لعبتي !!

'
.


هذا سلمكم الله كنا مسافرين انا و واحد من العيال ..
و طالعين المدينه ..
و وقفنا عند اول محطه عبينا بنزين و شرينا لنا شيبسات و فصفصات و شوكولاتات و ببسيات< لا احد يدقق بس عشان القافيه
و بعد ما تقضينا و خلصنا امورنا ..
وينك ي الخط و انطلقنا و خويي هو اللي كان يسوق
و انا الحكاوتي و المساعد < هي الخطة كذا اللي يسوق يكون مخدوم و طبعنا كل واحد يسوق نص المسافه العدل عدل
و يمتد الخط قدامنا و سواليف و علوم و طقطقه
و بعد ما قطعنا مسافه الا خويي يقول ي ولد انا خابر لك طريق مختصر يريحنا من حول ساعتين زياده ..
و اناظره قلت ترى الليل اظلم انت تدل الخط زين ..
و هو يقول ازهلها لعبتي< انا توترني ذا الكلمه لان نهايتها معروفه بالغالب ..
ي ولد ما عليك امشي ذا الطريق و انا مغمض..
طيب شورك و هدايه الله توجه له ..
و يمسك خويي ذا الطريق المختصر
و بداية الطريق ما كانت تطمن لانه خط زراعي يعني مسار واحد بس ..
و مشينا شوي الا ظلام خررررمس < يعني ظلام ما تشوف يدك *~*
و ما كانت ليله مقمره< اسمعكم تقولون يكفي نورك ^~^
و ما اطول عليكم بالسالفه ..
و حنا نمشي الا و نسمع ذاك الصوت القوي و السياره ترررررج بسم الله بسم الله وش صار ..
و المهم ان السواق قدر يسيطر ع السياره
و شوي شوي الين ما قدر يوقفها على جنب ..
و نزلنا نناظر الا و الكفر مبنشر < يالييييل ما هو وقتك
و نفك الشنطه عشان نطلع الاستبنه< الكفر الاحتياطي للي ما يعرف يعني ^~^
الا و نبلش بالكفر ما ندري كيف نفكه يمين يسار فوق تحت يا ولد سيارتك ما انت عارف لها *~*
و انا احاول بالكفر ما في فايده انه ينزل و ارفع راسي بشوف خويي الا ذيبان معه كتاب هذا كبره
و انا اقوله صااااااحي انت هذا وقتك تقرأ ي المثقف اخلص علينا خلنا ننزل الكفر و نركبه < الا يطلع معه كتالوج السياره بيعرف كيف نفك الاستبنه
زين من قام و هبدك بالكتالوج على راسك هههههههههههههههههههه
و بعد جهد و جهيد نزلنا الكفر طبعا الكتالوج ما فادنا شي *~*
و بعد ما ركبنا الكفر ركبنا السياره و كملنا الخط
و قلت الله يستر من طريقك المختصر دام ذي بدايتها
و هو يقول يا رجال ما عليك لعبتي الاختصارات< كمان لعبتي *~*
و يرجع وضعنا طبيعي سواليف
و شوي قرقش قرقش< يعني ناكل شيبس و فصفص
و قلت انا بغمض لي شوي عشان اتنشط و اكمل السواقه عنك.. و انتبه لا تنام يا ورع و تجيب فينا العيد*~*
و غمضت عاد انا ما ادري كم نمت الا فجاه طربق طربق طربق و احس السياره راح تطير< بحلم انا و الا بعلم
و افرك عيوني < اعادة تشغيل الجهاز هههههههههه
وش فيه ووووووش فيه انا قلت الفاغر نام ..
الا طلع ان الاسلفت انقطع و صار الطريق صحراوي < يعني تراب و حجر *~*
