جاني واحد و قال : بسأل كم سؤال
♣ يهتم بكل ما هو
جديد ومنقول لكل شعراء والكتاب وخواطرهم ♣
, جاني واحد و قال : بسأل كم سؤال ,, وقبل يسأل قلت : أنا ماني خبير ! قال : جاوٍب بس , يا وٍلد الحلال وكل كلمه حِطَّهَا.. فبيتٍ
26-12-2021
|
|
جاني واحد و قال : بسأل كم سؤال
,
جاني واحد و قال : بسأل كم سؤال ,,
وقبل يسأل قلت : أنا ماني خبير !
قال : جاوٍب بس , يا وٍلد الحلال
وكل كلمه حِطَّهَا.. فبيتٍ صغير
قال نبدأ : شنهو تعريف (( المُحال )) .. ؟
قلت : خَل هالكلمه " فـ البيت الأخيـر " .. !
آلقهــر: إن شفت دمعـات الرجال ..
والوطن : [ إنسان ] .. مِتغيِّرٍ كثير,,
والطفل : لعبه على شاطـي الرٍمال ..
والأمل : إحساس في عين الضرير ,,
الوفا : [ قلبين ]. يجمَعهُم حلال ..
والرجُل : اللـي علـى أهلـه يغير ,,
والرجا : لا قلت : للوٍاطـي تعال ..
والفشل : مدري .. ولكنه مرير ,
والشعر : في وٍقتنا .. بدر وطلال ..
زين وأوٍّل : حيـل يعجبنـي جرير .. !
والغلا : إحساس إلى حَـد الخيال ,,
والعِشِق : لا شفت مَعشُوقِك تطير ..
والجفا : إعكس مفاهيم / الوصال ,,
والوصل : يعنـي تاكد فيك خير ..
والعقل : تِسْفَـه أقاويـل الجهال ,,
والجهل : إن قلت عن نفسك كبير..
والخطرٍ : لا صارٍ ما عندك مجال ,,
والبلا : إن صرت معدوم الضمير ..
والعجب : لا صرٍت تسأل منهو قال ,,
والتعب : إن كنت تِبْحَث ْعن مصير ..
الغنى : بالنفس ما هو راس مال ,,
والفقر : من كان .. بأعماله فقير ..
يكفي يكفي .. أسئله إنهي الجدال ,,
ويالله علمني عَن .. السِّر الخطير ..
ما أبي تضرب لي في غيرك مثال ,,
قول :عنِّك وإعتبر سِرك في بير ..
جات طعنـه مِن جنوبك والشمال ,,
يعني وضعِك بين مِن حُولك خطير ..
صاحبـي وإن ضاقت بعينك ليال ,,
لك فرشت القلب مفروش الحرير ..
في [ بلاد الحلم ].. ممنوٍع العقال ,,
والمصيبه الشعب ما أختارٍ الأمير ..
وما ألوٍمك..كان شدِّيت الرحال ..
دام بيتك جرح / وفراشك حصير ,,
وهذا تعريفي إلى كلمه : مُحَال ..
شي ودك فيه ولايمكن يصير ..
..
" أرجو ممن يعرف اسم الشاعر أن يذكرنا به لإدراجه، كحق من حقوقه"
وسلامتكن/م
[hkd ,hp] , rhg : fsHg ;l schg jalg ]h,] s,hx ;g
[hkd ,hp] , rhg : fsHg ;l schg jalg ]h,] s,hx , ,hp] rhg ;g
|
2 أعضاء قالوا شكراً لـ الخل الوفي على المشاركة المفيدة:
|
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
|