ولا تحزن إذا ماغنت الدنيا على ليلاك
تبسم وانتظر ليلاك هي إلي تغني لك
ولا تحزن على حزة مغيب الشمس عن دنياك
تغيب وعذرها تاخذ صباح الغير من ليلك
ولا تحزن على ارضك إذا صار الوطن منفاك
تمسك بآخر ترابه الين ترابه يشيلك
ولا تحزن إذا صرت الغريب بطبعك ومبداك
ما دام الحلم حلمك لازم التأويل تأويلك
ولاتحزن أذا ما فيه غير الذنب شي ابكاك
دموع لغير وجه الله ما تسوى مناديلك
ولا تحزن إذا ما باقي الا يديك في مخباك
نصيبٍ كاتبه ربي يجي لك غصب بيجي لك
ولا تحزن لو اصحابك ورا ظهرك تصير عداك
ورا ظهرك بتلقى ناس تفرح لك وتدعي لك
ولا تحزن على إللي مانسيت إنه قدر ينساك
تأكد من يضحي فيك لا يمكن يضحي لك
ولا تحزن على عثرات عمرك جعلها تفداك
تشوف المقبل اجمل كل ما توقف على حيلك
ولا تحزن إذا ما انصفوك الناس في محياك
تموت ويسرفون الناس في مدحك وتبجيلك
https://youtu.be/qWRYSYuPipE