إمـِآ حضُـوْرٍ فيـِهٌ كْلٌ التمَيـزْ وُلآ بـَلاشْ مِنْ البدآْيهـٌ حُضُورْيٌ

'
،

تبالغ!!
بمدحي و وصفي!!
.
.
و الا حبك :
واصلني شعور ..
و لا ينتابني شك انك به توفي..
.
.
صدقيني :
قاصره دونك ..
عباراتي و حرفي!!
اسمعيني:
مهما اعتلى بوحي:
و حاول ..
انه يعتلي اكثر و اكثر ..
لوصف :
اصغر تفاصيلك ما هو ببالغ//

'
،

يَافَآ ♡. ,AL7AN ,قَـلـبْ ,ترف ,أشواق ,_ ريِمآ . ,احمد معجبون بهذا

'
يا الله بصبح لكم كله افراح و خير و ربح
حيهم و هلا و مسهلاااا..
مبطي عن الوجيه الجميله و الحلوه و المنوره< اجحدوا المدح عاد
اليوم سالفه سريعه كذا ع الطاير


،
مرات الواحد :
يقرأ عباره و يمر عليها مرور كرام ..
و مرات :
يسمع اغنيه و عادي ما تشده كلماتها..

لكن!!
خلي شخص معين يرسل له نفس العباره..
و الا يقوله اسمع نفس الاغنيه ..

يصير وقعها شي ثاني و مختلف..
العباره تقرأها و تقرأها كلمه كلمه و حرف حرف < و دار دار و زنقه زنقه لا ذي مالها دخل بس تحمست


و الاغنيه ..
تعيدها و تعيدها و تعيش الكلمات و اللحن و كل تفاصيلها ..
و تصير حتى بعد تدندن بينك و بين نفسك فيها ..

.
.
طيب وش رايكم نجرب !؟
بقول لكم عباره < و يا ويلكم لو ما تحسونها غير

هذا المكان :
انتم بهجته..
و بحضوركم للجمال هنا الوان //
امتنان:
و شكري لكم ..
يا جعلكم بفرح دايم و اطمئنان//


.
.


عباره!!
جاتني منك :
فيها مشاعر..
ما قرتها عيوني!؟
الا حسيتها بأعماقي :
كل شي منك عندي هذا قراره//
اغنيه ..
تهديني ..
فيها منك حنيه//
اسمعها :
يعيشها قلبي و المزاج تتغير أطواره //

و توته توته خلصت الحتوته

و المايك بين ايديكم

همس الروح ,يَافَآ ♡. ,_ ريِمآ . ,AL7AN ,قَـلـبْ ,احمد ,ترف معجبون بهذا

'
،
تطلين/:/
.......ينتظرك القمر ملهوف..
يبي منك لمحه:
.............يبي لطلتك يشوف..
...متعشم من نورك له تمدين)(
تطلين/:/
ينتظرك الورد لغيرك يعوف..
يبي منك لمسه:
....يبي انفاسك عليه تروف..
........متعشم لاوراقه تعطرين)(
تطلين/:/
........ينتظرك قلبي شغوف..
يبي منك فرحه:
...بها السعاده حوله تطوف..
ضحكه!!
كأنك ضحكات الدنيا له تهدين)(
تطلين/:/
...ما توصف تفاصيلك حروف..
لك همسه:
لحن الجمال فيك معزوف..
.....كل من يشوفك له تبهرين)(

'
،

يَافَآ ♡. ,_ ريِمآ . ,AL7AN ,قَـلـبْ ,احمد ,ترف معجبون بهذا

'
،

‏ليل !!
...........‏حولي اشياء كثير!!
‏لكن!!
‏القلب ما يبي غيرك بديل//
‏وين الهروب!؟
يأخذني الشوق معه و نسير!!
يرافقنا الحنين!!
تصادفنا الذكرى مِتعبه حيل//
رغم كل شي صار و ممكن يصير!!
‏كل الجهات انت!!
..........‏بوصلتي بس لك تميل//

،
،

يَافَآ ♡. ,احمد ,قَـلـبْ ,_ ريِمآ . ,AL7AN ,ترف معجبون بهذا

'
،

جزء من النص مفقود!؟
‏جزء!!
‏الا بغيابك:
‏لا حرف!!
‏لا كلمه!!
‏كامل النص ماله وجود!!
‏،
‏.
‏لمين اكتب!؟
‏المشاعر لغيرك ما تجود ()
‏ ورودها تذبل!!
‏تشحب ملامحها و تحس ببرود!!
لمين اكتب!؟
دون اسمك:
الاوراق !!
.............تعامل عباراتي بصدود!!
حقيقه!!
دام عيونك لها ما تقرأ:
ما عليها حسافه..
..................... و مجرد حبر تعود !!

