منتديات انفاس الحب - عرض مشاركة واحدة - ماني بغامض بس ما احب الوضوح في ذا الزمن كلن على همه سرى~

آوسمتي · 13-08-2020

من قصائده
:
:

تعاهدنا وعدنا للجفا يا صاح وش ذا الحال
تكابر بالشقا واكابر بصمتي ويشقيني
.
بلاك انك تعرف اني احبك لو غيابك طال
وبلاي اني اعرف انك دواي ولذة سنيني
.
حسافه كل يوم يمر مالك في ذراه ظلال
لا اسمع فيه صوتك لا تزور ولا تحاكيني
.
‏حسافة يا اشتياقي كثر ما اجامله واحتال
واقول اصبر خله لا تذكرني بياتيني
.
على مزحك على جرحك على الذكرى على السلسال
حكايانا تعذبني .. سوالفنا تعنيني
.
حبيبي مدري ان كانك حبيبي لكن الاهمال
على الضلع القصير ليا طرى طاريك يكويني
.
وأنا صغيّر تعلمت الحياة وقسوة الغربال
وأبي يا جعل ربي يحفظه دايم يوصيني
.
ليا مني بكيت يقول لي ما يبكي الرجال
وكبرت وكلمته يا نور عيني مأثره فيني
.
وهذا انا بعد غيبتك واقف لك على الاطلال
بغيت أبكي من الحرقه لا شك ابوي ناهيني

خذيتني ياساحر القلب بحكاك
سحر الغرام اللي معانيـه ذاتك
.
وبديت بي من قبل لا آجيك وابداك
وآخط سيرة حب في ذكـــرياتك
.
وعشقت صوتك/ضحكتك/وجهك/رضاك
وغدت جهاتي بالمحبه جـهاتك !!
.
غصب عليك .. أستاهلك !! وآتحداك
لآني الوحيد اللي فهم منتهاتـــك !
.
غرآمـك اغنآني من النآس واغنآك
عن كل شخص معجبن في صفآتك
.
تعبت أدور شوفـتك قبل لا القـاك
وجيتك وروحي قبل لا آجيــك جاتك
.
روحي تحبك قبل لا آحب لامـآك
ولاماك حببني أكون بحياتــك !!
.
فديت كبدك ياهوا (الحب ) م غلاك
ارسـم على كف الحنيـن امنيآتك
.
وينك تبطآطيتك وقلـبي تبآطـآك
شوقٍ حياك وشوق لا غبت ماتك
.
ضم الضلوع أللي تعبها محاتاك
وحـب العيون اللي تموت ابغلآتك
.
اكبـر فخر للآرض لآدجت بخطآك
واكبـر فخر للحب اني غنـآتك
.
حـظ الهوآ تتنفـسه في حـنآيآك
حـظ العطور اللي تلآمـس عـبآتك
.
انا ظمآن العشق والـمآي دجلآك
والنـيل نيلك والامـآني فراتك
.
ماصـرت اهيم بـشوق واحـب لولاك
تحب روحـي ،، قبل احبك وجـاتك
.
ماودي احبك عشان اكسب رضاك
ودي اكون اجمل حدث في حيآتك