16-06-2020
|
|
سواح طلباتك أوامر
بسم الله الرحمن الرحيم
السلام عليكم ورحمة الله وبركاته
اسعد الله اوقاتكم بالخير والمسرات
بناءً على طلب الأخ سواح
كتبت هذه الابيات على عجاله
اتمنى انها تجملني معه
وتنال على اعجابكم
يا صاحبــي سوااح نعـم الاصاحيب
آمـــــر تدلل وانـــــت بالحيـــــل غالي
وابشــر بعزك واعتمـد والمطاليب
نفذتهـــا حســب الطلــب بالعجالي
وكتبتهــا بابيــات شعـــــري بترتيب
واسمـــك كتبتـــه بالبيـوت الجزالي
سواح ياراع الوفــاء كاسب الطيب
راعــــي وفــــاء واخلاص يا هملالي
مـا فيـــك يـاســـوااح ذارب ولا عيب
والطيب قسمك من قديم الليالي
وعند الرجـــال مكمليــــن المواجيب
لك هيبـــــه ومقـدار والراس عالي
وان جيــــت كــــلٍ قــابلك بالتراحيب
وكيــــــف النشاما مجهــزٍ بالدلالي
تستاهله من غيـــــر شـــكٍ ولا ريب
قول وفعــــل والعلم مابــه جدالي
وهــــذي بيوتـــــي بالنيابه مناديب
تنــــــوب عنـــــي بالوفــاء والكمالي
وابيــات شعـــري تاصلك بالمكاتيب
لأنـــك كفــــو فـــــي لازمك مانبالي
واقبـــــــل تحياتــــي ولا يلحقك ريب
وآمـــــــر تدلل وانــــــت بالحيل غالي
سااري الليل
s,hp 'gfhj; H,hlv s,hn
s,hp 'gfhj; H,hlv s,hn
|