منتديات انفاس الحب - عرض مشاركة واحدة - ●•◦مآ جيت أسجـّل في حضوري بدآيهـ •◦ دآم البدايهـ تبـتدي في حضــوري •◦

آوسمتي · 09-02-2021

فل الحجاج وخل عنك الهواجيس
كلن يموت وحاجته ماقضاها

واعلم ترى الدنيا تجارب وتقييس
مالك ومال الخلق تطلب رضاها

خلك مع اللي يطلبون النواميس
وخل النفوس الضايعه في غثاها

لازم محلك فوق روس التضاريس
مثل الصقور العاليه في سماها

ولاصار صدرك مثل حر المحاميس
دعوه لربك خاب منهو نساها

يكفيك من شر الليالي المعابيس
ويفرج لنفسك همها مع عناها

واحذر مخاوي صاحب السو وابليس
واحذر من الرديان تمشي معاها

ومن لاخذا الدنيا بقيس وتقاييس
يحصد وياخذ زرعها من جناها

يطوي قلبه مثل طي القراطيس
ويجهل اموره صحها من خطاها

ولو تطلبه من غاليات النوافيس
والنفس طماعه وتتبع هواها

ماتاخذ الا اللي كتب رب بالقيس
وما خاب عبدآ طاعة الله بغاها

خلها عليه وخل عنك الوساويس
يجلي عن النفس الضعيفه شقاها