منتديات انفاس الحب - بقولكم قصه 2

السلام عليكم ورحمة الله وبركاته
اللهم صل على محمد وعلى آله وصحبه أجمعين

كانت عندنا عامله فالبيت
ارمله وعندها اولاد ترعاهم
طلبناها من المكتب وكانت بصراحه ممتازه ودائماً وجهها بشوش
ورحنا الجامعه ومعانا اخوانا وقالوا بتروح معاكم فقلنا ان شاء الله
وسكنا مكان جديد
المهم
البنت جداً شغوله
وما شفنا منها غلط
،،
،،
وفيوم

كنت راجعه البيت ادق جرس ما تفتح انتظرت كثير
قلت يمكن ما تسمع لانها برا او شي او مشغله الماي

انتظرت كثير
وصار وقت انتهاء محاضرة اللي معاي رحت وجبتها من الجامعه
ويوم وصلنا فتحت لنا الباب بس كان مبين على وجهها التعب سألناها ياا فلانه فيك شي قالت لا
ومرت الايام وكنا فالاجازه الاسبوعيه وعند اهلنا
الا نسمع العاملات يصرخن ، ركضنا قالوا فلانه ما تتحرك
كييف شو فيها من قالها شي ؟
قالوا ابداً كانت تسولف معانا فجأه طاحت .

وبعد شوي صحوها مدري كيف ،، ما اقتنعت قلت لها بكره بوديك المستشفى ونسوي لك تحاليل يمكن معك نقص فشي من الفيتامينات ،،، رفضت وقالت انا بخير بس تعبت من السياره ..
وانتهت الاجازه ورجعنا للجامعه وهي معانا ومخلصه ومافي اطيب منها
ومر الوقت
وذاك اليوم انا صايمه وقلت لها لا تصحيني بنام وعادي بقوم قبل الاذان وبسوي شي خفيف للفطور ،، قالت لا انا بسوي على ذوقي ،، ضحكت وقلت لها سوي بنشوف ابداعك
وخذني النوم وهي ما دقت عليّ الباب ،،،

وانتبهت الا الوقت مر والشمس بدت تغرب
فتحت الباب الا

البنت على الارض وكانت شكلها مخلصه كوي الشراشف وشالتهم بتحطهم فالكبت
وشفتها ع الارض هي بصوب والشراشف بصوب ثاني واركض لها
ان البنت وجهها كله عرقان ويدينها مشدوده واصابعها ما تنفتح
حاولت اقومها لا بقى عطر ولا بصل ولا ماي ولا شي ما سويته
وانا لحالي معاها فالبيت ،،، شوي وقامت من نفسها وقالت ايش صار فيني انا كنت شايله الشراشف وبدق عليكِ الباب لانك تاخرتي فالنوم ،،..
قلت اتركيني انا انت من متى تجيك هالحاله قالت يوم ازعل او اتعب ادوخ ، قلت طيب بكره بنروح المستشفى غصب ،،.. وديناها قالوا ما فيها شي الا لو كان صرع وهي رفضت تقول اي شي عن حالتها يمكم خافت نسفرها بلدها ..
يا ربي كيف واللي شفته امس شو !!!

حلفت البنت اللي معاي انها ما تبقى واني ارجعها المكتب لانها يمكن مره تموت
او انا اموت من الخوف والرعب

ورجعتها المكتب وانا ابكي بس كان لازم ارجعها نحن مو دايم بالبيت
وهذي تعرف حالتها وترفض تتعالج
وصارت تبكي وتقول انا شو سويت ترجعوني
قلت مو مشكلتك مشكلة المكاتب اللي ما تتأكد من التشخيص الطبي
وراحت وبقت فذاكرتي لانها كانت طيبه بس الي فيها ماله علاج
ولو عطوها ادويه بترفض تاخذهم ،...

وسلامتكم
ظبيه