'
،

يَافَآ ♡. ,_ ريِمآ . ,قَـلـبْ ,AL7AN ,ترف ,احمد معجبون بهذا

،
'

صباح السمبوسات و اللقيمات و الحلويات

أول شي < دام فيها اول شي وراه سالفه
مبارك عليكم جميع الشهر الفضيل..
كتب الله لكم صيامه و قيامه..
و انتم بأفضل صحه و احسن حال..
و تقبل منا و منكم صالح الاعمال ..

و ثاني شي:
يسعدني اخباركم بتوفر مفرزنات..
من السمبوسه و المعجنات ..
حتى الشوربه و المكرونه نوفرها< آلا يا مصدقين

و صح نسيت اعلمكم..
ترى السمبوسه دايت:
يعني رقاق بر ..
و الحشوات من :
أجبان و لحم و دجاج و تونه كلها قليلة الدسم< و اسألوا قلب حتى

و ثالث شي ..
يسعدني < غير يسعدني الاولى ترى لا تحسبون نسختها

عن اخباركم بوجود مسابقه لافضل طبق..
و الشروط :
احضار ثلاثين طبق على ان تتنوع الأطباق ..
خلال كامل شهر رمضان ..
و سوف يتم تقييم الأطباق ..
و اعلان الفائزين بعد العيد مباشره

و الجائزه بخليها مفاجأه ..
و راح تكون شي كبيررررررر..
اهم شي الله الله ب الإطباق المشهيه و المتنوعة

و اذكركم ترى الجائزه كبيره < من الحين يفكر بالتصريفه

و بسوي لكم جلسه
و احط فوانيس و حركات و اصنع لكم اجواء رمضانيه
و يمكن بعد اسوي لكم فوازير

و حياكم الله
و ما في مايك مخلصه الحجار < ما وده يتوهق احد يسأل عن الجائزه

همس الروح ,AL7AN ,ترف ,قَـلـبْ ,_ ريِمآ . معجبون بهذا

باقي ثلاث حبات سمبوسه :
خضار و شيدر و مفرم لحم < كنت مخليهم عينه للذوق

و معها بيبسي من العلب الصغنونه

اللي له شف يرفع الشاشه على فوق
بس شوي شوي عشان لا تطيح الحشوات

همس الروح ,AL7AN ,_ ريِمآ . ,قَـلـبْ ,ترف معجبون بهذا

رمضان :
هنا الارتياح بكل الالوان //
رمضان :
هنا السكينه و الاطمئنان//
رمضان :
هنا شعور الفرح ب الأطنان//
رمضان :
ايام فيها الانشراح عنوان //

جميل هذا الشهر بكل تفاصيله ..


رمضان :
لا اسمع احد فيكم يقول سمنان
و لا اسمع احد يقول ..
اذا لبست ثوب العيد وقتها لا تصير ندمان

يَافَآ ♡. ,احمد ,AL7AN ,ترف ,_ ريِمآ . ,قَـلـبْ معجبون بهذا

،
'
امس قريت ان الموز يقلل العطش
و قلت يا ولد خلني اجرب

و انا ادرعم و أقطف لي موزه قبل الاذان ..

و الظاهر طلعت معي النتيجه عكسيه
اكثر يوم حسّيت فيه بالعطش

شكلي عقلي الباطن يحب يعاند..
و جلس يوسوس لي ..
انت عطشان
انت عطشان
انت عطشان
و انا ع الريحه عطشت ..
ما ادري عاد هو تفرق ..
اذا الموزه مستويه و الا مايله اقصد و الا نص مستويه ^~^

و ما ادري بعد لا اكون اكلت موزة الزينه و ما انتبهت ههههههههههههههههه

،
'

همس الروح ,AL7AN ,ترف ,قَـلـبْ ,_ ريِمآ . معجبون بهذا

'
،
من ذكريات رمضان :
زمان كان رمضان في دراسه و اختبارات..
و في صلاة التراويح الإمام يدعي..
و انا اجلس اقول بصوت واطي:
يا رب تنجحني..
عشان المصلين كلهم يقولون امين

براءه من صغري بِسْم الله علي

.
.
و من الذكريات بعد :
طريقة إثبات انك صايم لاخوياك
يجي واحد و يمسك الجلد من فوق اصبع السبابه..
اذا ثبت الجلد و ما نزل نجحت انت صايم
و اذا نزل الجلد انت مفطر
لو تجلس تحلف لبكره انك صايم
سقطت ب اختبار الصيام خلاص

'
،
و من الذكريات بعد :
يوم تنقفط انك مفطر بالفيمتو
و لا يمديك تجحد ..
يكون شنب الفيمتو الشاهد على الجرم المشهود
يوم يسحبونك قدام المرايه هذا وووووش
،
،

همس الروح ,AL7AN ,_ ريِمآ . ,احمد ,ترف معجبون بهذا