نسدل ستار الحزن خلف الشبابيك .

ماعاد يجبر وقتنا شوفِ غالين ..
سيّد قصيدي والغلا اليومِ غايب !

جيته بجَرْحُ وكلّي اقفَى بجرحين ..
شوقه وفَقْدَه وسط قلبي شبايب !

ماقلتِ لي ياجرح الايام وش فيك ؟
قلبي كسيرُ وحزن الاحباب وافي ..

اشتاق وادري ما بشوقي تلاقيك ..
ياكود ذكرَى نازفه بالخَوافي ..

عمري قطعته بالغلا في امانيك ..
واقْبَل شعوري ماشي الدرب حافي ..

حتى المُوادع ماتهادَى بَ اْياديك ..
فوق الظروفُ وكَسْرها كنتِ جافي ..

الهجر هجرك والبلاوي بلاويك ..
والصدق موجع والوفا منْه عافِي ..

ماني بقايل قسوتك كيفِ تَنْسيك !
ماعاد شفْنا بالبشر قلبِ صافي ..

ماجاكِ يثبت للزمن إنّي اغليك ..
ومواجعه .. لك ترتمي بالقوافي ..

واللّي بقلبي من سبايب تماديك ..
خطَآ جموحِي وَاْلفْ .. شُكْرُ وعوافي ..

نكبر وتبقَى صفحة الحُب تطريك ..
لين الزمن يمحي معاني التجافي ..

غمضت عيني لاتشوفك وتبكيك ..
يكفي ضماك اللي توَسّد لحافي ..

حتى لو انّي بالوله ما بعدّيك ..
راضٍ بحظي يالْسّنين العجافي ..

كافي احبك لاجل هالوقت يرضيك ..
وشفْني خسرته قبلِ ماقولِ كافي ..

نسدل ستار الحزن خلف الشبابيك ..
وماني مسجل بالدموع اعترافي ..

ما كِل ما تطلب من الود بيجيك ..
إلاّ قليل اللي طلع بَه معافي ..

محدٍ يسوم اللي يعزّه ويشريك ..
قفّى زمان العزّ في كل ظافي ..

لله درك يالغلا كيف ابخفيك ..
تكفى طلبتك خلّ هالشوق غافي ..

النزف حُبّك بالشرايين يسريك ..
منتوج جرحي بالهوَى وإئتلافي .!!

المصدر: منتديات انفاس الحب

---

ks]g sjhv hgp.k ogt hgafhfd; > hgafhfd; pgt sjhv

المصدر: منتديات انفاس الحب

---

ks]g sjhv hgp.k ogt hgafhfd; > pgt ,sdl