علبة البيبسي !!

السالفه ذي اللي راح اقولها لكم وقعت احداثها في احد المدارس الابتدائية و كان ابطالها انا و مجموعة من الاصدقاء و وكيل المدرسه ..
و مالك بالطويله و عيشوا معي تفاصيلها ..
في يوم من ايام الدراسه المعتاده ..
دق الجرس ليعلن عن بداية الفسحه..
و انطلق الجميع للمقصف قبل لا تخلص الفلافل ^~^
المهم اتفقنا انا و كم واحد اننا راح نفطر بالفصل و تكفل واحد يروح يدافش بطابور المقصف و يجيب لنا الفطور و طبعا الفطور قطه لان خبركم الميزانيه كانت مضروبه ..
المهم < غير المهم الاولى طبعا^~^
جاء الفطور و افطرنا الحمدلله و بعد ما خصلنا نقز واحد من العيال معه علبة بيبسي و يرميها من الشباك فسقه و شبعه *~*
و حنا جالسين في امان الله نسولف و نسينا رمي العلبه ..
الا و يتم مداهمتنا و لا احد يتحرك منكم وش فيه طيب
الا الوكيل معصب و ما اعلمكم عاد عن الخرشه اللي صارت
مين فيكم اللي رمى العلبه < طبعا كلنا مسوين رجال ما نعترف على خوينا
و الوكيل يناظرنا ما ودكم تتكلمون
ما في مشكله الحين تجي الشرطه و تأخذكم و نعرف من اللي رمى العلبه و طاحت على راس طالب و هو بالمستشفى الحين ما بين الحياه و الموت *~*
شوي بدت العيون تغورق بالدموع بس صاملين ما ودنا نعترف..
يلا يلا قدامي ع الاداره و نشوف كم بتصملون..
المهم و حنا ندرعم ورى بعض تقول معتقلين ما ناقصنا غير كلبشات ..
و طبعنا حنا اتفقنا ما احد يعترف و الخاين رايح يكون باين ..
و بدا التحقيق يسحبونا واحد واحد ..

و انا اقول ما راح اتكلم الا بوجود المحامي < اعرف حقوقي منذو نعومة اظافري *~*

و تزيد الضغوطات و بدا استخدام العنف و بدت الدموع تتهاطل < ذي المرحله الثانيه للدموع بعد تغورق العيون *~*
عاد ايامنا لكم اللحم و لنا العظم ..
يعني الجلد على اصوله ..
و بعد محاولات و محاولات لم تتحمل اجسادنا النحيله ما حدث لها ..
و اعترف احد افراد الشله < وش فيكم تناظرون ترى ما هو انا *~*
حتى اسألوا عيال الحاره ..
لان اللي اعترف لحد الان نذكره بالسالفه ..
و دايم يبرر ان المفروض يكون العتب ..
على اللي رمى و لا اعترف ..
و هو يشوفنا ننجلد و لا رق قلبه علينا *~*

و من يومها صار عندنا فوبيا من جمعات الفصل
و علب البيبسي..
بس عاد الحب غلاب و تجاوزنا فوبيا البيبسي الاسمراني الجميل ..

و توتا توتا خلصت الحتوتا
و يلا دق الجرس كلن على فصله
و اذا جلستوا عاقلين اسدح لكم قصة السفن اب ^~^

ودق الحروف ,أباهي بك ,AL7AN ,غيومه ,كاسبر ,مزن ,الحَنين ,ترف ,كيرآز معجبون بهذا

المصدر: منتديات انفاس الحب

---

ugfm hgfdfsd !!

