المقلوبه من الاكلات المحببه لدى العائله عندي ، طبعا لكم حُرية عملها سواء بالدجاج او التونه او اللحم او صدور الدجاج او الخضار فقط اللي عندي بيفضلونها بالتونه >> متواضعين وسريعة التجهيز يلا نبدأ نعملها الطريقه : نعمل كشنه بصل وثوم مقطعين واحب ارش عليهم فلفل مجروش وحبات اللومي الناشف ، عبال يذبل البصل اقلي بصل شرايح ف الزيت واخرجه ع جنب واقلي بطاطس مكعبات وسط واحطها ع جنب بعد مااحس ان الكشنه بدت تتكرمل شوي اضيف الخضار اللي حابته انا اكتفيت بالفلفل الرومي والجزر المبشور واغطي عليهم شوي >> كأني اشوف ميكي ماوس ثم اضيف شوية معجون طماطم واحركه حتى النار تمتص الزيت اللي فيه ثم احط حبة طماطم مقطعه صغير وشوية دبس رمان وصويا ودلعي الكشنه بالبهارات اللي تحبيها اول ماتبدا تتسبك حطي التونه عليها وملحيها وغطي ف هالوقت اعملي الرز وخليه يستوي لما قبل الاستواء الاخير بتكه ههههه نرجع لكشنة التونه ونضيف لها البطاطس ونملحها ونتركها تتسبك معاها شوي لحد مايجهز الرز اذا جهز الرز ناخذ مقدار منه ونضيف ع الكشنه ونحركه معاه حتى يكسب اللون البني ثم نرش ع الوجه شوي من البصل اللي قليناه وبقدونس وكزبره مقطعه ونضيف باقي كمية الرز ونرش كمان ع الوجه بصل مقلي وبقدونس وكزبره وملون طعام ونغطي ع القدر مدة خمس دقائق حتى ياخذ الرز من نكهة الكشنه ويكمل إستواء لما نطفي عليه اذا حابه تبخري الرز حيعطيك طعم حلو ولو مو حابه برضوا حيكون الطعم حلو انا مرات ابخر ومرات لأ ،، وبكذا تكون جهزت معانا وعلينا بالعافيه

سهاد ,الحَنين ,كيرآز ,AL7AN ,Lost ,اشتقتلك ,غيومه ,كاسبر ,عنادية ,مزن ,احمد معجبون بهذا

المصدر: منتديات انفاس الحب

---

lrg,fm jvt >> qlk tuhgdm wkh]dr hgp/ >> >> lrg,fm hgp/ jvt wkh]dr tuhgdm qlk

المصدر: منتديات انفاس الحب

---

lrg,fm jvt >> qlk tuhgdm wkh]dr hgp/ >> >>