أجمل الأمثال الشعبية الجزائرية

أجمل الأمثال الشعبية الجزائرية
قلل ناسك يرتاح راسك.
زواج ليلة تدبيره عام.
شوي من الحنة وشوي من رطابة اليدين.
دار النساء والقصعة يابسة.
دير الخير وانساه ودير الشر واتفكره.
شاقي ولا محتاج.
فيق يا بريق النار راه لحقاتك.
خرج من الحبس طاح في بابه.
اللي يحبني ما بنا لي قصر واللي يكرهني ما بنا لي قبر.
الصيف قاطو و الشتا بوقاطو. (في الصيف حلويات و في الشتاء المحامي): يضرب هذا المثل عندما لا تلبث العروس في بيت زوجها إلا قليلا.
الفم المغلوق ما تدخله ذبانة.
يد وحدة ما تصفق.
مول التاج ويحتاج.
احييني اليوم واقتلني غدوة.
فارح وحزين الى يوم الدين.
حاجة ما تدوم كي مشات الضحكة تمشي الهموم.
اقلع راس تزول الخصومة.
اللي يحبني نديرو فوق راسي تاج واللي يكرهني لسباطي نديرو سيراج.
الزواج بحرو أزرق الي يدخلو يغرق والي ما وصلو يحمق.
أولاد الكلبة كلهم كلاب.
تخطي راسي وتفوت.
يا قاتل الروح وين تروح.
إذا قتلت اللفعة (الأفعى) أقطع لها رأسها.
الجيعان لا تغني له والعطشان لا تصفر له.
خاف من جيعان ايدا شبع.. وما تخافش من شبعان ادا جاع.
الجرب حكاك والخائن شكاك.
يدور عليك الزمان يا ناكر خيري وتعرف قدري كي تعاشر غيري.

