08-02-2020
|
|
|
سرقة ممتلكاتي
أحبتي في الله
السلام عليكم ورحمة الله وبركاته
الله يسعد مساكم بالخير والستر والرضا والعافيه
الله يعينكم على هذا القحم الشارد الذي مشاكله
ماتنتهي مره ينافس التجار ومره يهوى الأسفار
ومرات يحوس ويدوس يدور من يناقره اليوم
مدري وش حصل للشارد خلونا نرى ونسمع ؟
الشارد : يالله اليوم على بابك ياكريم يالله سترك يارحمان يارحيم من يفزع لي ومن يقف معي في محنتي بغلتي سرقت وعليها الخرج فيه كيلو زبيب أسود وكيلو لوز مفقش من لوز الباحه وفيه 18 ريال فرنسي من الفضه الخالصه وفي رقبتها خطام لونه تركوازي الله أعلم من تجرأ وسرقها والبحث عنها جاري ولكن لابد أن اعطيكم حكاية وصولها لملكية الشارد ،
في يوم من الأيام كنت في جوله على الأقدام واصابني شوكة طلح في رجلي وعطلتني وكان ذلك في وقت مرور الشيخ الوافي من أمامي وأشفق علي وقال وشفيك ياقحم سلامات قلت اصابني شوكه وعملت في ماعملت وهانا امامك لا أقوى على المشي فتجمل وماقصر اهداني تلك البغله وارسل لي حله مليانه (دغابيس) ومعها المرق واللحم ياعيني على الشيوخ وما يفعلون هذي قصة البغله والحله بقي أن نبحث عن البغله المفقوده والله يسهل
غلا الشوق : خير خير ياجاري وأبن العم وشفيك حالك مايسر عسى ماشر يالشارد اضنك تبحث عن بغلتك لاتخاف سنجدها وانا سأكون معك في البحث عنها وأضني مسكت طرف الخيط الذي سيوصلنا لمن تجرأ على بغلة القحم والخرج المحمل بالخيرات أنا شفت بعض البنات وهن يتشاورن على سرقتها ومنهن بنتك المهاجره وحدسي مايخيب هيا لننطلق ولاتعلم أحد هههههه
الشارد : يالله اعطها العافيه نعم كذا تكون بنت العم وهذا حق الجوار انتي متأكده علشان ما نظلم أحد ياغلا مع أني كنت اتوجس الحذر خاصه من بنتي المهاجره لأنها تغار من البغله تقول أنك تحبها أكثر مني هههههه الأن تأكدت من ردة فعلها هيا مشينا
المهاجره : تعالي يارتيل بسرعه وجدنا كنز ومانبي احد يصل اليه قبلنا وأبشري باللوز الحجازي والزبيب اليمني والريالات الفضه النقيه تعالي بغلة والدي مربوطه في العرعره اللي عند خيمة تاج النساء وماحد عندها ولا يشوفنا أحد نفتك رباطها ونخفيها في وادي الكعامير بعد ما نسلب كل ماعليها هيا لاتأخري بسرعه ياحفيدة القحم
رتيل : الله عليك يالمهاجره كذا تعملين في والدك وماذنب البغله اللي جاته هديه انا أذكر زمان كانت أختك الله يرحمها كل ما شافت شي للشارد قتلته المحجله والحمار الفيراني والبغله الدهماء كلهم ضحايا الغيره لكن وش اعمل مالي الا السمع والطاعه لأني احب اللوز وابغا اشوف الريالات الفضيه وبعدها أتوب وأخذ بخاطر جدي
الشارد : طيب ياغلا الله يبارك فيك تعالي بالددسن تبعك وخلينا نروح لوادي الكعامير عسى نلحق على البغله قبل تاكلها الجعار وهي مربطه في عرعره الله يستر شوي الا الددسن دخانه معنكبٌ هذه كلمه زهراني غلا تفسرها لكم فهي ظليعه في الترجمه المهم توكلنا على الله والددسن يعطس اضنه مريض ولا مبوش ولكن الحاجه حدتنا عليه وصلنا لوادي الكعامير وجدنا البغله ولم نجد الخرج ومافيه المهم البغله أهم من الخرج هي اللي تقل القحم في كل رحلاته ومشاويره وسوف ارفع قضيه على الجناه بنتي وحفيدتي كيف يمكن مقضاتهم ولا نكتفي بالأنذار والوعيد أن لم يتوبا وهذا ما سنراه من ردودكم وتفاعلكم أن كان تؤيدون الأنذار أو الشكوى وبعدها نقرر اما تكون نهايه للحدث أو بدايه لجزء أخر ومحاكمه في محكمة أنفاس الحب وقاضيها المخضرم (وضاااح) اترككم في رعاية الله وحفظه محبكم القحم الشارد
وليدة اللحظه وحصريه
لأنفاس الحب
svrm lljg;hjd
svrm lljg;hjd
آخر تعديل الشارد يوم
08-02-2020 في 08:19 PM.
|