30-01-2023
|
#224
|
وحشتنا أيام كنا بنحب فيها نفسنا بجد ،
مُتصالحين معاها بإستمرار ،
وَحشنا الرِضا بالمقسوم ،وتقبّل الإنسان المهزوم اللي جوانا ،
واعترافنا بجميل المعروف ،واحترامنا لمشاعرنا الطفولية وعدم الاستخفاف ببراءتنا ،
وَحشنا نكون احنا مش نُسخة مننا تشبهنا ، نكون نفسنا بصورتنا وأصلنا وجريان دَم البَساطة فينا....
وقُدرتنا على التخطّي كانت بالكوم وبدون حسابات ،كُنا شُجعان في مواجهة نفسنا جداً ،
لا خايفين من اللي جاي ولا زعلانين من اللي رايح ،ولا شايلين هُموم بتقل الجبال...
وَحشنا نتجنن ،ونجري زي العيال ،ناسيين الأوامر والنواهي ،فاكرين بس ازاي نسعد نفسنا ونتبسط بحدود ،
وَحشنا احساسنا بالموجود .....كان الشغف واخدنا لسابع سما طايرين بسرعة أحلامنا الكتيرة ،
والضحك كان طالع من القلب بجد، كنا صادقين وقدّ أي التزام أو كلمة على هيئة وَعد ...
حقيقي وَحشتنا سنين كُنا سعداء فيها بجد
|
|
|
|
|
الأعضاء الذين قالوا شكراً لـ رآجہل مہتمہيہز على المشاركة المفيدة:
|
|
|