مرحبا انفاسي الحلوين تقبل الله طاعتكم حبيت اشارك معكم اليوم وصفة زاكية لنوع من الخبز طبعآ كالعادة الوصفة من مطبخي وحصرية للأنفاس ورح احكيلكم المقادير والطريقة مع بعض يللا اتفضلو معي خبز لفة الصوف .. بداية ببلش بالمواد الجافة للعجينة بحتاج كوبين ونص من الطحين بضيف عليهم ملعقتين كبيرة من السكر وملعقة كبيرة خميرة فورية و رشة ملح بخلطهم منيح مع بعض هلأ بجهز المواد السائلة بحتاج كوب حليب دافي بيضة + ملعقة فانيليا ملعقة صغيرة خل 2 ملعقة كبيرة لبن زبادي بخلطهم كثير منيح مع بعض وبضيفهم ع خليط الطحين و بعجنهم لتتشكل معي عجينة ناعمة بتركها تتخمر لمدة ساعة وهيك شكلها لما اتخمرت بصينية مدهونة بزيت نباتي بقطع العجينة 4 قطع وبتركها ترتاح لمدة ربع ساعة هلأ بدهن السطح اللي بفرد عليه العجينة زيت نباتي و بعملها على شكل مستطيل ومن النص بعمل شرايط رفيعة بقصها بقطاعة البيتزا زي هيك وبحشيها بطبقة خفيفة من اي حشوة بدي اياها بنوتيلا او جبنة او زبيب او اي اشي بتحبوه بغطي الحشوة وبضغط عليها منيح و بلفها بشكل اسطواني وبرتب القطع بصينية فيها ورق زبدة بشكل دائري وبدهن الوجه بزيت نباتي بغطيها وبتركها ترتاح نص ساعة بعد ماترتاح برجع بدهن الوجه بملعقتين حليب مخلوطين مع ملعقة من العسل وهيك بكون شكلها قبل ماتدخل الفرن بدخلها فرن ساخن على الرف الوسط مدة 20 دقيقة او لما اشوف الاطراف صار لونها اشقر بشعل الشواية وهيك صارت جاهزة برجع بدهنها بخليط الحليب والعسل و بتتاكل سخنه او باردة وصحتين وهنا ان شاء الله تعجبكم وصفتي وانتظروني بوصفات قادمة في امان الله

- رِيتآن. معجب بهذا

المصدر: منتديات انفاس الحب

---

of. gtm hgw,t lk l'fod L pwvd l, pfs dEv] or

المصدر: منتديات انفاس الحب

---

of. gtm hgw,t lk l'fod L pwvd l, l'fod hgw,t pfs dEv]

.