السلام عليكم ورحمة الله وبركاته
كيفكم
شو عاملين
المهم اليوم اقدم لكم
دعوه للمشاعر
عباره عن سؤال من خلال بيت شعر
والجواب منكم اجابه عاديه سؤال وجواب بعد ما تقرون البيت وتفهمون السؤال
يلا نبدأ
ولآنـي بندمان على كل ما فاتَ
أخذت من حلو الزمان و رديّـه
هذي حياتي عشتها كيف ماجات
أخذ من أيامي وأرد العطّيــه ..
متى تحس انك قلته؟
الناس لو تسلم من القيل والقال
تبقى الخواطــــر والنوايا نظيفه !
رأيك؟!!
المعارف فالعمر حظ ونصيب
والأسف بعد الخطا من يصرفه
مايجيك الجرح من واحد غريب
مايجيك الاّ من الّي تعرفه
كلامه هل حرك مشاعرك لشي فحياتك؟!!
ماني بحب الموادع لاتودعني
رح فجأه.. أو قول برجع لوّ ماترجع
لارحت .. افكّر متى الله فيك يجمعني
والفكره هذي ترى بلحالها .. توجع
حكايتك مع الوداع ..!
خذيت من عمر القساوة لين
وارخصت دمعاتي لـ غاليها
بسّ انّي آعايد على المقفين ؟
هذي اللي لا يمكن أسوّيها !
هل تسامحهم احياناً بل وتبدأ بالكلام ..!؟
ما عشقت اللي مخلّيني حبيبه
كيف عاد اللي يحبّ انسان غيري ؟
هل حدث واحببت من طرف واحد ؟!
بعدك بديت استعذب الوزن والقاف
ويشدّني صوت الندم .. كلّ ما هبّ !
هل ندمت على بعض الاشياء?!!
كل حاجه فـ الزمن مع الزمن تتحول
ليتنـا لو نبتـدي الحاجات .. من آخرها
مشكلتنا دايماً .. فـ الإنطبـاع الأول
ننشغل في مظهر الاشياء عن جوهرها
هل المظاهر طريق للحب ،.!؟
تدور الأرض و تطول المسافه
متى هالأرض تآخذني لبيتك
:
(مصير الحي يتلاقى) خُرافه
انا للحين حي .. و ما لقيتك !
معقول في ناس للحين توقف عند بيت من تحب من اجل نظره ،.!؟
اعرف مزاجك كل ماصرت زعلان
من اختيارك : للصور و الأغاني
الاغاني والصور والاماكن هل هي ادوات للقلب من اجل الذكرى
وايها اقرب إليك ...!!؟
انا وقطرات الندى والورد
جينـا نْرتـب للشتـا .. بيته
من كثر ما فيني وَلَه للبرد
لو إن عنده حضن ضميته (:
الشتا والبر والبرد
هل تحرك فيك مشاعر قديمه ناسيها ..!؟
وكم من صَديقٍ لَم يكنْ ذا قرابةٍ
ولكنهُ في القلبِ دوماً من الأهلِ
هل وجدتهم هنا ؟ ممكن تقول لنا من هم!!!!
ما يقدّر قيمه العافيه الا المريض
وما يقدّر قيمه الغالي الا فاقده
من يستحق ان يكون مكان الغالي فالبيت الشعري من الاعضاء ..!!؟؟
من الغلا : إن غاب عنك تحاتيه
ومن الوفا : أنك تقدّر ظروفه
البنت تقول اسم عضو يستحق هذا البيت وممكن اكثر
والعضو يقول اسم بنت من المنتدى
الغلا والشوق ما نخفي شعوره
خص لا صار الوله فالقلب واضح
كيف تترجم احاسيسك للمحبوب..!!؟
مابي من الدنيا شي بس ابي قلب
لاضاقت فيني الدنيا مايخليني ؟
هل وصلت لهذي المرحله ؟؟
اهديكم في نهاية الموضوع هذي الابيات
بعض البشر للذوووق رمز وعلامه
وعلى احترامه تنجبر كل الأرواح
وفي غيبته فز الحنين لكــــــلامه
ولا أقبل عليك الهم يقفي وينزاح
مع خالص الود
كانت الابيات من اختياري وصح لسان كل شاعر قالها
إنتسابي ♡
هنا دعوه عامه لمشاعركم
العرض الشجري
