08-11-2020
|
#31
|
ـــــــــــــــــــــ
نشيد كنت/ي تحبه / تحبينه أيام الطفوله ؟؟
ــ نحن أبطال المطافي ( ايام الطيبين )
::::
شخصيه كرتونيه كنت/ي تحبه/تحبينها ؟؟
ــ توم وجيري ( البس والفأر )
::::
كيف كنت/ي ايام طفولتك شيطان/يه ولامؤدب/ه ؟؟
مسالم جدا .. ومؤدب .. ما أحرك ساكن
::::
ماهي المواقف اللي عرضت فيها اهلك للاحراج؟؟
ــ ما أذكر شي والله
::::
هل كنت شخص ذو شخصيه قويه أم مغلوب عليه ؟؟
ــ شخصيتي ليست قوية بشكل ملفت .. ولست مغلوب على أمري
اللي لي أخذه ... واللي مو لي .. أصلا ما إعتدي عليه
::::
اكبر عيديه جمعته/جمعتيه كم ؟؟ ومن مين ؟؟
ــ الله يا زمان .. أيام طفولتي ما كان فيه عيديات ... إذا حصل لي ثوب جديد
أكون في قمة السعادة
::::
يوم كنت/ي طفل/ه تلعبـ/ـين بكمبيوتر العائله ؟؟
ــ الأتاري القديم .. وين اللي عنده أتاري .. ولد نعمة
::::
من كـان يدلعك أكثر أبوك او أمك ؟
ــ الله يرحمهم ويسكنهم الجنة ... كلهم ... و بحكم انفصالهم كنت
أحس الأم أكثر .. لاني .. كنت أزورها زيارة
::::
اســم دلعك بالطفوله لحد الان ينادونك به ؟؟ وماهو ؟؟
ــ وضوووحي ههه
::::
بطفولتك كنت/ي تبكي/ن إذا ماجلست/ي بالاول بالطابور اوالفصل ؟؟
ــ بحكم إمي كنت صغير .. يحطوننا يالصغار في المقدمة ..
وغالبا .. كنت أجلس بجانب طاولة المعلم
::::
عندك لعبه موجوده من صغرك إلى الآن ؟ وماهي ؟؟
للأسف ..ما عرفت بقيمتها .. ودي لو إحتفظت بالأشياء القديمة ... احب هالشيء الآن
::::
هـل كـنت/ي تـعانـيـ/ـن مـن اخـطاء فـي مخـارج الحـروف .. (الوح=أروح) عثير= عصير)؟؟
شي بسيط في حرف ( س ، ص ، ز )
:::::
ما اكـثـر حلاوة كنـت/ي تحـبه/تحبينها ..؟؟
حلاوة البقرة ... نسميها كذا للحين إشتريها
::::
آكله تحبها كثير ...وآكله تكرها ..؟؟
ــ أحب الكبسة .. والبكاطس بالفرن ... وما أحب المرقوق
::::
ما اسم اول مـدرسـ/ـه درستك ..؟
قديم أيام الخواننا الفلسطنيين والمصريين
أذكر الأستاذ ( مجدي عبدالسلام )
::::
لما احد يكفخك في الشارع لمين كنت تشتكي..! والا تاخذ حقكـ بنفسكـ .. ؟؟
كنت مسالم .. وما أذكر أحد كفخني .. ولا كفخت أحد
:::
وش كانت عيارتك!!
ــ ماني معلمكم ههه
::::
كنت تنآم لحآلك ولاعند المآمآ ..؟؟
كنت أنا وأخوي اللي أكبر مني بغرفة واحدة ...
:::::
اجمل موقف صار لك بطفولتك ..ومازال عالق في ذاكرتك؟؟
اذكر جبت شهادتي في الصف الخامس ... متفوق
وإشترى لي أخوي الكبير ( سيكل )
:::::
ايش الالعاب اللي كنت تلعبها بطفولتك وايش اكثر لعبه تحبها ؟ومع مين تحب تلعب اكثر شيء ؟؟
ــ كنت مدمن كورة قدم .. وألأعبها في الشارع وفي البيت وفي المدرسة
:::::
أجمل مكان سافرت له وانت صغير وتتمنى ترجع له ثااني ؟؟
سافرت لـ رأس تنورة بالشرقية ( كان أخوي يشتغل هناك ) كنت بالصف السادس
الله وكأني رايح للندن هههه
:::::
هل مر عليك موقف بطفولتك خلاك تكره شخص معين واذكر الموقف ؟؟
ــ ما أذكر
:::::
كم مرة انطقيت ..او كنت تنطق كثير؟؟
بالمدرسة .. طقني مدرس القرآن .. وللحين حاقد عليه
كنت مريض ونايم طول اليوم وعلينا حفظ .. وقلت بالليل أحفظ ... وما قدرت أحفظ
وفي الصباح ... خفت الحرارة شوي وقال أبوي رح للمدرسة .. وقلت علي حفظ قرآن وماحفظت وجلست أبكي
وقال أبو خلاص أنا امر المدرس وأقول إنك مريض
وإنشغ أبوي ... وجت حصة القرآن .. وجاء دوري .. وجلس أبكي .. قال وشفيك ..
قلت ما حفظت كنت مريض .. قال إذا الواحد ماحفظ قال مريض .. افتح يدك
وضرب .. 20 عصى ... والله للحين ما أنساها .
:::::
كيف مستواك الدراسي ممتاز ..ولا كسلان ..ولا نص ونص ..؟؟
ــ كنت متفوق والحمد لله
::::
واخيراً ..ماهو الحلم البريء ..حلم طفولتك ..كنت تتمنى ان يتحقق..!
ــ ما كنا نعرف الأحلام .. إذا قالو وش بتصير إذا تخرجت .. كنا نقول مدرس أو طبيب
::::
كلمه اخيره تهديها لطفولتك..!!
ألا ليت الزمن يرجع ورا ولا الليالي تدور
ويرجع وقتنا الأول و ننعم في بساطتنا
زمان أول أحس أنه زمان فيه صدق شعور
نحب و نخلص النية و تجمعنا محبتنا
زمان ما فيه لا غيبة و لا حتى نفاق و زور
ياليته بس لو يرجع و نسترجع طفولتنا
صغار قلوبنا بيضا نعيش في عالم محصور
و لا نعرف أبد أغراب ما غير عيال حارتنا
صحيح صغار في التفكير لكن ما علينا قصور
نخطط نكسر اللعبة و تسعدنا شقاوتنا
نروح المدرسة بدري و نضحك داخل الطابور
نحاول نزعج العالم في روحتنا و جيتنا
و عشان نأخر الحصة نخبي علبة الطبشور
نشاغب بس في الآخر تميزنا برائتنا
نحب الضحك و الهيصة نحب ننط فوق السور
نفرفش ليه ما نفرفش مدام الضحك عادتنا
::::::
|
|
|
|
|
4 أعضاء قالوا شكراً لـ وضاااح على المشاركة المفيدة:
|
|
|