|
( سالفة القوطيه)
( سالفة القوطيه) يكولون اكو رجال فضولي اكثر من أللازم .. جان هذا الرجال يمشي بواحد من ادروب المدينه وشاف مجموعة من الاطفال بيدهم قوطية ايلعبون بيهه ،ساعه ايضربوهه جلاليق ، ساعه ايذبونهه بالماي ، ساعه مدري شيسون بيهه ويتضاحكون ... فصار فضولي وسالهم :عمي ، يوليدات هاي القوطيه اشبيهه..؟؟ فنبوا عليه وهمه ايلعبون بيهه :عمي هاي ابطنهه " حيه " ... انقهر وصاح بيهم ليش ، مو حرام عليكم ، ابيش اتطلبون هالحيوانه ؟ شمسويتلكم.؟ وأخذ القوطيه من اديهم وطلع الحيه منهه وهو فرحان ومكيف لأن سوه عمل زين و انقذهه من الموت وكاللهه : يالله روحي انت حره لوجه الله . فالحية التفت على ركبته وكالتلهه / بس إني لازم ألدغك كبل ما أروح ... صفن الرجال واستغرب وكاللهه :ليش ..؟؟ هاي جزاتهه..؟؟ فوك ما خلصتج من الموت ... كالتله : والله هذا طبعي . وبعدين أنه ما عاتبه عليك وكايلتلك خلصني ، أنت اتصرفت بكيفك وتتحمل نتيجة تصرفك ... وبعد حجي طويل وعريض كالتله الحيه :زين راح انطيك مجال تسأل ثلاثه وشيكولون انفذ احجايتهم ، اتفقوا وراحوا للماي وكاله الرجال وسولفله القصه بما أنزلت وسأله شتكول يالماي ...؟؟ جاوبه الماي وكاله : أنتم البشر ما تحترمون واحد ، تجوني عطشانين وتروون عطشكم مني ، تسبحون بيه وتسكون حلالكم مني او ورى ما تخلصون حاجتكم اتنكسون بيه . فاني اكول الحيه لازم اتلدغك ... داخ الرجال وأخذ الحيه وراحوا يسألون الشجره وسولفولهه السالفة بكاملهه . ردت الشجره وكالت للرجال : أنه اكول :الحية لازم اتلدغك ... كاللها الرجال ليش ...؟؟ كالتله الشجرة :لأن أنتم البشر مغرورين ومتكبرين وما تحترمون شي . يجي واحدكم اينام ابفيي ويرتاح من حر الشمس ابظلي وياكل من ثمري ومن ايريد ايروح يكسرله غصن مني بلا سبب ... فاني اشوف أنه الحية لازم اتلدغك ... خاف الرجال ، وظل كدامه ، ايشوف الثالث ياهو.؟؟ بلكي ايخلصه من هالورطه اللي اتورط بيهه .. وهو يمشي والحيه بركبته لاكاهم واوي ...سولفوله السالفة فباوع الواوي للرجال ، وللحيه ، وللقوطيه وكاللهم :أنتم يمكن اتضحكون عليه.؟ كالوله :لا والله نحجي الصدك ... كاللهم :عمي ما معقوله حية اشكده واشكبرهه شلون جانت طابه ابطن هاي القوطيه الزغيرونه ... كالتله الحيه : الدين اليمين جنت ابطنهه ... كاللهه : إني هاي السوالف شبعان منهه ...ما أمشي ورى الحجي أريد أشوف ابعيني يالله اصدك ... كالتله :يعني شنهي رأيك ..؟؟ كاللهه : اتطبين بالقوطيه وتلتفين ابطنهه مثل ما جنتي كبل ما ايطلعج الرجال واشوفج بعيني يالله أحكم بيناتكم ... آمنت للسالفه وطبت بالقوطيه والتفت ابوسطها والواوي بسرعة البرق خل على القوطيه قبقهه وسدهه وانطاهه للرجال وكاله : هاك خلصتك منهه ، وبعد لا اتورط نفسك ابهيج سوالف تعبانه تره {{ مو كل مره تسلم الجره..}}.. شاهد سالفتنه... هسه شتكولون واوينه اللي يكدر يرجع الحيايه بالقوطيه ويقبقهن ونخلص من هذه السوالف التعبانه لو نسد الموضوع. |
يعطيك العافيه ع القصه الجميله
|
-
سلمتِ على هكذا إنفراد وَ تميُز دام حضورك وَ عطائِك اللا محدود لروحك آكاليل الورد :-ff1 (8):. |
تسلم ايدك ع الطرح
|
الله يعافيك ويسلمك
على هالطرح المميز وعساك على القوة |
•. سلمت أناملك على الطرح المميّز:241: ويعطيك العافية على المجهود المبذول:ff1 (27): ما ننحرم من فيض عطائك وإبداعك:241: لك تحياتي وفائق شكري:ff1 (27): ولك كل الود:241: |
|
..:241::241:
طرحَ عَذب ..!! أختيآر أنيق وحضور صآخب سلة من الوردَ وآنحناءة شكر لسموك |
- باقَة ورد جوُرية أهديك اياهَا
يعَطيك العافيه عَلى طرحك الرَائع https://a-al7b.com/vb/images/smilies/ff1%20(8).png |
الله يعطيك العافيه
سلمت يدينك ربي يسعدك ماننحرم منك :rose::rose: |
| الساعة الآن 03:43 PM |
تصحيح تعريب
Powered by vBulletin® Copyright ©2016 - 2024
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
تنويه : المشاركات المطروحة تعبر عن وجهة نظر أصحابها وليس بالضرورة تمثل رأي أدارة آنفاس الحب