16-04-2021
|
|
فطور رابع يوم من رمضان كوسا بلبن تعالو تعالو
اليوم فطورنا كوسا بلبن
اكيد ما انا الا طبختها :ff1 (107):
لان لو انا طبختها كنتو شفتو كل الكوسا مكسرين
والحشوه صارت عم تسبح فوق اللبن
شكلها و ريحتها ما بخبركم امتى رح يأدن جوعتني الريحة
المهم يلا ع الطريقة
الحشوة رز مصري ولحمة وقرفة ناعمة وملح وبهارات مشكلة ورشة زيت
يعني كيلو كوسا بدو كوب رز و٢٠٠ غرام لحمة وزيت او سمنة شي ٢ملعقتين اكل
نحفر الكوسا و و منحشي و منحطهم بالطنجره وبتحطي ماي غمرتون وبتسلقيهون نص استوا....
بتكوني بهالوقت بطنجرة تاني بتحطي لبن كيلو وملعقتين نشا وملعقة ملح وبديري فوق النار مع الحريك المستمر وبس يغلو شي عشر دقايق بتشيلي نص كمية الماي تبع الكوسا وبتضيفي اللبن فوقون بغلو مع بعض شوي وبتقلي شي ٥ حصوص توم مهروسين مع ملعقتين زبدة ونعنع ناشف وبتضيفون عالكوسا وم منزينهم بصنوبر و لوز محمصين وصحتين وهنا
و بيتقدم جنبهم رز بالشعيربة
وصحتين و الله يديم النعم
t',v vhfu d,l lk vlqhk ;,sh fgfk juhg, l, fHf, p,g
t',v vhfu d,l lk vlqhk ;,sh fgfk juhg, l,
|