و نهدي الين ما وقفنا و ننزل نتفقد السياره و الوضع
و اعطي خويي ذيك النظره
لعبتك الاختصارت اجل *~*
و قال عادي يمكن بس ذا المسافه يجددون الاسفلت فيها خلنا نكمل شوي و نشوف الوضع اذا كان كذا رجعنا لدربنا ..
و نكمل طريقنا و الطريق حيل موحش سواد حالك ما تشوف حواليك و كله بطانيج و مطبات
ي الفاغر ارجع دربنا تراك كسرتنا ي لعبتي *~*
ما عليك دع القياده لي و يكمل الطريق
و ابعدنا مسافه الا ما حولنا مسفلت
و مع تفرع الدروب خويي ضيع الدرب و ما عاد يدري وين يوجه
قلت له وقف وقف خلنا نشوف احد ننشده يدلنا
و نوقف الا ما حولنا احد ما غير صوت الرياح و الذيابه تعوي *~*
هاه ي لعبتي العلم ويش
قال بعترفلك بس هونك علي !!
تراي نجمت < يعني ضيعت الطريق و لا عاد ادري وين وجهتنا
و انا اصفق يد بيد يعني كذا خلاص < كنترول عطنا موسيقى حياة الفهد*~*
و تبدا تلعب الهواجيس فينا !!
و شوي الا شفنا سياره و قلنا الحمدلله
خلنا ننشده عن الطريق..
و نوقف الا السياره فيها السواق بس و نسلم و عطيناه العلم ان حنا ضيعنا قال امشوا وراي
و حنا نحرك وراه و نمشي و نمشي و بعد ما مشينا مسافه الا السياره اللي قدامنا اختفت *~*
بسم الله وين اختفى ذا لا يكون طفى الانوار بس
و ندور و نتلفت الا و لا كأن في سياره كانت تمشي قدامنا..
و نوقف الا حنا بمكان موووووووحش لا بشر و لا شجر الا ارض مبسوطه < ما اقصد انها فرحانه*~*
اقصد ارض ممتده مالها نهايه ..
و نناظر ببعضنا و كل واحد مسوي ان الوضع عادي و متشجعين
قلت خلنا ننام و نريح بمكاننا لان ما باقي ع الفجر شي
و يطلع الضو و نعرف وش حنا عليه ..
و رجعنا المقاعد و خويي قال انا بنام بالمقعد الخلفي..
و نمت < اكيد بقولون كيف جاكم نوم لكن مع التعب و الارهاق خلاص غصب تنام ..
و انا بعز نومي الا احد يهزني مع كتفي ي الشاااامخ ي الشاااامخ و افتح عيوني الا خويي يقول ترى شفت لي نار شكل في عرب حولنا خلنا ننهج لهم و انا انزل من السياره و امشي معه و ما ادري وش خلاني اناظر السياره الا خويي نايم بمكانه بسم الله مين ذا اجل اللي صحاني و التفت الا ما حولي احد *~*
و ارجع اصحي خويي و اعطيه السالفه
يا رجال تتحلم من التعب و الارهاق
وين اتحلم اقول صحاني و مشيت معه < كان حيخطفني و يطلبون فديه*~*
المهم و طار النوم من عيوننا ..
و نجلس الين ما طلع النور شوي بالفجر و نصلي و نعين حوالينا و الا من جد ما حولنا احد و لا عاد ندري وين نوجهه و البنزين على وشك يخلص *~*
و نمشي و نمشي و حرارة الشمس تزيد و طفينا المكيف عشان ما يسحب علينا البنزين
و نمشي و كأننا واقفين بنفس المكان ما في شي يتغير و لا حولنا احد
و شلنا هم المويه اللي معنا تخلص < صرنا نتعامل مع المويه معاملة العصافير نشرب بالغطا بل ريق بس..

