منتديات انفاس الحب - عرض مشاركة واحدة

آوسمتي · 30-11-2019

يلا نبدأ

‏ولآنـي بندمان على كل ما فاتَ
‏أخذت من حلو الزمان و رديّـه
‏هذي حياتي عشتها كيف ماجات
‏أخذ من أيامي وأرد العطّيــه ..

متى تحس انك قلته؟

اذا راحت ايام ابي شي فيها وماصار

‏الناس لو تسلم من القيل والقال
‏تبقى الخواطــــر والنوايا نظيفه !

رأيك؟!!

انا اشهد بس شلون نسلم

‏المعارف فالعمر حظ ونصيب
‏والأسف بعد الخطا من يصرفه

‏مايجيك الجرح من واحد غريب
‏مايجيك الاّ من الّي تعرفه

كلامه هل حرك مشاعرك لشي فحياتك؟!!

اي والله
ولكن جعلها فدا

ماني بحب الموادع لاتودعني
‏رح فجأه.. أو قول برجع لوّ ماترجع

‏لارحت .. افكّر متى الله فيك يجمعني
‏والفكره هذي ترى بلحالها .. توجع

حكايتك مع الوداع ..!

اكتفي بشطر من كلماتي ..
الوداع اقسى مراره عشتها

خذيت من عمر القساوة لين
‏وارخصت دمعاتي لـ غاليها

‏بسّ انّي آعايد على المقفين ؟
‏هذي اللي لا يمكن أسوّيها !

هل تسامحهم احياناً بل وتبدأ بالكلام ..!؟

على حسب مكانة الشخص عندي
فيه ااسامحهم ..
وفيه اللي مستحيل

ما عشقت اللي مخلّيني حبيبه
‏كيف عاد اللي يحبّ انسان غيري ؟

هل حدث واحببت من طرف واحد ؟!
لا

‏بعدك بديت استعذب الوزن والقاف
‏ويشدّني صوت الندم .. كلّ ما هبّ !

هل ندمت على بعض الاشياء?!!
ايه لازم بالحياه تمر علينا اوقات نندم ع تصرف
او حتى معرفتنا ببعض الناس

‏كل حاجه فـ الزمن مع الزمن تتحول
‏ليتنـا لو نبتـدي الحاجات .. من آخرها

‏مشكلتنا دايماً .. فـ الإنطبـاع الأول
‏ننشغل في مظهر الاشياء عن جوهرها

هل المظاهر طريق للحب ،.!؟
نوعاما احيانا يجذبنا الشكل من اول مرا
ولكن يبقى الجوهر الاساس

تدور الأرض و تطول المسافه
‏متى هالأرض تآخذني لبيتك
‏:
‏(مصير الحي يتلاقى) خُرافه
‏انا للحين حي .. و ما لقيتك !

معقول في ناس للحين توقف عند بيت من تحب من اجل نظره ،.!؟

اي كثير واعرفهم
ولكن كان الله في عونهم

‏اعرف مزاجك كل ماصرت زعلان
‏من اختيارك : للصور و الأغاني

الاغاني والصور والاماكن هل هي ادوات للقلب من اجل الذكرى
وايها اقرب إليك ...!!؟

مايذبح العاشق ويسترجع الذكريات
الا مكان اللقو والاغنيه والعطر ..

الاغاني اكثر

‏انا وقطرات الندى والورد
‏جينـا نْرتـب للشتـا .. بيته

‏من كثر ما فيني وَلَه للبرد
‏لو إن عنده حضن ضميته (:

الشتا والبر والبرد
هل تحرك فيك مشاعر قديمه ناسيها ..!؟

تحرك مشاعر جميله وربما ظننت انها ماتت

‏وكم من صَديقٍ لَم يكنْ ذا قرابةٍ
‏ولكنهُ في القلبِ دوماً من الأهلِ

هل وجدتهم هنا ؟ ممكن تقول لنا من هم!!!!

ايوا
ادمنت حبك .. نبض جامح... اسيرة الصمت

‏ما يقدّر قيمه العافيه الا المريض
‏وما يقدّر قيمه الغالي الا فاقده

من يستحق ان يكون مكان الغالي فالبيت الشعري من الاعضاء ..!!؟؟
لسى ماعرفت كثير عنهم

‏من الغلا : إن غاب عنك تحاتيه
‏ومن الوفا : أنك تقدّر ظروفه

البنت تقول اسم عضو وممكن اكثر
والعضو يقول اسم بنت من المنتدى

مافي

‏الغلا والشوق ما نخفي شعوره
‏خص لا صار الوله فالقلب واضح

كيف تترجم احاسيسك للمحبوب..!!؟

اقولها .. اذا مو مصارحه
ممكن تلميح او اهدا

‏مابي من الدنيا شي بس ابي قلب
‏لاضاقت فيني الدنيا مايخليني ؟

هل وصلت لهذي المرحله ؟؟

لا الحمدلله

اهديكم في نهاية الموضوع هذي الابيات

‏بعض البشر للذوووق رمز وعلامه
‏وعلى احترامه تنجبر كل الأرواح
‏
‏وفي غيبته فز الحنين لكــــــلامه
‏ولا أقبل عليك الهم يقفي وينزاح

تسسلمين ع الاهداء وماننحرم جمال ابداعك

ماقصرتي ع الموضوع الجميل مثلك