أحبتي في الله
السلام عليكم ورحمة الله وبركاته
الله يمسيكم بالخير والستر والرضا والعافيه
أحبتي الكرام الشارد اليوم يدور من يناقره
والله مدري هي طبيعته ولا عاده مكتسبه اضن
أنها مكتسبه وش عندك اليوم ياقحم العفاريت
دونا نرى وش مخبي لنا من خرافاته ؟؟؟
الشارد : يالله اليوم على بابك ياكريم يالله ياواسع الفضل والعطاء لاتحرمنا من فضلك واكرمنا من كل ما تملك يامالك الملك وخالق كل شي خرجت اليوم وكعادتي قاصداً وادي شوقب الذي لي فيه مزرعه صغيره وقد جعلت بذورها هذي السنه شمام ولكوني احب الشمام أكثر محصولها في كرشتي هههههه المهم وانا في الطريق لاح لي بريق وصوت عذب ارهفت سمعي وأذا ببنات من أنفاس الحب يتشاورن لأنشاء مشروع تجاري خلونا نشوف الحوار ومنهن ابطاله ؟
غلا الشوق : تعالي ياصدى وانا اختك عندي لك مشروع ندخل فيه شراكه
في راس المال والربح والخساره واضن ما يلومنا أحد والله هو الرازق سبحانه
نريد نفتح مؤسسه لبيع الفواكه والخضار وراس المال يقدر بعشرين
الف ريال 20000 كل واحده منا تدفع عشره وننتظر ربما يدخل معنا شريك
بحصه وش رايك
صدى الشوق : الله عليك ياغلا كأنك في قلبي كنت افكر في هذا ولي ثلاث
ليالي احلم بمشروع تجاري في وادي شوقب لأن المياه فيه وافره والتربه خصبه
وجيده توكلنا على الله ياغلا هذي دراهمي والمه بس كأني سمعت المهاجره
تريد ان تدخل ولمحت لي لكنها تخاف من ابوها تاجر الشمام ولكن مايمنع
نعرض عليها المشروع
المهاجره : الله الله على ربات الحجال والقوارير عندما يفكرن في التجاره
والحلم بأن يكن من سيدات الأعمال انا معكن ومهما يترتب علي من حصه
انا جاهزه والبركه في ابوي أن عجزت هيا لنبدأ شفن شيخة الجنوب جايه
وحوكتها ترفرف اضنها تريد الأنظمام الى المشروع
شيخة الجنوب : وش السالفه انا شفتكن وجيت بغيت اتكسر وعباتي
تشلحت من الطلح والمرار في الطريق كله علشان الحق عليكن معي
كم قرش وابغي اخفيها في شي يدر علي ارباح انا معكن بس وش
المشروع الذي تفكرن فيه
غلا الشوق : مسويه هي المديره والمدبره يابنات المشروع زراعة الحبحب والتجاره فيه لأن الحبب هذي الأيام ياتي من الشمال والجنوب ومن اليمن وحتى من السليل ووادي فاطمه وهاهي المزرعه استاجرناها من الوافي وبإيجار رمزي على شرط أن نعطيه من المحصول أن كان حبحب وأن كان كوسه وفجل يابنات أخاف تزعل علينا رتيـــــل لأنها تحب المغامرات شوفها جايه خلونا نشوف وش عندها من علوم
رتيل : سلام يابنات وش اللي جمعكن في هذا الوادي اللي مافيه الا جدي
والشمام لايكون تبغون تنافسونه في تجارته أن كان هذا الهدف اروح له
وابلغه وسوف يكون خصم عنيد ومنافس شرس انا معكن أذا كان الهدف
غير منافس مرحبا بالطماطم والحبحب وحتى لو كان برشومي
صدى الشوق : ياغلا انا مستعده اجيب الحبحب طازه من شواطي
ضفار وصلاله بس المشكله الشحن ارسله لكن على سيارات ولا بالطائره
ولا على جمال مدري ناخذ راي الجميع ونبدأ في التنفيذ والله يوفق
الشارد : سمع كل شي وجلس يضحك هههههه وكمان ههههههه ربات الحجال اللي اغلبهن يخفن من الفراشه وكيف لو كان صرصار هذي مشكله اكبر يردن البدء في مشروع زراعي وأستثماري بحت وقد تناسوا أنهن بدون اخذ مشورة الشارد قد يفشلن وتضيع الدراهم اقول ياصبايا اشتروا من عندي شمام وترزقن الله باعطيكن برخيص ههههه وش رايكن اجيب لكن الدينا مليانه وكنت باوديه سوق المخواه هات دراهمكن بسرعه
غلا الشوق : لا والله وانا بنت ابوي مشروعنا سيقوم وسترى يابو شرده
الحبحب ومرفقاته ولا الشمام وماحوله نبغا منك شي واحد فقط أنك تأمن
لنا حارس أمين ونعطيه راتب وفي كل خميس ثلاث حبات حبحب ونكون
ممنونين لك يالشارد
الشارد : انا حذرتكن وقد سقط عني اللوم بدأ المشروع واصبحت تجارة الحبحب رائجه في وادي شوقب ماشاء الله (صبايا أنفاس وتجارة الحبحب) هذا الأسم التجاري في اللوحه الوافي ماشاء الله ربح في الإيجار وتمتع في الحبحب بلاش والكوسه بالزمبيل والفجل بالكيس والشارد يشتري بحقه وهو المستشار في وادي شوقب وضواحيه ههههههه
الخاتمه : الله يستر لاتخسر التجاره ويبدأ الصراع بين القوارير ونراها تتكسر وهي ما تستاهل اضن الموسم أوشك على نهايته والحبحب بيفسد لأن صدى ارسلت شحنه تقدر بمليون حبه منها الدور ومنها البيضاوي ولكن هذا حال التجاره ياينات طوال الشوارب راحوا فيها مدري ربما اكون واهم
مجرد مداعبه وليدة اللحظه
حصريه لأنفاس الحب
vfhj hgp[hg ,j[hvm hgpfpf hgofde hgpdhx
vfhj hgp[hg ,j[hvm hgpfpf hgofde hgpdhx vfhj ,j[hvm
إنتسابي ♡
ربات الحجال وتجارة الحبحب
العرض الشجري