المصدر: منتديات انفاس الحب

---

ugfm hgfdfsd !! ygfm

قولها انت اللي اعترفت
بعد اذا مو انت بطل القصه
قصة جميله وطريقة سردها
ممتعه وجميله ولها ذكريات
شكرا ع ابداعك ي مميز
وفي انتظار قصة سفن اب >~
بكل ود تمت الاضافة

ودق الحروف ,كاسبر ,الحَنين ,ترف معجبون بهذا

هههههههههه
وليومك ذا ماتستغني عن البيبسي
هذا وأنت انجلدت بسببه

ياخفة دمك وروحك ي الشامخ
يسعدك ربي
وكلنا شوق نسمع قصة السفن أب
لاتطول

ودق الحروف ,كاسبر ,الحَنين معجبون بهذا

*,



ههههههههه
كل هذا من شان علبة ببسي طاحت ع راس طالب
اجل لو ضاربينه وش بيكون
بصراحة على وقتكم مافي يمه ارحميني
تصدق تمنيت اني وقتها معاكم
اشوف بس العيون يوم انها تتغارق هههههه الله لايبلانا
من جد لك حق تجيك حالة من الببسي
والله لو انه انا اني لـ اكرهه
وانا فعلاً ودي شيء يكرهني بالببسي لانه مضر
لكن لما اشوفه قلبي الصغير لايتحمل
الشامخ ابدعت بالقصة والسرد
يعطيك العافية
وبنتظر قصة السفن

كاسبر معجب بهذا

علبة الببسي امرها بسيط
بالنسبة للحوادث اللي نسمعها عن اللي تصير بالمدرسة
المهم جد فيه طالب تأثر من رمي الزجاجة ؟
او بس كذا إرهاب يخوفنكم بالمدرسة ؟
تحت وطاة التعذيب مين يقدر يثبت ؟
هالايام لو تكلمت بحرف ينشطب اسمك من التعليم
ما يجوز الضرب نهائيا
فيه وسيلة ثانية احضار ولي الامر
وهو عليه ان ابنه يعترف
ههه المعنى الترهيب على الاب
او عليه قيمة التصليح لو صار تلف لممتلكات المدرسة
المهم سالفة لطيفة وأيام ومرت
وكتبتها بطريقة ظريفة
والأجمل إنكم للحين مع بعض تذكرونها
وتذكرون المعترف فيكم
سرد جميل وممتع للقصة
يعطيك العافية

ودق الحروف ,كاسبر معجبون بهذا

/











بطل القصة وكاتبها من يومه شامخ
والسرد ممتع وحبكة رائعة
سلم نبضك
نضل عاقلين وننتظر قصة علبة السفن ههههههه
\الا الطالب وش صار عليه ؟؟؟!
شكرا وحبات السُكر

ودق الحروف ,كاسبر معجبون بهذا

اسلوبك في كتابة السيناريو بحد ذاته ابداع(شوق وتشويق)
زمان وطاف لكن تبقى الذكريات في ذاك الزمان بصمة لاتنسى
قلي يالشامخ منو اللي اعترف ههههه
مع الشكر والتقدير

ودق الحروف معجب بهذا

قصة فِي قِمَّةِ الْخِيَااالِ
طَرَحُتْ فابْدَعُتْ
دُمْتَ وَدَامَ عَطائَكَ
وَدَائِمًا بِأَنْتِظَارِ جَديدِكَ الشَّيِّقِ
لَكَ خالِصُ حُبِّي وَأَشْواقِي
سَلِمَتْ انَامْلِكَ الذَّهْبِيهِ عَلَى مَاخِطَتِهِ لَنَا
اعَّذِبَ التَّحايا لَكَ
لَكَ خالِصٌ احْتِرَامِي

ودق الحروف معجب بهذا

السوال المهم
هل علبة البيبسي تسببت في وفاة احد
على هالهجوم من الاداره
ههههههههههههه
كلها علبه طاحت كبرو الموضوع
عندي احساس انت اللي علمت

سردك ممتع دائما ي الشامخ
قصه لطيفه خفيفة
تسسلم الايادي
ابدعت
ووسعت صدورنا بهالقصه

ودق الحروف معجب بهذا

هههههههههههههههههههه
بين الحياه والموت عشان بيبسي
يسعدك ربي على القصه الحلوه

ودق الحروف معجب بهذا