30-10-2019
|
|
دخيل عيونك الحلوه عيوني لاتبكيها
جنون الشعر لاثارت تحرك حرفي الهادي
وانا الليله جنون الشعر ثايرةٍ بلاويها
معي فكره .. وحرفي لاكتبته ماهو بعادي
يداوي له جروحٍ عجزت الدنيا تداويها
ياحرفي والقصيد العذب دايم غاية مرادي
دخيلك لاتخيب الهقوه اللي فيك هاقيها
ابكتب بك مشاعر خاطرٍ مشتاق وينادي
لعلك توصل الابيات ياشعري لراعيها
حبيبي والزعل من بيننا بالحيل متمادي
عليك الله عشرتنا الزعل لازاد ينهيها
انا احبك وانا مافيه غيرك ساكن فوادي
عساني فدوةٍ للضحكه اللي همت انا فيها
ترفق بي تراني تهت بعنادك وبعنادي
دخيل عيونك الحلوه عيوني لاتبكيها
ابي ترجع ليالينا .. جفانا حيل مافادي
وجيتك طالبة ترجع لروحي يا معنيّها
مصآفحة اولى ..
Êηκŝãr
]odg ud,k; hgpg,i ud,kd ghjf;dih
]odg ud,k; hgpg,i ud,kd ghjf;dih hgpg,i ]odg ud,kd
|