إمـِآ حضُـوْرٍ فيـِهٌ كْلٌ التمَيـزْ وُلآ بـَلاشْ مِنْ البدآْيهـٌ حُضُورْيٌ

كح كح كح
و المطر بعد داخل مدونتي
نسيت اقفل الشبابيك

زمان عنكم ي وحشين
و ادري فيكم بعد فاقديني على كيفك

صباحكم سمبوسه و بسبوسه و تانج< ي ولد العرب صايمين
كيفكم و كيف رمضان معاكم!؟
الله يتقبل منا و منكم ..
الصيام و القيام و الدعاء و صالح الاعمال ..
و كتب لنا و لكم قيام ليلة القدر و لا يحرمنا أجرها ..

و ترى ما غبت كذا ..
ايوه دحنا ما بنغبش اونطه

كنت جالس افكر لكم بفعاليات و عيديات
و عسى ما تصير ظروف خارجه عن إرادتي مثل كل مره> مار علينا ذا الحكي و عارفين وش وراه

لا لا عاد خلكم متفائلين
و يعني مثلا مثلا لا صار شي..
اعوضكم بعيد الاضحى > و ذي بعد انقزها عارفينها

لا كذا انتم مستقعدين لي ..
لا تخلوني ابطل و الغي كل شي < هذا اللي تبيه

و قبل ما امشي ..
خلوني اعطيكم ذا السالفه السريعه ..
امس بالمسجد و انا طالع ..
كنت بأخذ لي علبة مويه ..
المهم الا الكرتون ملصق عليه ورقه مطبوعه :

و الملفت بالورقة :
ان اللي جابت المويه..
ما طلبت الدعاء لنفسها..
لكنها تطلب الدعاء لصديقتها ..
جميل هذا الوفاء و نادر بعد بهذه الايام ..



يلا فوتكم بعافيه ..
يا من لا تكتمل بهجة هذا المكان الا بكم //

هَدبْ مُخمَلِيّ ,AL7AN ,كيرآز ,فوندا ,همس الروح ,قَـلـبْ ,احمد ,_ ريِمآ . ,ترف معجبون بهذا

'
،

شموخ انسان : ذكرى قديمه..
‏لها حنين و شوق : يجددها//
‏الله يا تفاصيل :....شبه ديمه..
‏ما تنتهي و شعوري مخلدها//
يا عشق قلبي نبضه و نديمه..
يا و يا و يا مزايا اتعب أعددها//
يا طهر..يا بياض النوايا السليمه..
ليت بيدي!!أوقاتي قربك امددها//

،
'

هَدبْ مُخمَلِيّ ,AL7AN ,كيرآز ,فوندا ,_ ريِمآ . ,همس الروح ,قَـلـبْ ,احمد ,ترف معجبون بهذا

،
'


،

'


،
،

،

ابد ما في شي بس أبيكم تجون


و الحين اقولكم
تصبحون على خيرات و سمبوسات

'
،

هَدبْ مُخمَلِيّ ,AL7AN ,كيرآز ,فوندا ,قَـلـبْ ,_ ريِمآ . ,همس الروح ,ترف معجبون بهذا

صباح الفول بالسمن و التميس
و الشاهي المنعنش < ما قصده يجوعكم

كيف الحلوين < وش فيكم ما احد رد
الا الا سمعتكم كلكم رديتوا بسم الله عليكم

قبل كم يوم مريت الخياط اللي دايم اخيط عنده < و احد قال انك تأكل عنده
المهم من دخلت و اسلم و اعطيه ابتسامه
و بادلني الابتسامه

عاد كان في عنده زباين
و اسمع الاعتذرات و انه ما عاد يمديه يستقبل اي طلب
و طلعوا الزباين
و اعطيه ذيك النظره الحزينه < يقال اني بأثر عليه *~*

تعال تعال لكن دون وعد استلام قبل العيد

طيب و انا الحين كيف اعيد بثوب
شافوه الناس < ما اقصد شي بالفيس ترى هههههههه

كل مره اقول خلاص ذا السنه بفصل بدري
لكن ما من جديد

الا ع طاري الابتسامه خلوني اعلمكم ذا السالفه
< و الهذره اللي فوق وش كانت

المهم < مسولف مسولف الله لا يعوق بشر

نزلت السوق بأخذ لي غرض
و يوم دخلت المحل اللي ابيه
اول ما دخلت ابتسمت و سلمت
و جاني الموظف و رد السلام و الابتسامه< ركزوا بالابتسامه ترى كل السالفه عليها

و حسيت في شي غريب
قال تصدق اني نسيت متى اخر مره دخل علي زبون يبتسم

عاد و انا اصرف له ابتسامه ثانيه
و اروح اخذ الغرض اللي ابيه
و يوم جيت احاسب و قالي السعر
انا عاد اللي استغربت هنا
لان اعطاني سعر مخفض بالمره
اقرب انه يكون سعر رمزي < متعوب على ذا الكلمه
و قلت له مو معقوله ذا السعر
احس ان السعر في خساره لك
قال ابد ما في اي خساره يكفي الابتسامه اللي دخلت المحل فيها
< ادري ودك تعرفون الغرض اللي اشتريت
لكن خلكم لن اشبع فضولكم

عاد من بعدها صرت قبل انزل اي محل
من السياره اكون مبتسم
و مرات تزبط و مرات تزحلطن

و انتم عاد اعتمدوا الابتسامه
لكن ما ادري عندكم زي ابتسامتي الساحره و الا من جنبها و تراها تبيعي< يعني طبيعي لا هوليود و لا شي هههههههههههههه

