجهة نظر أصحابها وليس بالضرورة تمثل رأي أدارة آنفاس الحب