مرحبا حبايبي كيفكم جبتلكم طبخة زاكية عيلتي كثير بحبوها و متاكدة الكل بحبها و اكيد حصرية لعيونكم واي حدا من الصبايا طريقتها بتختلف عن طريقتي او بتحط اضافات غير ما تبخل علينا بحب التجدديد بالطبخ :ff1 (171): طبختي هي داوود باشا مقاديرها و طريقتها : لحمة مفرومة ناعمة بحط عليها بصلة مفرومة كثير ناعم ملعقتين كبيرة من البقدونس المفروم البهارات اللي بحطها ع اللحمة ملعقة طعام فلفل اسود + نص ملعقة 7 بهارات + ملعقة طعام ملح بخلطهم كثير منيح مع بعض وبنبلش نشتغل فيها هلأ بعملهم ع شكل كرات متوسطة الحجم بغلف قطع اللحم بالطحين طبقة خفيفة بنفس الطنجرة اللي رح نطبخ فيها بدي اقلي كل اشي عشان تركيز النكهات بحط بالطنجرة كمية من الزيت النباتي و ملعقة سمنة لاتستغنوا عنها بتعطي طعم كثير زاكي اول اشي بقليه البطاطا انا هون احتجت لـ 3 حبات بطاطا قطعتهم مكعبات و قليتهم لما تستوي البطاطا بشيلها و بحط كرات اللحم بقليهم لحتى يستو و يصير لونهم هيك هلأ دور البصل هون احتجت لحبة بصل كبيرة مفرومة و ملعقتين من الثوم المهروس انا عندي مشكلة بالبصل اولادي مابياكلو الاكل اذا شافو فيه بصل :-ff1 (36): انا بعمل فيهم خدعة ههههههه طبعآ هيك خلصنا كل اشي بدو قلي هلأ بنجيب 5 حبات بندورة حمرا و مو قاسية يعني تكون طرية اشوي بنقشرها و بنحط معها حبتين ثوم و كاستين مي و بنخلطهم ع الخلاط الكهرباي هلأ الخدعة تبعتي انا بحط البصل المقلي ع البندورة و برجع بخلطهم مرة ثانية هيك راح البصل بححح ضحكت عليهم عمري بعدين بحط خلطة البندورة ع الطنجرة وبضيف عليها ملعقتين طعام معجون البندورة وبخليها تتطبخ منيح طبعآ بهارات ما بحط الا فلفل اسود و بكتفي بالبهارات اللي حطيتهم ع اللحمة هلأ بنحط اللحمة و البطاطا و بنخليهم يطبخو مع بعض لحتى نوصل للكثافة اللي بدنا اياها وبنزبط الملح تبعها و بنجهز لآخر خطوة واللي بتعطي ازكى طعم ملعقة سمنة و ملعقتين كبيرة ثومم مهروس و تقريبآ ملعقتينن نعنع مفروم و بنقليهم مع بعض لحتى يصير لون الثوم ذهبي بنحطها ع الطبخةة و يمممممي يممممي ع الريحة :ff1 (35)::ff1 (35): بنطفي النار وهيك دااوود باشا جاهز للتقديم اعملت رز بشعيرية لأنه مابتزبط الاكلة بلاه الرز جاهز بنقدمها و بنحط ع الوجه نعنع اخضر ويللا اتفضلووو :ff1 (171): و نقول بسم الله جربوها ع طريقتي و رح تحبوها وصحتييين و هنااا يارب تعجبكم و انتظروني بوصفة جديدة في امان الله

المصدر: منتديات انفاس الحب

---

'fom .h;dm L pwvd dEv] or 'fdf

المصدر: منتديات انفاس الحب

---

'fom .h;dm L pwvd dEv] .h;dm or 'fdf

.