و اللي يدخل مدونتي و هو مو مبتسم راح اصكه بلوك < مدونه ي ابو الشباب ما هي سناب و الا تويتر ^~^

و بجد عاد
وش بيخسر الواحد لو ابتسم حتى انه بيكسب اجر
يعني و بشي بسيط و اعتبره تمرين لعضلات الوجه و تخسر سعرات و تكسب فوق الاجر تخفيضات

و صباحكم ابتسامه ترتسم على كل اوقاتكم < تعويض عن التصبيحه اللي جوعتكم فوق

أشواق ,هَدبْ مُخمَلِيّ ,AL7AN ,كيرآز ,فوندا ,قَـلـبْ ,ترف ,_ ريِمآ . معجبون بهذا

'
،

بكره عيد!!....فرحانه به تبشريني..
وش الجديد!؟
.....……دامك معي كل الايام عيد//
احبك:.......تقولينها بها تعايديني..
أجاوبك : احبك و لها اعيد و اعيد//
وش اقول!؟يا اجمل عطايا سنيني..
كل تفاصيلك:بها الزين يزيد و يزيد//
من عرفتك: الفرح بأحضانه محتويني..
يا حضور يخلي كل شي وصفه سعيد//
قولي آمين:
عساني ما أفقدك و لا بعد تفقديني..
خطوات عشقي عن درب عشقك ما تحيد//

'
،

هَدبْ مُخمَلِيّ ,AL7AN ,كيرآز ,فوندا ,قَـلـبْ ,ترف ,_ ريِمآ . ,احمد معجبون بهذا

< خلونا نسوي مستحين من بعض جو العيد و كيذا يعني



< جالس افكر وش العيديات اللي اقدمها و تليق بكم


< وينكم من اليوم انادي بس شكلكم افطرتوا و دختوا


< النداء الاخير و اكون سويت اللي علي و بأخذ عيدياتي و فوتكم بعافيه

لكل من يمر من هنا :
كل عام و الخير بدربك ..
كل عام و الصحه و العافيه يهبها لك ربك ..
كل عام و عيدك مكتمل :
بوجود من تحب و حبك ..

اسأل الله ان يجعلنا و اياكم ..
ممن صام الشهر و قامه على احسن وجه..
و ان كما يسر لنا صيام رمضان..
ان يتقبله منا و يجعلنا من المقبولين الفائزين ..

و ينعاد عليكم العيد و انتم باحسن صحه و حال

هَدبْ مُخمَلِيّ ,AL7AN ,كيرآز ,فوندا ,_ ريِمآ . ,قَـلـبْ ,ترف معجبون بهذا

،
'

زاهيه!!
حتى بدون الوان:
ملامحها ب الزين باهيه//
ساهيه!!
فيك العيون :
تشوفك !!
ما تنساك بذاكرتها باقيه//
وافيه!!
تفاصيل بالجمال راهيه //
طاغيه!!
فيك الانوثه :
يا دلع ..يا اناقه ..يا رااااقيه //
دافيه !!
فيك الحنان :
قربك كل الأوجاع متعافيه//
كافيه!!
للرضا:
ما يوصفك قصيد و قافيه//
متباهيه!!
فيك المشاعر :
الحنايا لك و لغيرك جافيه//

'
،

هَدبْ مُخمَلِيّ ,AL7AN ,كيرآز ,فوندا ,ترف ,_ ريِمآ . ,قَـلـبْ معجبون بهذا

'
،

جمال و في طلتها ذوق و فخامه..
بقدومها هنا الزين يعلن حضوره..
ملامح من شافها ما تمر بأحلامه..
ما تنسي ما هو وجه يكمل عبوره..
تسولف : منطوقها تصمت امامه..
تضحك: الفرح بالمكان يشع نوره..
المعاني:عاجزه أبد ما عليها ملامه..
كيف!؟ توصفها و تختزلها بصوره..

'
،

هَدبْ مُخمَلِيّ ,AL7AN ,كيرآز ,فوندا ,ترف ,_ ريِمآ . معجبون بهذا

'
،

طيب احبك !!
كذا دايم:
تقطع السالفه !؟
أنا ما احبك !!
تناظر و عيونها بالدمع غارقه..
ليه!؟
ما يحتاج دون شي اعصابي تالفه//
لاني ما احبك :
بك اموووت ياللي عن الكل فارقه..
تضحكككك..
ايوه!!
كمل وش كنا نقول:
…..يا ضحكه مع الطرب متوالفه//
للضيق.. للهموم .. لاحزاني حارقه..

'
،

هَدبْ مُخمَلِيّ ,AL7AN ,كيرآز ,فوندا ,ترف ,_ ريِمآ . معجبون بهذا

'
،


تدرين !؟
قلبي اذا لك اشتاق وش يقول !؟
يالشاااامخ:
مشينا نشوف اجمل شي بالحياه!!
لعِلمك :
ترى مثلها بالعمر بس مره تنول !؟
تعيشها :
حب و شعور به لذة العشق و بهاه!!
ورودها بين الحنايا ما يجيها ذبول !؟
طُهر.. قلب : مثل الماء عذوبه و نقاه!!
يالشاااامخ:
بطلته..حضوره ربيع تصير كل الفصول!؟
ماله خشير له حبي من بدايته لمنتهاه!!

'
،

هَدبْ مُخمَلِيّ ,AL7AN ,كيرآز ,ترف ,_ ريِمآ . معجبون بهذا