طول العشرة تعرف الذهب من القشرة.
القط يعلم ابوه النط.
ما يبقى في الواد غير حجاره.
كول ألي يعجبك والبس ألي يعجب الناس.
الاحسان يقطع اللسان.
بيت الرجال افضل من بيت المال.
وطني وطني ولا مباتي في القطني.
صاحبك هو جيبك.
البصلة عمرها ما تولي تفاحة والرخيص لا تبان فيه ملاحة وناس هذا الزمان ما تفيد معاهم غير القباحة.
اذا تفاهمت لعجوز والكنة يدخل بليس للجنة.
بات مع الدجاج، أصبح ايقاقي.
يا مسك أنا ما نحبك بصح (ولكن) ميت من همك.
مول الفول يقول طياب.
الي ما يحسن لنفسه ما يحسن لغيره.
اللي دار دايره ما دراش واللي دار زوج ما خلاش.
الي ما عندو زهر يتعزى فيه.
لي يتبع الاولاد داه الواد.
آتاي العشية خير من بقرة مشوية.
قلب البرمة على فمها تخرج الطفلة لأمها.
الجمل يضحك من حدبة خوه ونسى حدبته.
ما يحس بالجمرة غير الي عافس عليها.
الي فات زمانه ما يطمع في زمان الناس.
أحسن بامرأتك تأخذ مراة جارك.
الي ماهوا في القلب ينساوه العينين.
الحاجة التي لا تهمك وصي عليها زوج امك.
هو في الموت وعينيه في الحوت.
ما نقطع واد حتى تبان حجاره وما نمشي في الليل حتى يطلع نهاره وما نصاحب الصديق حتى نسمع خباره.
غلبو وقتو دار على مرتو.
الخنفوس في عين أمه غزال.
يدير من الحبة قبة.
وين يبان خيطك في البردعة.
جريدة تقليه.
ما تعايرني ما نعايرك الهم طايلني وطايلك.
حب واري و اكره وداري.
الذهت يغير المذهب.
ناكل الخبز البايت والا اسفنج الشمايت.
لعشرى لي هانت يا ليتها ما كانت.
المندبة كبيرة والميت فار.
ياكل الغلة ويسب الملة.
من عندي ومن عندك تنطبع وإلا غير من عندي تنقطع.
جواب الأحمق السكوت.
الحب في القلوب والزواج مكتوب.
فرحت الحزينة خربت المدينة.
لي فيه طبة ما تتخبه.
ما نبيعوش اللي يشرينا وما نكرهوش اللي يبغينا وما نغدروش اللي يثيق فينا الحمد لله هكا تربينا.
الخلطة تجيب لهوال تخليك ما تفرق بين الحرام والحلال.
ولد الفار حفار.
اللي يديه في الماء مشي كيما اللي يديه في النار.
واش يدير الميت في يد غسالو.
ما يصعب الحق إلا على الأحمق.
يالمزوق من برا واش حالك من الداخل.
نيتك مطيتك.
انا نوصيك يا سعيد وانت في العمى تزيد.
حاجة ما تدوم كي مشات الضحكة تمشي الهموم.
لما كان عايش شوقوه في تمرة، ولما مات علقوا له عرجون.
ما خص الذيب غير النديب وما خص الاعمى غير الكحل.
يستاهل زوار مرته.
الي في كرشه التبن يخاف من النار.
خياط وحوايجو مقطعين.
في وجهك مرايا وفي ضهرك مقص.
راح الزمان بناسه وجاء ها الزمان بفاسه وكل من تكلم بالحق كسر لو راسه.
في النهار تطوف وفي الليل تنسج الصوف.
اللي فاتك بالزين فوتو بالنظافة واللي فاتك بالفهامة فوتو بالظرافة.
صام صام وافطر على بصلة.
كالديك، يعرف كل الأوقات وما يصليش.
اللي ذاق البنة ما يتنهنى.
كي تتعمر الكرش تقول للراس غني.
مول الخير، الخير دواه.
انا واخويا علي بن عمي وانا وابن عمي علي البراني.
لولاك يا كمي ما اكلت يا فمي.
هم العرس ولاهم الضرس.
الي يلعب مع والديه بكى.
كل تأخيره فيها خيرة.
الذيب كي شاف العنقود بعيد قال حامض.
الضيق في القلوب.
الي فايتك بليلة فايتك بحيلة.
الي يزرع الريح يحصد غبارو وما يبقى فالواد غير حجارو.
اللي خدم ارتاح واللي قعد جاح واللي اتكي بغير الله طاح.
دواء ما لا تشتهي النفوس تعجيل الفراق.
اتهلاي يا عصاتي على كساتي.
ما يتعمروا الأبراق إلا من فم القلل.
كي شاب علقولو حجاب!
القط كي ما تطيرلوش الشحمة يقول مخنزة.
الضيف ضيف ولو يقعد الشتاء والصيف.
كثير لصحاب يقعد بلا صاحب.
كي رقد وفاق لقى روحو في الزقاق.
اللي ربح يربح الصباح العشية ضيقة.
لا اصل شريف ولا وجه ظريف.
بيضة اليوم ولا دجاجة غدوة.
اقصد البيت الكبيرة إذا ما تعشيت تبات للدفا.
حتى يزيد وانسموه سعيد ويقال بو زيد.
راح البعير وما ترك غير بعره.
خفيف الاقدام يتعاف ولو كان وجهه مرايا.
الي عنده غول شا يقول.
الحجرة من عند الحبيب تفاحة.
اذا انت جمرة انا ما نطفيك واذا انت مر انا عسل نحيلك.
لا عاش العار ولا بنو له الدار.
خوذ راي اللي يبكيك ويبكي معاك وما تخذش راي اللي يضحكك ويضحك عليك.
الرجال تعرف الرجال والخيل تعرف فرسانها.
الهدرة والمغزل. (أي تكلم ولا تتوقف عن العمل).
حتى يشيب الغراب.
أخدم باطل ولا تقعد عاطل.
مازال مادخلناش قبرك يا عزرائيل.
خلطا بلطا والجرب يعدي.
طاح الكاس والحب خلاص.
أخدم باطل ولا تقعد عاطل.
لي حسدنا عمرو ما يوصلنا ولي عشرنا ديما متفكرنا زين والعباقة خلينها ليكم عندنا العقلية صعيبة عليكم.
الحرمة سيف كلخ، تضرب بيه يتكسر.
حتى ينور الملح.
عين تعس على القط والأخرى تقلي في السردين.
