منتديات انفاس الحب - عرض مشاركة واحدة

آوسمتي · 26-12-2022

-امتى اخر مرة كلت فيها بإستمتاع يا أستاذ سعيد ؟؟
=انا باكل بإستمتاع دايما لما باكل مع أصحابي حتى لو بناكل فول ونقعد نلغوص بوقنا ونقعد نهزر ونوســخ ايدينا ونمسحها في هدوم بعض ، بتبقى متعة ليا لما بنتلم مع بعض وناكل أي حاجة
-الأصدقاء في حياتك مصدر أمان ؟؟
=طبعا ، دول اخواتي اللي أبويا مجابهمش
-ممكن يكون فيه غيرة بين الأصدقاء ؟؟
=لأ بالعكس انا وأصحابي عمرنا ما غيرنا من بعض ، عمري ما غيرت من واحد صاحبي
-عمرك ما غيرت من عادل امام وهو صاحبك ؟؟
=اسأله ، كان لسه سهران عندي امبارح وكل يوم بنسهر مع بعض ، بالعكس ده انا بعشقه وعارف انه بيعشقني
-كنت بتقولي من شوية انك كان نفسك تعمل "ليالي الحلمية" و "أرابيسك" ؟؟
=لا مكانش نفسي اعملهم ، انا كنت مرشح ليهم مش كان نفسي اعملهم ، سليمان غانم وحسن أرابيسك كنت انا اللي هعمل الدورين دول بس واللي عملهم أخويا التالت ، ما هو أخويا التاني عادل امام والتالت صلاح السعدني طالما أخويا عملهم يبقى كأني انا اللي عملتهم وهو عملهم كويس جدا وفرحان به
-تدي نفسك كام من 20 في علاقتك بأصدقائك ؟؟
=ادي نفسي 100 من 20
\
/
حينما تحدث سعيد صالح عن الصداقه
بتنا نفتقد تلك المعانى والقيم