منتديات انفاس الحب - السعادة وينها

السلام عليكم ورحمة الله وبركاتة
كل واحد منا له مفهومه الخاص بالحياه وله قناعاته بكل موضوع
الكل مننا يبحث عن السعادة وكلن يفسر ويعتقد ان السعاده بشي معين
اتذكر من فترة وعلى ما أظن بتاريخ 19 / 3 / 2019 كنت مسافر لغرض معين
وكان يوم ثلاثاء او اربعاء المهم الساعه 7 الصباح فتحت آلاف ام راديو
ولا ادري ليش شغلته لاني والله مالي علم بالراديو واسمع المذيع يقول نبغى
ناخذ ارائكم عن مفهوم السعاده وحطوا رقم واتس اب كلن يدلي بدلوه وجلست لتسمع
وأتذكر واحد قال السعاده هم الوالدين وواحد قال حب الزوجه مع الأولاد والي يقول السفر
كنت ابغى أشارك بس انا قاعد الساعه 7 لشي معين رايح أقابل شخص والحقيقة انبسطت
قلت بس أقابل الشخص الي انا رايح له ابغى اقوله شف سبحان الله اليوم الي التقيت فيك ولا اول مره
كان يوم سعاده
قلت لو عندي وقت ابغى اقول السعاده وينها ماشفتها ... كان بالدنيا سعاده مادريت
ولاتلوموني حياتي عفتها ... ولا تلوموني اليامني بكيت
طبعا ابغى اكتبها ماهو معنى ان هذا مفهوم السعاده عندي كنت ابغاها مثل الطرافه لهم
لكن صحيح لو فعلا بغيت أشارك معهم وش راح اقول
الي راح اقوله لهم هو الي ابغى اكتبه لكم الان من مفهومي لذلك جربت كل شي سفر وصداقه وكثير
ولا وجدت السعاده بالمال ولا غيره وجدتها برضاء الله سبحانه وتعالى عنك ان رضى إلخالق عنك سبحانه
كل شي يكون أمامك سعيد
وانا اهنئ جميع شخص منكم يجلس من النوم وعنده والديه أمه وابوه
هذا بنظري هو الي عايش سعيد بحياته بعد رضى الله سبحانه وتعالى عنه والي ماهو مصدق يروح
يسأل الي غابوا عنه ويشوف حاله بعدهم الله لايريكم مكروه ويحفظ والديكم ووالدينا الأحياء منهم والأموات
الأب والأم وجودهم اكبر سعاده في حياة كل شخص وهذي والله فرصه نذكر فيها الناسي
للأسف الشديد شفنا مشاكل كلكم عرفتوها او سمعتوا عنها من بنات او عيال الي هرب عن أهله الي قهر ابوه
اشياء تقطع القلب وتبكي لذلك اقولها من كل قلبي ياحظ الي عنده والديه عايشين
انتهينا من مفهوم السعاده عندي
المهم انا أخذت المعلومة ان اليوم هذا يوم السعاده العالمي ابغى اقوله للي رايح أقابله حتى يعرف ان لقاءنا جاء
بنفس اليوم العالمي للسعاده وحتى نحفظ تاريخه لانه واكب حدث وقلت اكيد يوم السعاده العالمي ماجت صدفه اكيد اني
راح أكون مع هالشخص هذا سعيد
المهم رحنا واتقابلنا لكن ماطلع اليوم يوم سعاده طلع عندي يوم التعاسه العالمي يوم خلاني اعاف الراديو والسعادة
كلها
ومن هنا اقول للي يبغى يعيش سعيد لا يبني صداقات ولا علاقات محبه الا وهذي عمله نادره الا المحبه الي خالصه لوجه
الله سبحانه هذا هو الأخ بالله ومن ضمن سبعة يضلهم الله يوم لا ضل الا ضله
الله يجعلنا وياكم منهم
نصيحة الي ماهو لله ضايع كثرت الصداقات وتشعبها له نتايج ان مابينت اليوم تبان بكره اما موضوع الحب والمحبه
والغرام هذي اكبر خرافه وضحكه بالدنيا كلام فاضي وهذا عن تجربه ماهو بس مني انا لا من اهل العقول النيره وعلى شان
كذا اقولها نصيحه اهرب بعمرك وخلك مع الله سبحانه ثم اهلك والديك اخوانك قبل مايصير ما يحمد عقباه الله يحمينا وياكم
وعن تجربه واقولها لكم بصراحه انا ضربت الرقم القياسي بالصداقات والعلاقات حتى توقعت انه راح يكتب اسم غريب
الأطوار في موسوعة غينتس كل الصداقات. راحت بقي القليل جدا الا كان لله فقط واهلي هذا هو الحب الإخوان والأخوات
اجمل واطهر واشرف علاقه على وجه الأرض منذ خلق الله ادم هي علاقة الأخت باخوها
اما موضوع الحب عندي تمنيت الي فات مني كان مكتوب بقلم رصاص كان مسحته اتمنى لو بس الزمن يرجع شوي كان
بكل أدب واحترام قلت لهم مع السلامه فقط
وفيه مكملات للسعاده والفرح بالحياه عمرك استثمره استثمره بجلسة أحبابك واهلك لايجرفك التيار الوقت يمر عليك لا تحرقه بالشئ التافه وتأكد ان كل شي دين خذي اهم حاجه ان كل شي دين عليك يؤخذ منك
وانا اليوم قلت انفض الغبار عني وأشارك مع اصحابنا بالمنتدى لو بشي بسيط
هذا وتقبلوا مني اجمل التحيات