من استديهات انفاس الحب احييكم انا حكاية حب ارحب بكم وبضيفتي الغاليه لكن قبل ان اعرفكم عليها اقدم لها بقدمه بسيطه ضيفتي اليوم ضيفه غنيه عن التعريف ملكة الجميع بطيب قلبها وحسن اخلاقها وتعاملها مع الجميع .انا جديده في انفاس لكن من طيب تعاملها اشعر وكاني اعرفها من سنين يعجيني فيها الله يحفظها تقديرها للجهود حتى لو عملت قليل تراه هي وكانه شي ماحصل . الكل يحبها وانا يشهد الله لها مكانه كبيره في قلبي اسال الله لها التوفيق في الدنيا والاخره . الان اترككم عم ضيفتنا الغاليه ترككم مع ضيفتي والتي تنور استديوهات انفاس الحب الغاليه وشريان انفاس الحب خمرية المبسم فحيا هلا ومرحبا . تفضلي يشهد الله احبكم من كل قلبي والله يسعدتس علي هالمقدمه الجميله الي تفتح النفس وتسعد القلب وربي وربي اخجلتي تواضعي به الكلام وربي لو اقول واحتسي ماوفيكم حقكم والله جد شهاده اعتز فيها وربي حبكم دعم نفسي لي هالشي يسعد قلبي لما اشوفكم انبسط حيل عساني ماانحرم منكم الهي وتبقون عز وفخر لي الله يحيتس ي قلبي ويبقيتس بعد ناسي اولا / صــفي نفســـك بكلمتيـــن فقـــط..! مخملية الروح وهذا مالمسه الجميع في روحك الجميله الله يسعدك . بداية اريد منك بيت شعر تحبه او تردده كثيير احد ربي يحطك له حبيب ولايجيه غرور؟! ‏انا ليه التفت للناس ؟! وعيونك جماهيري الله روعه جميله بالحايل حمـامة زاجـــل حاملـــة رســالة لـك,,,من من تتمنـى ان تكــون؟!؟ امم من الي يعزوني ويحبوني الله لايحرمك منهم ولا يحرمهم منك مـوقـــف صــدمــك ولــن تنســــاه؟!؟ خيبة صديقه الله يعوضك خير الوفاء اصبح قليل في هذا الوقت . نعود حبيبتي للقاء أين تقضي جل وقتك؟ بغرفة جدتي عند جدتي الله يعطيها الصحه والعافيه اللهم امين يالبى الجداد وجودهم نعمه كبيره الله يخليها لك من علمته الرماية فرماك ؟ كثير علمتهم وصوبو سهمهم ب الظهر وطعنوني فيها من أى شئ تغضب؟ مــتـى عندما يظلمني احد او يكذب او يتبلا علي هالشي يغضبني كثير وبقوه بعد ومن يتحمل الظلم الله سبحانه حرم الظلم على نفسه الظلم .. من شناعة الظلم .. الله يبعد عنا الظلم واهله ما أجمل مافي الحياة في نظرك؟[ اجمل شي ب الحياه الورد والفرشات والرسم والخيل هالاربعه ذي جزء لايتجزء مني مشاء الله كلها ترمز للجمال حق دمتي بيننا تحلقين كالفراشه الفراشه في بساتين انفاس الحب عبر بكلمات عن الوفاء ؟ الوفاء اب و سند الوفاء اخ واخت الوفاء صداقه ومحبه وروح حلوه ونعم السند وهم رمز الوفاء والذي اصبح نادرا في وقتنا هذا يقال أن الحب يمحو جميع العيوب والأخطاء في المحبوب (( ما تعليقك )) ... ؟ صح تمحو كل عيوب الي يحب مايشوف عيب الي يحب يشوف روح تسكن روحه من غير عيوب ولا سلبيات بس بعض الاخطاء لااسف تمحو كل الحب وتدفنه : حلمك في الحياة وهل تحقق ؟ حلمي كان ولااسف ماتحقق بس الامل ب الله كبير الله يحقق لك الاجمل من حلمك ولاندر لعل فيه كل الخير ان لايتحقق الله يعوضك خير . أجمل سنوات مرت عليك؟ سنوات الدراسه فعلا ماجملها سنوات الدراسه الاول ممتعه بحق اجمل بلد زرتيها ؟ ماطلعت من حائل لسي ههه بس اطلع اخبرتس انا لاسمع لارى لاتكلم .متى تقول هذه العبارات ؟ عندما اتغاضي عن موقف صدر من صديقه عند من يكون صندوق اسرارك ؟ صديقتي بنت جيراننا بعد هههه انا وهي توومين بروح وحده الله لايفرقكم ويجعمك دوم . انتي مع او ضد ان تكون اجهزة الجوال مع الاطفال .] والله ضد لما شفت من سلبيات وتاثيرها علي الاطفال بشكل يخوف الاطفال الحين ماهم اطفال احسهم انظلمو ماعاشو طفولتهم البريئه اذكري لنا اطرف موقف تعرضتي له ؟ ههه ياكثرها المواقف الطريفه بذكر لتس واحد علي السريع هذا ي طويلت العمر ولا يهونو الشايفين هذا زوج خالتي له اخت تجي من الجوف وكانت كل عطله تجي وتسكن عند خالتي وتنام عندها ونحبها وحبوبه لبي خشتها انا دوم اقول لها عمتي من باب الاحترام هي عندها اطفال وصغارب العمر مره كانو جايين ورحنا نبسط عندهم انا كنت توني شاريه جزمه اكرمكم الله جديده ومتهاوشه مع امي ب المحل واخذتها غصب ههه لانها كانت سعرها غالي شوي المهم كشخت ولبستهم توني لابستهم ماتهنيت فيهم بعد مارحنا وسهرنا وجينا نبي نسري للبيت اختفت فرده وحده من الشوز ياربي وابحث عنها انا وبنات خالتي مالقينها بغيت اموت جدديده ماتهنيت بلبسه واروح للبيت واوصي خالتي والبنات طلعوها من تحت التراب المهم راحت السالفه وراحت حماة خالتي للجوف انا خبيت الشوز الفرده الثاني عندي امل القيها وارجع اللبسها واحللها هههه كل سنه اجرد الدولاب وارجع اقول لا ان شاءالله القيها واخبيها وصارت علي السالفه وربي اربع سنين بعدين طشيت الفرده الثانيه راح الامل بوجودها بعد اربع سنين ونص تهاوشو عيال خالتي 2واحد علم الثاني قال اعلم عليك انت ولد عمتي سرقتو جزمت شوق وخذاها ولد عمتي معها لانه يحبها انصدمت ياربي صغار بعمرهم وربي ماوصلو المتوسط قلت وش تقول اي جزمه قال تذكرين شوق الجزمه حقتس الي دورتي عليها تراها مع ولد عمتي اخذها للجوف يقول يحبتس وخذها ههه بعدين اموه خبرتني قالت تخيلي له الحين وربي عنده محتفظ فيها ياربي مجنن هههه الحين ب الصف الثالث ثنوي ولازالت جزمت سند ريلا هههه معها ههه كل ماتذكر هالموقف اقول تسيف قهرني لو مخبرني معطيته اي شي غير هالشوز الي ماتهنيت بلبسسه ههه وسلامتكم هههه هههههههههه توقعت انك بتلقينها بعد ماترمين الي عندك . هل سبق وان ندمتي على قرار اتخذته ؟ اي سبق ندمت علي قرار كم نسبة المجامله في حياتك ؟ ماحب المجامله المجامله هي مسمي مصغر من الكذب اكره ماالشي الذي تتمنينه في منتديات انفاس الحب ؟ الحمدالله كل شي عال العال ماهو الموقف الذي تختارين فيه خيار الصمت ؟ لما اعصب صدق التزم الصمت وماحب اتكلم وانا معصبه في الختام اريد منك كلمتين كلمه للاعضا ء ماانحرم منكم الهي انتم روح المنتدي كلمة او توجيه لصاحبة اللقاء حكاية حب بعد قلب قلب قلبي انتي احبتس اعشقتس قسم لبيه بعد حالي واهلي وشمر وحائل ومن سكن فيها اشكرك علي اللقاء الي يفتح النفس وربي سعيده بوجودي واتمني اكون لبى حايل ومن فيها الله يسعد قلبك على كلماتك الجميله تشرفت بك في اول حلقه من برنامجي مع حكايه في نهاية حلقلة اليله اشكر باسمكم حبيبة الكل شريان انفاس الحب خمرية المبسم ..بيض الله وجهها ماقصرت قضينا معها امتع الاوقات وستمتعنا بحديثها الشيق . انتظروني في الحلقه القادمه ومع ضيف جديد الى القاء من استديوهات انفاس الحب محبتكم دلال ( حكاية حب ) هديه مقدمه مني لضيفتي الغاليه

المصدر: منتديات انفاس الحب

---

olvdm hglfsl lu p;hdm pf hgljwg olvdm pf

المصدر: منتديات انفاس الحب

---

olvdm hglfsl lu p;hdm pf hgljwg

.