الحِزن في صوتك أزعـج ساكنـي
= لين صار الكون من حولي حزيـن
غصب عنَّي حِزن صوتك هاجنـي
= لين خلَّى عاصـي المعنـى يليـن
وأمتثل حرف القصيـد وعادنـي
= وأنسكب حِزنك على شِعري حنين
شلت أنا حِزنك وحِزنك شالنـي
= تكتم الصرخه وينسـاب الأنيـن
شِفت حِزنك كيف حِزنك شافني
= كيف داهم خلوتي فـي لحظتيـن
طير أنا مِثلـك زمانـي ضامنـي
= جرَّحتني مثلك سيـوف السَّنيـن
صابك الَّلي مِـن زمـانٍ صابنـي
= في معاليق الحشـا جرحـه دفيـن
كلَّمـا ودَّعـت هـمٍ زارنــي مِن
= عذاب الوجد بيَّـاح الكنيـن
الفرح عقـب الصَّداقـه عافنـي
= وخافت البسمه على وجهي تبيـن
طيري يالَّلي صوت حِزنك هاضني
= الله الَّلـي ينتصـر للصَّابـريـن
الحب كذيه