و حنا نمشي الا اخذنا مطب قوووووي..
و شوي الا المسجل بعالي الصوت ..
خذني بقايا جروح ارجوك داويني < يا ابو نايف خرشتنا ماهو ارجوك داويني الا حنا الحين نغني ارجوك دلني *~*

المهم مالكم بالطويله< و اللي فات ذا كله وش^~^

و الا تدرون تعبت :
و كذا انتهى الجزء الاول و اللي شدته القصه و يبي يكمل يرفع الشاشه و يشترك ^~^
انتظرونا بالجزء الثاني قريباً < يسمع بالتشويق و كذا يعني

سموالاميره ,كيرآز ,AL7AN ,سلسبيلا ,ترف ,ســــــــــارهـ ,غيومه ,زهرة الشمس ,كاسبر ,الحَنين ,قَلبْ معجبون بهذا

المصدر: منتديات انفاس الحب

---

gufjd !!

المصدر: منتديات انفاس الحب

---

gufjd !!

.







الله الله اول مره اعرف انك تكتب قصص واقعيه >> احسها خياليه ههههه
>> اش ذا تحطيم خخخخ

تدري حنيت للسفر بالبر وخط طويل ووووو
>> من زمان ماسافرت بر وخطوط اخخخ
>> طيب كملي رد بالاول : اوك ههههههههه

اذا بدايته بنشر كفر ينعاف تاليه

اشسمه احس اللي صحاك من نومك هو واحد من ربعنا الثانين
وباخر الليل هذا وقتهم ههههههههه
هذا اللي جاء ببالي لما خويك كان بسابع نومه خخخخ

اخخخخ لعبته طلعت قوية ولعب عليك

احس اخر مره تسافر مع خويك من دون شر هههههه >>
بس ترا حلووووه راح تكون لها ذكرى جميله > جميله والجن والانس صحوك من نومك خخخخخخ

لا ابد ماطولت >> تقرا مستمتعه تبي تعرف نهايتها

اما عاد فيها اشتراك لايكون ب999
كمممممممل ي الشرير تحمسسست ^_~

ياسلام عليك ي الشامخ بطل في سرد القصه
بأسلوب جميل ومشوووق ماشاء الله علييك
ربي يسسسعدك
ويعطيك العاااافيه

كل الزين لعنونك + تمت الاضافه ..

كيرآز ,AL7AN ,ترف ,غيومه ,زهرة الشمس ,الحَنين معجبون بهذا

اقتباس:

المشاركة الأصلية كتبت بواسطة قَلبْ

.







الله الله اول مره اعرف انك تكتب قصص واقعيه >> احسها خياليه ههههه
>> اش ذا تحطيم خخخخ

تدري حنيت للسفر بالبر وخط طويل ووووو
>> من زمان ماسافرت بر وخطوط اخخخ
>> طيب كملي رد بالاول : اوك ههههههههه

اذا بدايته بنشر كفر ينعاف تاليه

اشسمه احس اللي صحاك من نومك هو واحد من ربعنا الثانين
وباخر الليل هذا وقتهم ههههههههه
هذا اللي جاء ببالي لما خويك كان بسابع نومه خخخخ

اخخخخ لعبته طلعت قوية ولعب عليك

احس اخر مره تسافر مع خويك من دون شر هههههه >>
بس ترا حلووووه راح تكون لها ذكرى جميله > جميله والجن والانس صحوك من نومك خخخخخخ

لا ابد ماطولت >> تقرا مستمتعه تبي تعرف نهايتها

اما عاد فيها اشتراك لايكون ب999
كمممممممل ي الشرير تحمسسست ^_~

ياسلام عليك ي الشامخ بطل في سرد القصه
بأسلوب جميل ومشوووق ماشاء الله علييك
ربي يسسسعدك
ويعطيك العاااافيه

كل الزين لعنونك + تمت الاضافه ..

هههههههههههههههههههه
وش ذا التحطيم قلب
ترى ما انزل الجزء الثاني *~*

صادقه والله سفر الخط له خرمه على ما يقولون هههههههههههه


ربعنا الثانين تشوفين كيف بالجزء الثاني < يحمسها

المشكله ان اغلب سفرياتي معه و السفر لعبته *~*

هههههههههههههههههههه
ايه بسوي زيها و لازمً ترسلونً فويسات و تحلفون بعد قبل الاشتراك

و يا سلام عليك ..
و على جميل اطلالتك و الرد و الاطراء ..
و الزين موصول لك مع الشكر ..
يعافيك ربي //

