شريط الذكريات
 

[youtube]https://youtu.be/FoLBX3KMMaI[/youtube]

صحيح من قال الليال اتدور واللي فات فات
هذا مثل ماشي وأنا اللّي ماقدرت أمشي معه

عندي يقين ولا قدرت أنسى شريط الذكريات
أحيان أحس بلذّة الماضي لاجيت أسترجعه

حتى ليا مرّتني احلام السنين الماضيات
ياحي طاريها وحي الجرح لاطاب وجعه

يوم السراب أقرب من الاحلام وأحلامي شتات
اهم شي إنّي قدرت أشدّ عزمي وأجمعه

تجرّع المرّه ويصبح طعهما سكر نبات
اليا عطاك الله وحلاّ مُرّك اللي تجرعه

أُخذ من الماضي دوافع للسنين المقابلات
واضرب على الدنيا صليب وزيد في صدرك سعه

قدام هاك اللي تبي كم قالت الايام هات؟
والادمي طمّاع والدنيا مافيها مطمعه

المصلح الله والصحيح الباقيات الصالحات
اُتْكل على الله والرجاء زيده رجاء لاتقطعه

الله تعالى اللي عطانا عز نفس وطيب ذات
مانعترف في قولت إمّا طاوعك وقتك طِعْه

لو نفتك اللقمه من حلوق الذياب العاويات
ولانهين النفس عند ابن الحلال ونتبعه

ما أصدق من مزون السحاب اللي بروقه ماتبات
الاّ كلام الشاعر اللي مثل توقيع أصبعه

وانا بني عمّي متعّبت الخيول المسرجات
تعلّم التاريخ عنّا وأسمع العلم أسمعه

اللّي ولد عمّه ثبيتي مايزيد الاّ ثبات
لو الزمان يزعزع جبال الشفاء مازعزعه

ياخالد ابن مطير ويش تكون دجِله والفرات?
مع جودك اللي مثل نهرٍ من يمينك منبعه

سيفٍ تماريبك ثبيت من السيوف المرهفات
واخوك اخوي وواجبه ماهو جميلٍ نصنعه

في حفل ماجد يالنشاما ولّعوا فسناب شات
مادامت ان الحفل ناري والصفوف مولّعه

العود الازرق فالمباخر و الدلال مبهرّات
حي الله الضيفان وصدور الكرام مشرّعه

فضيافة اللي مجلسه بيّن من الاربع جهات
اكتب مقرّ الجود في قوقل وتلقى موقعه

هذا مطير ابن عواضه كان جات المعظلات
شيخٍ يدل اللي غدا رايه وفكره وسنعه

من طيب ابو فايز ومن طبعه يطول الاولات
ازبن عليه ان جاتك ظروف الليال مقنبّعه

وأبشر لك بحيد من جبال الحجاز الراسيات
اللي تطول الغيم لاجات الهبايب تدفعه

اللي تحد اله كريزي واللهم لا شمات
اما بلع جمر الغضا والا لسانه يبلعه

على ستار الكعبه عيون القصيد معلقات
تاريخ شعار العرب قبل القلم و المطبعه

أغلى من اللي مايعلّق غير فنحور البنات
وأعذب من مزون السحابة والديار مربّعه

وانا لو اعلّق قصيدي فالنجوم الساهرات
تسابق نجوم السماء للبيت من حين ابدعه

تراني عتيبي ليا جات الامور الكايدات
ربعي عتيبه مايطيح البيرق اللي ترفعه

عتيبه الهيلا فخر لن راحت الدنيا وجات
مع كبر نور الشمس حنا اللي ننافس مطلعه

الشمس تشرق من جهه وحده من الاربع جهات
و امجادنا تنشاف من كل الجهات الاربعه

كلمات عيضه الثبيتي
‏

سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
لك خالص احترامي

-























ممٌتنة لتوآجدك
كل الشُكر وَ التقدير ..:241:

/






سلمت يمناك عَ الطرح الراقي
وَ الاختيار المميز ..
شكراً لك من القلب

-























ممٌتنة لتوآجدك
كل الشُكر وَ التقدير ..:241:

~`












سلمت الأكف
والله يعطيك العآفية ،
دمت بخير ~

-




















أشكركم على روعة الاطلآلة
لآخلِا وَلآ عِدم ..:ff1 (3):

يعطيك العافيه لطرحك
كل الشكر لسموك
وبنتظار جديدك المميز