رواية تسوين روحي.... حصريه

الله يعطيك العافيه
سلمت يدينك وكلك ياعسل
مبدعه ربي يسعدك
بالتوفيق لك عقبال مانشوف روايات
بسمك ياجورية الامارات

مليون ورده
للجميع
وتوقعاتكم صح بس نوره مجنونه وبتجنن ناصر العاقل
انتظروا :ff1 (171):

رتوله
اي والله يصلح اسم
جورية الامارات
مره رسلت روايه ولا رجعت ولا رد خبر عنها
توبه ما ارسل

أخت ظبيه .... سأتحدث عن قصتك بأسلوب نقدي
وغالباً مايساء فهم كلمة نقدي بحيث يُفهم على أنها إنتقاد
وهذا خطأ لفظي ....
القصه لم تبدأ من خلال أول سطورها
بل تعليقك عليها قبل البدء في السرد
كان يضع بصمات القصة في أذهاننا
فمن حيث الفكره هي قصه إجتماعيه مستوحاة من الواقع
ويدور رحاها على الجانب الواقعي والعاطفي
وهذه أهم مزايا القصص الإجتماعية
هل أجدتي الحبكة القصصية .... نعم وإن كنت
متخوّف من كثرة سرد الشخصيات في أول القصه
لأنها تشتت ذهن القارئ (11 شخصيه) لكنك أجدتي في
بناء سهل لفهم الشخصيات وعلاقتهم ببعضهم
كنت أتمنى ألا تجعلي القارئ يسبقك في توقع أحداث القصه
لكنك أجدتي في تركيبة سياق القصه وتتابعها
أجدتي كثيراً في وصف الشخصيات والبيئة وطبيعة الوضع القائم
هذا الشيء يسهل على القارئ مشاهدة الأحداث في ذهنه
لن أطيل التعليق .... حتى لا تتملّلي من تعليقي
بدايه موفقه في القصه وسأكون متابعاً جيداً ومتشوقاً لها
تحيتي وتقديري لك سيدتي

:ff1 (73):
ثلاث وردات يا استاذي نبض المشاعر

نقدك هادف ولمصلحتي واتقبله بكل روح رياضيه مثل ما يقولون بالعامي
وبالفصحى بكل اريحية
بالعكس وجودك فالقصه يعني اني كبدايه نجحت فالوصول لكم

وترى اول مره او ثاني مره اكتب روايه الاولى راحت ولا رجعت ههه
وهذي الثانيه وعشان اكون صادقه وحده عندي فدفتر مذكراتي كانت اول مره اتعلم اكتب وانا فثانوي محتفظه فيها لنفسي

مرحبابك مليون وعدد حروفها يا هلا

أخت ظبيه ... سأخبرك سراً وجدته في روايتك
وسأنتظر نهاية الروايه لأخبرك بالسر
وهذا السر أنتي تدركينه
هناك ما يسمى يا سيدتي بـــ(البناء الفكري الأيديولوجي بين الراوي والروايه)
هذا التأثير ينبغي أن يتنبّه له الكاتب حتى لا يقرؤه الآخرون من خلال روايته

بإنتظار إكمال الروايه .... وتأكدي أن طريقة سردك للقصه
تجعلني مبتسماً ومتشوقاً لأحداثها
فهناك عفويه جميله جداً في طريقة سردك
أيضاً الأحداث تسوقها مشاعرك في صياغة حروفها

الفصل الثاني











فتح ناصر الباب ودخل بكل قوه لدرجة انه نسى البيبسي واهتز الكرتون الي حامل فيه الاكواب الورقيه وطاح منه واحد وانسكب طبعاً فالوقت اللي عينه شافت نوره وهي تطالع فيه وتصرخ اطلع براا
وتحاول تستر نفسها بكتب حصه مافي فايده ههههه تلاقت عيونها بعيون حمد .. والشاب مسكين يده فالبيبسي وهو يطير منه والا فمقبض الباب عشان يطلع والا عيونه اللي وقف نظرها على حصه وصوتها وهي تصرخ عليه اطلع برا ... اعمي انت ما تشوفنا نحن داخل ... قمة الاحراج بصراحه ..... وهي كلها ثواني ترى الولد استوعب الموقف وطلع برا
البيت فالحوش ... واستند ع الباب ومسك راسه وهو يقول يا الله انا شو سويت ليش يا حمد ما خبرتني ان اهلك رجعوا ... وجلس يلوم نفسه
المهم حمد سمع الاصوات ونزل من السياره طاير ... الا يشوف منظر نوره
وهي حاطه الكتاب مفتوح على راسها والثاني ع صدرها .. والبيبسي وصل لاخر الصاله ... هههههه والاكل ع الارض ... والحاله حاله ... انتوا شوووو وتسوون فالبيت هاه .. وين ناصر قام بس يسأل وما في اي اجابه من نوره
الصدمه باينه ع البنت ...
طلع حمد يدور ناصر شافه مستند على الجدار وماسك راسه ... وصل عنده .. السموحه منك ناصر انا ما ادري شو صار الي اعرفه ان ابوي واهلي كانوا مقررين يروحون المزرعه
وما شفت اي سياره يوم دخلنا ... وناصر مسكين ما عنده اي جواب تكفيه صدمتين الاولى منظره قدام البنت ،، والثانيه الموقف الي صار
تنهدت معه ههههه