شحال من قبة تنزار ومولاها في النار.
شوية من الحنة وشوية من رطوبة اليدين.
في أخر سنبلة قطع صبعو.
اللي عملتو فالرجال استناه واللي عملتو فالنساء ماتنساه.
الزعاف يخرج السر.
نمشي نمشي واذا عيت نرتاح والمكتوب عليا يجي ولو كان نطير بالا اجناح.
من هاب الرجال هابوه.
دوام الحال من المحال.
الي قراه الديب حافظوا السلوقي.
الي ما هو ليك غير يعييك.
الي ربطها بيديه يفكها بسنيه.
عجوزة وحكمت سراق.
اللي هارب منك ما تجري من وراه.
الفم المزموم ما يدخله الذبان.
المذبوحة تضحك على المسلوخة والمقطعة شابعة ضحك.
اللي باعك بالفول بيعه بالقشور.
ليت الشباب يعود يوما لأخبره ماذا فعل بي المشيب.
الي قرساتو اللفعى من الحبل يخاف.
حماري ولا عود الناس.
راح لبلاد النساء جاب عجوز.
الحمار حماري و راكب من لور.
الفم ماضي والجهد فاضي.
الجار قبل الدار.
ناس بكري قالوا ابكي يا قلبي علي ماتوا وما تبكيش علي فارقك في حياتو.
لا ترفع شأن من لا شأن له، ولا تعطي حرمة للرعيان.
سبق الميم تنجى.
لا يعجبك نوار الدفلة في الواد داير ضلاليل ولا يعجبك زين الطفلة حتى تشوف الفعايل.
حج وشرب من زمزم وجاء للبلاء متحزم.
البعرة تبع ختها لو كان في البحر.
في عشنا و ينشنا.
في الشقا انا واختي الغالية وفي الماكلة يتلموا ثمانية.
كم من قبة تنزار ومولاها في النار.
أولاد اليوم غير الهدرة والقمقوم والطولة فاتت السلوم.
اللي يشكروه مية ما يذموه اثنين.
المكسي برزق الناس عريان.
الخدمة مع النصارى ولا القعاد خسارة / المعاونة ولو مع النصارى ولا القعاد خسارة. (أن تعمل ولو مع النصارى خير من البطالة)
ازرع ينبت.
قول لي أشكون صاحبك نقولك أشكون انت.
الهدرة الخاوية ترجع الجبال سهول ولا الصحرا حقول.
اللي حضر على بوه سمع ماقال جدو.
عام يكثر التبن يكثر اللبن.
جاكاري ولا مول الدار.
الله يجعل خويا سبع (أسد) وأنا كعالته (الكعالة: الذيل).
البلاء اذ جاك من جناحك قصو.
جاء يسعى، ضيع تسعة.
يفنى مال الجدين وتبقى حرفة اليدين.
كل جنس يهوى جنسه.
فلان كلا خبزته عجين.
حاجة ما تدوم كي مشات الضحكة تمشي الهموم.
الكبش ينباع بجزته.
تمشي ناس وتجي ناس وتقعد رضاية الوالدين تاج فوق الراس.
خوك خوك لا يغرك صاحبك.
لسانك إذا صنته صانك واذا خنته خانك.
هرب من قاطعي اليدين، طاح في قاطعي الريسان.
فوت على الواد الهايج وما تفوتش على الواد الساكت.
تحسب الجنة فندق.
كلمة الصباح الا تبدلت لعشية، ترد المسلمة يهودية.
لا يعجبك نوار الدفلة في الواد داير ضلاليل ولا يعجبك زين الطفلة حتى تشوف الفعايل.
قد ما تكبر العين الحاجب فوقها.
اللي تربات على يدين الرجال ما يغرها لا زين ولا مال.
اللي حب يروح بابنا مفتوح ما راح نموتوا على جالو ما تطلع الروح.
الماكلة بلا ما (ماء) من قلة الفهامة.
جاء يكحلها اعماها.
دير كي جارك ولا بدل باب دارك.
تحسب الجزائر قربي (كوخ).
يسول على الفولة ومن غرسها.
الجرح يبرا ويصير ملموم وكلام العار في القلب يبقا مرسوم.
ما ناكل البصل ما نحصل.
ما تخافش من عدوك خاف من يلي قالوا يحبوك وهوما يلقاو فيك الضربة ما يرحموك.
شكون اللي سامع بيك يا حريرة نهار العيد.
انا نحفرلو في قبر امه وهو هاربلي بالفاس.
من لحيته وبخر له.
العبد في التفكير والرب في التدبير.
الإحتياج يعلم السرقة.
لبنادم عمره ما يتهنى والزمان دايم يمشي ما يستنى.
الطير الحر كي يطيح ما يتخبطش.
يأكل من الشجرة ويقطع عروقها.
الحياء والحشمة دارو الجناوح وطارو الجار دعا جارو وحتى من الفار تلف على غارو.
ترخصي يا الزرقاء (في إشارة للفرس) ويركبوك بني عداس.
العود الي تحقره يعميك.
دعوة بلا ذنوب في رأس مولاها تذوب.
الي يحب أشباح ما يقول آح.
البرد يعلم سرقة الفحم.
شحال من عمايم فوق رؤوس البهايم.
ما تخافش البحر اذا تهول خاف الجبري اذا تحلب.
واش من مرقة حرقت شواربك.
العين صعيبة تقتل الكسيبة وتخوي الزريبة الله لا يسلطها على شيء حبيب او حبيبة.

المصدر: منتديات انفاس الحب

---

H[lg hgHlehg hgaufdm hg[.hzvdm N[lg

المصدر: منتديات انفاس الحب

---

H[lg hgHlehg hgaufdm hg[.hzvdm N[lg hgHlehg hg[.hzvdm hgaufdm

انتقاء مميز ,,

تسلم الايادي

الله يسلمك من كل شر

سلمت يداك على الطرح الطيب
لاعدمنـآ هذا التميز
يعطيكـ ربي العآفيهـ
بـ إنتظارجديدك بكل شوق
ودي ووردي

يسلمو على هذا التواجد الرائع

تسلم ايدك ع الطرح

يعتيك العافية

يسلمو على هذا التواجد الرائع

الشكر ع الموضوع الممتع القيّم
جزاك ربي الخير
أرق التحايا وباقة ورد

يسلمو على هذا التواجد الرائع

كالعادة ابداع رائع
وطرح يستحق المتابعة
شكراً لك
بانتظار الجديد القادم
دمت بكل خير