خليك بحالك يرتاح بالك .

-







اذا الله منعم عليك ومتفضل
وكنت في مجلس فيه عاطلين عن العمل
لا تحكي عن مشاريعك واموالك وعماراتك
وسيارتك الجديده ورحلاتك
فبركه المال في الكيف لا بالكم
إذا شفت زوجين (ماخلفوا أولاد )
مافي داعي تقول "مافي شي جاي عالطريق"
خليك إنت بطريقك وهما بطريقهم
او قول "الله لايحرمكم من بعض"
************
واذا شفت أم عندها بس بنات أو العكس
مافي داعي تقول جيبيلهم أخ
فرحي قلب ابوهم
قول الله يخليهم ويحميهم ويجعلهم من الصالحات
والبارّات فيك وبأبوهم "
**********
وإذا التقيت بصبية ماتزوجت مافي داعي تقول
"ايمتا بدنا نفرح فيكِ"
افرح إنت بحالك بعيد عنها
او قول "الله مايحرمنا من الضحكة الحلوة
للأميرة الحلوة"
*********
كل مجروح بيعرف جرحه
بس العلاج مو بإيدو
وعند الله ما في شي بعيد
لهيك مافي داعي تحط عالجرح ملح
بحجة انك عم تطمن عليهم
وبتكون بتجرح فيهم بدون علم
**********
خلي أسئلتك يلي ما الها داعي الك
وخلي الناس بحالها
ما في داعي تفتح جروحهم وتطبطب عليهم
كل واحد الي فيه مكفيه
خليك بحالك
وخلي غيرك بحالوا
لانو ربنا كبير وما بنسى حدا
يا من أنعم الله عليه: بالمال... بالصحة... بالجمال
بالحرية... بالنجاح... بالسمع... بالبصر...
بالكلام... باللمس...
بأي نعمة ملموسة أو غير ملموسة...
بأي نعمة يفقدها غيرك... تذكر أن:
الله هو ولي النعم،
وأن التضامن مع الناس شيء جميل،
وأن جرح المشاعر بقصد أو بدون قصد
شيء مخز ومهين.
ادعوا الله لكم ولغيركم سراً
ومافي داعي للتسول العاطفي
رحم الله امرء عرف قدر نفسه .

المصدر: منتديات انفاس الحب

---

ogd; fphg; dvjhp fhg; > dvfhd

المصدر: منتديات انفاس الحب

---

ogd; fphg; dvjhp fhg; > fphg; ogd;