السلام عليكم ورحمة الله وبركاته :239: وهالمره جداً حزينه ايام الجامعه سكنا فبنايه قريبه من الجامعه وكانت البنايه كبيره تحتوي على طوابق شاهقه وكلها زجاج وكانت غرفتي تطل
وكانت البنايه كبيره تحتوي على طوابق شاهقه وكلها زجاج
وكانت غرفتي تطل على الشارع الخلفي حيث ارى الداخل والخارج للبنايه وكانت هوايتي فوقت الفراغ
فيوم كنت فالغرفه اقرا كتاب ، وفجأه سمعت انفجار قوي ما قدرت وانا على السرير احدد نوعه ، فقمت وركضت للشباك او الحائط الزجاجي ،، شفت منظر
حتى فالافلام ما شفته
بوصفه لكم وصف دقيق
الشارع انارته خفيفه وهو عباره عن حارتين فقط ذهاب واياب
سياره متوقفه على طرف الشارع وفيها امراءه
فالشارع فتاه على الارض تتلوى واختها واقفه تصرخ بكل قوه تملكها وتمسك اختها وتهزها وترجع تصرخ من صراخها انا قمت اصرخ فمكاني وكنت اقول انقذوها انقذوها
كان الناس متجمعين حوالين الشارع وشكلهم مبلغين وينتظرون الاسعاف والشرطه وما كان وقتها وصل اي حد ... والبنت الصغيره تشد فأختها وتروح ترمي نفسها ع الناس
الغريب فالموضوع ما احد نزل من البنايه من اهل البنات
والبنات يعني اعطيهم ما بين العشر سنوات واكبر شوي
ومبين انهم كانوا يركضون وهم يقطعون الشارع واللي انصدمت مبين انها تسابق الثانيه والقدر طبعاً فوق كل توقع !..!
والاغرب من الغريب ان اللي عملت الحادث جالسه فسيارتها ولا كلفت نفسها تنزل الا يوم جاها واحد من اهلها او ما ادري من ''!؟
والبنت ما طولت شفت حركتها وقفت وكنت خايفه على الصغيره لانها من كثر الصراخ فقدت وعيها وجت الشرطه واسعافين للاولى والثانيه وخذوهم
وبقت الشرطه الجنائيه فقط للتحقيق
وللحين ما جا احد من اهل البنات شي غريب بصراحه
طبعاً خفنا ننزل الموقف ما يتحمل ابداً
بس كم مره اريد انزل واحضن البنت الصغيره واهديها واختي تقولي اهلها بيجون الحين وما عندنا احد ينزل معانا الشباب برا
بعد يومين سألنا الحارس قال الكبيره ماتت فوراً
والعزاء فالدور الفلاني واهلهم ما كانوا موجودين يلين وصلوا كان فات ساعه
وبعد اسبوعين قال الاخت الصغيره دخلت فغيبوبه وماتت
لا اله الا الله محمدٌ رسول الله
منظرها وصوت انفجار راسها وضلوعها تحت سيارة المجرمه مش ممكن انساه وكنت ما بقول عنها مجرمه لو انها كانت انسانه وراحت للبنات وشافت حالهم
وانتقلنا فوراً من لقينا سكن ثاني ما قدرت اتحمل المنظر
وكرهت الشارع وبقت علامة سحبها للبنت بعد ما قتلتها فالشارع
فكرهت المكان كله