♡♧موضوع مليون بيت شعر♧♡

ودي أضمك ثم أضمك وأضمك

مشتاق لك والشوق بيح كنيني

أذوب أنا ب عطرك وعينك وجسمك

حدد فديتك ي أجيك أو تجيني

لك في خفوقي ألف مرسى للإبحار
شد الشراع وشيل مرسى السفينه

أبحر عساك تكون للروح بحار
أمواج قلبي في يمينك رهين

يا وليف الروح قلبي ما نساك
والله إن قلبي بحبك ما سلا

إنت عارف وش محبتك وغلاك
في خفوقي ثابت حب وغلا

شفت الأصابع كيف ضمت بعضها
وتشابكت ود و غلا روح و إحساس

وإلا الدفا اللي بين كفين يدها
تفسير للي داخلي لك من إحساس

وحدي أحآكي الحبر في عزة الليل
وكل ٍ .. تهنى يآحبيبي بـ ( نومه )
أجري على خد الورق كني السيل
وافل له ( قلـــــبٍ ) تحبه همومه

~
.

مشتاق اعايش ضحكتك في جبينك
واشوف نورك بالفضا يشعل اشعال

مشتاق أضمك لاتمادى انينك
اعطيك من روحي هنا لو هو آمال

وجهك أجمل وجه شفته في حياتي
كل ما ناظرت وجهك قلت لبّا
أنت عمري وأنت سيّد ذكرياتي
وأنت سرٍ من ورا صدري مخبّا

من يدك الفنجال وألا أقهويك
ياما شربنا قهوتك في رتابه

قصدي اشوف عيون كانت تراعيك
هي تاخذ الفنجال ولا تهابه

‏يضِيق صدر الغريب إذا فقدّ داره
‏ويضيق صدر الرفيق إن تغيّر رفيقه

حطيت قلبي بين راحة كفوفك
و عطيتني كرت الموادع بيمناك