كيرآز ,ترف معجبون بهذا

*,





ههههههههههههههههههه
بصراحة القصة تخوف وترتني اشوي
ولكن اسلوووبك ضحكني الله يرج بليسك رج
ماشاءالله عليكم ياقو قلوبكم شلون قدرتم تناموا في هالمكان
لا ومضيعين الطريق بعد
وعادي تكملوون طريقكم ماعندكم مشكلة
بالله وش شعورك لما تحسب اللي صحاك خويك
وطلع مش هو ( واحد من …. بسم الله الرحمن الرحيم
اجل لعبتي وهو ماعنده سالفة هههههههه
لا عاد تفكرون ترحون بالطرق المختصرة ولا عاد تثق فيه
الحكواتي الشامخ بصراحة سردك للقصة رهيب
ومشووق وبنتظر الجزء الثاني بشووق
لاتتاخر علينا ابي اعرف النهاية

كيرآز ,AL7AN ,ترف ,‏الشاااامخ ,غيومه ,زهرة الشمس ,قَلبْ معجبون بهذا

اقتباس:

المشاركة الأصلية كتبت بواسطة الحَنين

*,





ههههههههههههههههههه
بصراحة القصة تخوف وترتني اشوي
ولكن اسلوووبك ضحكني الله يرج بليسك رج
ماشاءالله عليكم ياقو قلوبكم شلون قدرتم تناموا في هالمكان
لا ومضيعين الطريق بعد
وعادي تكملوون طريقكم ماعندكم مشكلة
بالله وش شعورك لما تحسب اللي صحاك خويك
وطلع مش هو ( واحد من …. بسم الله الرحمن الرحيم
اجل لعبتي وهو ماعنده سالفة هههههههه
لا عاد تفكرون ترحون بالطرق المختصرة ولا عاد تثق فيه
الحكواتي الشامخ بصراحة سردك للقصة رهيب
ومشووق وبنتظر الجزء الثاني بشووق
لاتتاخر علينا ابي اعرف النهاية

هههههههههههههههههههه
هذا المطلوب انكم تنخرشون *~*

يديم عليك الضحكه ..
تشوفين كيف النهايه بتكون مبهره ههههههههههه

لعبتي ذا متخصص بالنكبات *~*

لا تتأخرون بقيمة الاشتراك عشان ما أتأخر ههههههههههههه

كل الشكر لك ..
على جميل الاطلاله و الرد الرائع ..
يعطيك العافيه //

كيرآز ,ترف معجبون بهذا

العزيز الشامخ
التشويق والاشتياق بأسلوبك الحلو تكتب قصتك او بالاحرى تجربتك
حضور جذاب وراقي واسلوبك في الطرح احترافي
شكرا لك وبنتظار روعاتك
لاخلا ولاعدم

كيرآز ,AL7AN ,ترف ,‏الشاااامخ ,غيومه ,زهرة الشمس معجبون بهذا

اقتباس:

المشاركة الأصلية كتبت بواسطة كاسبر

العزيز الشامخ
التشويق والاشتياق بأسلوبك الحلو تكتب قصتك او بالاحرى تجربتك
حضور جذاب وراقي واسلوبك في الطرح احترافي
شكرا لك وبنتظار روعاتك
لاخلا ولاعدم

يحلي ايامك بالمسرات ..
و الشكر موصول لك ..
على جميل الاطلاله و الرد ..
يعطيك العافيه //

ترف معجب بهذا

اسلوب سلسل
مشوق و مثير
وننتظر القادم الجميل

AL7AN ,‏الشاااامخ ,غيومه معجبون بهذا

اقتباس:

المشاركة الأصلية كتبت بواسطة زهرة الشمس

اسلوب سلسل
مشوق و مثير
وننتظر القادم الجميل

الجميل :
هو اطلالتك و حرف الاطراء ..

كل الشكر لك ..
يعطيك العافيه //

ترف معجب بهذا

يامَآَلْ اَلَعَآَفِيَهَ

كلهاا قصة جن ههههه
ليه مرحت عازمينك الرابع هههههههههه

كمل نبي نشو اخرتهاا معكم

لَآعِدَمَنِآ هـَ الَعَطَآءْ وَلَآَ هَـ الَمْجَهُودَ الَرَائَعْ
كْلَ مَآتسكبه أًنَآَمِلكْ بًأًذخْ بَاَلَجَّمَآلْ مُتًرّفْ بَ تمًّيِزْ
وُدِيِّ

كيرآز ,AL7AN ,ترف ,‏الشاااامخ معجبون بهذا