دخل حمد ويشوف الشغاله بمعدات التنظيف والبنات اختفن ... نادى ع حمد اتفضل المجلس ( مكان استقبال الضيوف )~ وانا بروح وبرجع لك ورجع له بالملابس ودخل ناصر يغير ملابسه وطلع حمد فوق يشوف شى الموضوع ...

دخل على حصه وكانت لحالها قال لها وين نوره ؟ فخبرته انها فغرفتها معصبه ..

راح لها الغرفه بيعتذر منها
يوم دخل شافها متنرفزه ودموع فعيونها وخوف وكل مشاعرها باينه فوجهها ... جلس على طرف سريرها
ومسك ايدها .. الغاليه ممكن افهم
شو اللي صار وسامحيني انا السبب بس ما كنت اعرف انكم غيرتوا رايكم
ورحت فوق ما شفت احد .. فهميني بسرعه بروح للرجال برا مختبص ..
فقالت له عن اللي صار وانها تدري انه مالهم ذنب بس شي صار واستوى
فدقايق بس الموقف هزها وخوفها
واحرجها فنفس الوقت ... اعتذر لها مره ثانيه وطلع يشوف ناصر ما لقاه فنفس المكان اللي قاله يروح له وهو المجلس بس الملابس النظيفه والاكل مكانه .. يعني ناصر راح بيتهم اكيد انحرج
يا الله شو هالموقف البايخ اللي صار ...

اتصل فيه ما يرد .. بعد شوي رن تيلفونه الا هو ناصر يقوله ترى الامور
طيبه وانا ما حبيت احرجكم زياده فرحت بتكسي للبيت ومو بعيد ترى فأول الشارع ... وبكره ان شاء الله بنلتقي واعتذر لي من الاهل ما كان ودي باللي استوى ...


فبيت ناصر وبعد ما بدل ملابسه
راح لاخته ندى وقالها السالفه
وسألها عن نوره كيف صار شكلها
بعد ما كبرت قامت الحماره ورته صوره من حفلة ميلادها الاسبوع اللي فات ... عرفها على طول ههههه وبعدين هاوشها مش عيب توريني صور سريه ههههههه
سولف لها انه تكدر كيف صرخت عليه وكيف كان منظره يضحك ويبكي نفس الوقت .. وكيف كان الرعب فعيون حصه .. وشوي ترميه بالكتب وشوي تغطي فيهم نفسها هههههه
هذي هي الشريره الي كنت ألعب معاها ونحن صغار وما زال تذكارها فراسي يوم رمتني بالحجر وانا اتلصص عليكم وانتوا تسرقون البيض من بيت الدجاج فالمزرعه واروح اعلم خالتي مريم عنكم قامت ورمتني بالحجر لاني علمت عليها هههههه

ونلتقي فالفصل الثالث واحداث شيقه !!؟؟

اريد اشوف ردود فعلكم
كيف الروايه معاكم ؟؟!!

اكمل والا مليتوا

.




مكاني // 500 م // ت


تمت الإضافة

زواري خمسه ما شاء الله

حياكم الله


ايمان اقريها:ff1 (53):

.




يا عمري حسيت فيها تدرين ليش
كنت أبكمل سالفتي في الخاص
بس عاتي أقولها اهني
المهم بكمل لج وش حصل
اخس موقف لما اخذت دوش ولبست
وجيت منتعشة ابروح اشوف ابوي
ومعاي تسالي وشاي
ومالبست نظارتي وقتها
وافتح باب المجلس انا ووجهي مبتسمه
وأقول بدلع أنا جيت وجبت لك شي تحبه
وأشوف الكل ساكت ولا كلمة
عدت كلامي وهم يطالعوا
بعيون مصدومة وفي نفس الوقت
ودهم يصرخوا عليا قفلي الباب انعن شكلك
المهم وأحاول أستوعب وأدقق
لقيت صاحب أبوي جالس عالشمال
ما شفته وربي
مدري أصرخ ولا أبكي :ff1 (2-5):
إنحرجت أقوى شي وسكيت هالباب ورحت أجري
خفت كتير من ردة فعلهم والله
بس كله تمام لأن واضح إني مو قاصدة :ff1 (53):


كملي ظبية لبى قليبك أبعرف وش حصل