جت تبي تلعب علي مبرقعه **** واقفه بين الحقيقه والخيال
جت بلطف وذوق جت مدلعه **** قالت أسمح لي عزيزي بها السؤال
خفت أنا لا أنولد في الزوبعه **** خاف أقول يمين والحلوه شمال
وتنزعج مني وتمشي مودعه **** وتبتعد هذيك وتشد الرحال
طالعتني بالعيون الموجعه **** قالت أبدئ قلت أبدي بالمقال
قالت أنتا أي نادي تشجعه **** قلت نادي النصر واحب الهلال
أي نادي تشجعين باشجعه **** واعشق الي تعشقينه ياخيال
قالت أي فنان ترغب تسمعه **** قلت أبو نوره وميت في طلال
أبي مطرب تسمعينه باسمعه **** باستمع لأحلام واقدر نوال
قالت أسمع كم نص الأربعه **** قلت مادري صعب بالحيل ومحال
أي رقم تطرحينه باجمعه **** والنتيجه حلم يابنت الحلال
قالت أصلك قول وشهو مرجعه **** قلت أنا جنوبي ومن أهل الشمال
ولي نسب شرقي أبوي موقعه **** وفي الغروب أذكر أنه سابق أحلال
قالت تحب الربيع بمطلعه **** أو هوايتك الخريف الي يقال
قلت أنا أهوى الفصول الأربعه **** كلها عندي سوى في كل حال
ماخذت مني إجابه مقنعه **** واستدارة كنها بدر الكمال
قالت أنتا كل هرجك معمعه **** دخت أنا وياك ياولد الحلال
****************
دقة نغمة رساله وقلت يالله عسى خير,,,,,,,وانا ثلاث ايام محدن ذكرني
فتحتها بلهفه من الفرح بطير,,,,,,,,,,واقول ياحظي من اللي افتكرني
اثره الجوال يرسل فواتير,,,,,,,,,,,هو الوحيد اللي ابد ماهجرني