منتديات انفاس الحب - عرض مشاركة واحدة

آوسمتي · 25-11-2019

صباح الخير ياعيوني
يااجمل شي في كوني
منى قلبي ومضنوني
وكل الناس تسواها
صباحي انت ياخلي
ارحب فيك واهلي
فداك عيوني وكلي
فدا النضرات محلاها
انا وياك نتقهوى
سواك القلب مايهوى
بلاك العمر مايسوى
حياتي انت معناها
اموت بذوقك وفنك
وانا مالي غنا عنك
عساني مانحرم منك
معاك افراحي القاها
حمدت الله في قربك
وشفت الصدق من قلبك
وانا مجنون في حبك
وفيك الروح تتباها
وصوفك صعب اعددها
واحبك دوم ارددها
محبتنا نجددها
ونكتبها ونقراها
عديل الروح ومرادي
غلاتك دوم تزدادي
وحسادك وحسادي
عسى يزداد بلواها
يانور العين يالغالي
ياسكر زايد وحالي
ماغبت بيوم عن بالي
ياطب الروح ودواها